အခုဆိုရင် ဓနနဲ့ကြောင်ပေါက်ကောင်လေးရဲ့ ဆက်ဆံရေးဟာ အရင်ကလိုမျိုးတင်းမာနေခြင်း၊ ခနခနရန်ဖြစ်ခြင်းတော့သိပ်မရှိတော့ဘူး။ အခုနောက်ပိုင်း ကြောင်ပေါက်ကောင်လေးတို့သုံးယောက်နဲ့ ဓနတို့သူငယ်ချင်းနှစ်ယောက်ဟာ အဖွဲ့ကျနေလေ့ရှိသည်။ ကျောင်းမှာလဲကျောင်းအခန်းထဲဝင်ချိန်မှ လွဲ၍ကျန်အချိန်များဆိုရင် သူတို့ကန်တင်းမှာသာ အကုန်စုနေတက်ကြသည်။ အာကာနဲ့နန်းဆန်ကတော့ ချစ်သူအဆင့်များရောက်ရှိခဲ့ကြသော်လည်း ဟာရနဲ့ဓနကတော့ အခုထိဘာကဘာမှန်းမသိကြသေးပေ။
သူတို့နှစ်ယောက်ရဲ့အချစ်ရေးဟာ မပွင့်လင်းကြ။ သို့သော်ဓနကအမြဲ ဟာရကိုဂရုစိုက်လာခဲ့သည်။ ကျောင်းပိတ်ရက်များဆိုရင် သူတို့အကုန်ချိန်းဆိုကာ ရုပ်ရှင်သွားကြည့်ကြလေသည်။ အာကာနဲ့နန်းဆန်ကတစ်တွဲ၊ ဟာရနဲ့ဓနကတစ်တွဲဖြစ်သလို ရွှေရည်ကတော့အခုထိတစ်ယောက်ထဲဖြစ်နေဆဲပင်။
ရုပ်ရှင်ပြီးလို့ သူတို့ဆူးလေဖက်သို့ချီတက်လာကြသည်။ ဆူးလေတွင်cake&coffeeသည် ဆိုင်ခန်းလေးကျဥ်းသော်လည်း စားသုံးသူအများအပြားရှိသည်။
ကိုအာကာနဲ့နန်းဆန်က မုန့်နဲ့ကော်ဖီကိုသွားမှာကာ ဓနနဲ့ဟာရအပြင်ရွှေရည်က ခုံတွင်ကျန်ခဲ့သည်။
"ရွှေရည်နင်crushနေတဲ့ကောင်လေးနဲ့ အခြေအနေကထူးမလာသေးဘူးလား။"
"ငါလဲဘယ်လိုပြောရမလဲ။ သူကမသိချင်ယောင်ဆောင်နေသလိုပဲ။ ငါ့မှာကမိန်းကလေးမဟုတ်လား။ ကြိုက်တယ်ဆိုပေမယ့်လဲ အဲ့လောက်အထိတော့ သိက္ခမရှိလုပ်လို့မရဘူးလေ။"
ဟာရကိုမျက်နာငယ်စွာလေးနဲ့ ရွှေရည်ပြန်ဖြေရှာသည်။
"ဟိုနှစ်ယောက်က အဆင်ပြေနေပြီ။ ကိုဓနကကော ကျွန်မတို့သူငယ်ချင်းလေးကို ဘယ်တော့ချစ်ခွင့်ပန်မှာလဲ။"
ရွှေရည်ရဲ့တိုက်ရိုက်မေးခွန်းကြောင့် ဓနဘယ်လိုအဖြေပေးရမှန်းမပြောတက်။ လည်ဂုတ်သားကို လက်ဖြင့်အသာအယာပွတ်ကာ ဟာရကိုသူလှည့်ကြည့်မိသည်။
ဟာရလဲရွှေရည်စကားကြောင့် အနည်းငယ်ရှက်သွားမိသည်။
"နင်ကလဲ ကိုဓနကိုအားနာစရာတွေ မေးနေတယ်။ ဒီအခြေအနေလေးအတိုင်းပဲ ကောင်းပါတယ်။ အခုလိုအခြေအနေလေးက တိုးလာခြင်းမရှိသလို ဆုတ်ယုတ်သွားခြင်းလဲမရှိဘူးလေ။"
YOU ARE READING
မောင့်ရဲ့ကြင်ရာတော်👨❤️👨
Romanceပူပြင်းတဲ့မီးပင်လယ်တောင် အချစ်နဲ့ပက်ဖြန်းလိုက်ရင် သိပ်လှတဲ့နှင်းဆီခင်းအဖြစ်ဖူးပွင့်သွားတက်တယ် Aug. 28.2020
