Steal thy heart (PUBLISHED BY BOOKWARE)

Chapter 33

"Fred, you have to do something about that grandson of yours!" mabigat ang bawat paghinga ni Domingo. Kanina pa s'ya palakad lakad sa harap ng mesa ni Frederick Yung, ang matandang may ari ng samu't saring negosyo, mula sa naglalakihang hotel hanggang sa pagbebenta ng mga mamahaling sasakyan. Hindi n'ya maaaring palampasin ang pakikipagisa ng kompanya n'ya rito! Ang pamilya nito ay isa sa pinakamayamang angkan hindi lamang dito sa Pilipinas kundi maging sa Tsina. Ang makamerge ang mga Yung ay pangarap ng lahat ng negosyanteng kagaya n'ya.

"That's already taken cared of. Will you calm down, Domingo?" mahinahon ngunit mariing utos nito sa kanya. Kumportable lamang itong nakaupo sa lounge chair nito na parang walang anuman ang nangyayari. Nilalaro nito ang isang fountain pen sa isang kamay at ang isa naman ay nakasapo sa sentido nito. Litaw na ang mga peleges nito sa mukha ngunit wala pa raw itong balak na magretiro hanggat hindi nagpapakasal ang tagapagmana nitong si Caleb.

Kalat na sa buong alta de sosyedad ang tangkang pag urong ng apo nito sa kasal nila ng anak n'yang si Heather. His daughter's already freaking out! At hindi na n'ya matiis ang pagbubunganga at pag nagawa nito sa bahay kaya naman ipinasya na n'yang kausapin si Fred Yung. "How can I calm down? If Caleb tries to break up the engagement with my daughter he will pay dearly for it!"

"Are you threatening me?" bakas sa mukha nito ang amusement na hindi niya ikinatuwa. Bagkus ay lalo pa siyang nainis dito.

"No, I am threatening your disobedient grandson!" gigil na sagot n'ya. "Subukan lang n'yang iwan sa altar ang anak ko—"

"What, Domingo?" matalim ang mga mata ng matanda. Kahit sa edad nitong iyon ay nagagawa pa nitong manindak gamit lamang ang boses nito. "Is this really about your daughter? Or something else?"

"What do you mean? Of course it's all about Heather!" kinakabahang protesta niya. "You need to do something!" tila nabahag ang buntot na sabi n'ya rito.

Ngumiti ng matipid ang matanda. "I am doing something, Domingo, just wait."

---

Natalie

Lumulutang ako.

Para akong nasa ibabaw ng tubig at lumulutang ako.

Lumulutang ako! Pabalikwas akong napabangon matapos ang realisasyon na iyon. Ano bang nangyayari? Bakit pakiramdam ko nasa ibabaw ako ng isang water bed? At inuugoy ako niyon? I hate water beds!

Disoriented na iginala ko ang paningin ko sa paligid ko. Napakurap kurap ako sa hindi pamilyar na kisame. It is sand colored at nasisiguro kong hindi ganoon ang kulay ng kisame ko sa bahay. Holy shit, nasaan ako? Nasapo ko ang noo ko nang magsimulang tumambol ang ulo ko. Ano bang nangyari sa'kin? I looked down at myself and saw that I was wearing a man's shirt and a man's brief. Oh no! Na rape ba 'ko?!

Maiiyak na sana ako nang agawin ang pansin ko ng mahinang paghilik sa loob ng kwarto. Mas lalo tuloy nagtitili sa takot ang utak ko. Kinagat ko ang daliri ko habang dahan dahan na dumukwang sa gilid ng kama.

Napanganga ako nang makita ko ang boyfriend kong nakabaluktot sa sahig. Shit! Shit! Shit!

Ano bang ginagawa ko sa lugar na ito? Nasa'n kami? Did we get kidnapped?

Kagat labing pinagmasdan ko ang himbing na himbing sa pagtulog na si Caleb. He was gently snoring and his lips are parted in very sexy way. Magulong magulo ang buhok nito at pinagkakasya ang sarili sa masikip na sulok na tanging isang kumot lang ang sapin. Naawa akong bigla sa kanya. Bakit kailangan n'yang magtiis doon kung maari naman n'ya 'kong tabihan sa kama?

'Nako, Natalie, ayan ka nanaman sa kalandian mo!'

Muli ay binalingan ko ang buong lugar. Ano ba 'to? Motel? Imposible namang condo 'to ni Caleb dahil nakarating na 'ko dun at ang laki laki nu'n! So where are we? Hindi parin naaalis ang pakiramdam ko na para akong lumulutang sa ibabaw ng tubig. Nagpasya akong bumangon at lumabas upang tiyakin kung nasa ligtas ba kaming lugar ni Caleb nang biglang umikot ang paningin ko at nagsimula nanamang kumirot ang ulo ko. "Aww.."