"သူကြီး ဗျို့ သူကြီး"
ရိပေါ် အိပ်တစ်ဝက်နိုးတစ်ဝက်ဖြစ်နေသည့်အချိန်တွင် နားထဲတိုးသဲ့သဲ့ ဝင်လာသောအသံကြောင့် မီးခလုတ်ကိုဖွင့်ကာ အသံကြားရာဘက်ဆီသို့ ပြတင်းပေါက်မှ လှမ်းကြည့်လိုက်သည်။ ခြံရှေ့တွင်ရောက်နေသည်ကဘိုးဘိုးချန်နှင့် အန်တီဇီဇီ။
မြို့ကြီးသားများတစ်ခုခုဖြစ်လို့လားဟူသောအတွေးနှင့်အတူ အပေါ်ဝတ်အပါးလေးထပ်ကာအခန်းထဲမှ အလောတကြီးထွက်မိသည်။
အသံကြား၍ ထွက်ကြည့်သော ပါးနှင့်တောင်တိုက်မိသည်အထိ သူက အလျင်လိုနေရပါသည်။
"သား....ဘာတွေအလောကြီးနေလဲ
ခြံရှေ့မှာဘယ်သူတွေလဲ"
"ဘိုးဘိုးချန်နဲ့အန်တီဇီဇီပါ ပါး"
အန်တီဇီဆိုတာနှင့်ပါးနောက်မှမားက မလိုသည့်အကြည့်တွေနှင့်တုန့်ပြန်လာသည်။ဘယ်ကစမှန်းမသိပေမယ့် အန်တီဇီဇီနှင့််မားကသူသိတတ်စကတည်းက အဆင်မပြေကြ။
"လာလာ....သွားကြည့်ရအောင်သား"
ပါးကရှေ့မှဦးဆောင်သွားကာ သူကမားနောက်ကခပ်ကုပ်ကုပ်သာလိုက်လာရသည်။
စိတ်ထဲမှာတော့ ဘိုးဘိုးချန်ရှေ့သို့သာဖျောက်ခနဲရောက်သွားချင်နေသည်။
"ဘချန် ဘာကိစ္စရှိလို့လဲ ညကြီးမိုးချုပ်"
ဘိုးဘိုးချန်က ပြောရမှာအားနာနေသည့်ပုံနှင့် ပါးတို့ကိုကျော်ပြီး သူ့ကိုကြည့်လာသည်။အန်တီဇီဇီမျက်နှာကလည်း စိုးရိမ်သည့်ဘက်သန်းနေသည်မို့ ဘိုးဘိုးချန် ပြောသည်အထိ
မစောင့်နိုင်တော့ဘဲ ရိပေါ်ထုတ်မေးလိုက်ရသည်။မြို့ကြီးသားကို အရမ်းစိတ်ပူနေပြီကိုး။
"ဟို...ရှောင်ကျန့် ဘာဖြစ်လို့လဲ ဘိုးဘိုး"
ရိပေါ် မေးလိုက်တော့ အားလုံးရဲ့အကြည့်တွေက ရိပေါ် ဆီရောက်လာသည်။မားရဲ့အကြည့်ကအဆိုးဆုံးပင်။ မားရဲ့သံသယအကြည့်များအောက်မှာ ရိပေါ်ကမေးမိသည်ကို နောင်တရချင်ပေမယ့် မြို့ကြီးသားကို လည်း
တစ်ကယ်စိတ်ပူနေတာမို့ မသိချင်ယောင်သာဆောင်နေမိတော့သည်။
"မြေးက သစ်ပင်ပေါ်က ပြုတ်ကျလို့ဆိုပြီးနဖူးပေါက်လာတာသားရယ် ။ဆေးထည့်ဆိုလည်းမထည့်ဘူးလုပ်နေတယ်။အခန်းတံခါးလည်းဖွင့်မပေးဘူး။ကူညီပါအုံး"
YOU ARE READING
ဝမ်သူကြီးသားနှင့်မြို့သားကိုလူချော
Romanceအဟမ်း....ဟမ်း.....ဝမ်ရိပေါ်ကငါ့အပိုင် ဝမ်သူကြီးသားကိုရဖို့ ဝမ်သူကြီးကိုမဲပေးစို့ Sep 6to Oct 30
