ဂန္တဝင်၌တွယ်ငြိခြင်း
အပိုင်း (၂၁)
ရာဟု နှုတ်မှ 'ခေမာ'ဟူသည့် အမည်နာမသည် သော်က ကို
မိုက်မူးသွားစေသည်အထိ
လုံလောက်လေသည်။
ခုနက နေပူထဲ ရေငင်ကာ ချွေးထွက်ထားသည့် အရှိန်ကြောင့်ရော
ယခု စိတ်လှုပ်ရှားမှုရော ပေါင်းကာ
သော်က ခေါင်းတို့ က တစ်ရိပ်ရိပ် ဖြစ်လာသောကြောင့် ဝင်လာသူ မိန်းမပျိုအား မကြည့်အားဘဲ
ဘေးဘောင် လက်တန်း ကို
မှန်းကိုင် လိုက်ရသည်အထိ ။
ရာဟု သည်လည်း တစ်ရွေ့ရွေ့ လာနေသူ
ခေမာ ကို ကြည့်နေရာ မှ တစ်ဖက်သို့ လှည့်လိုက်သော အခါ
လှေခါး လက်တန်း ကို ကိုင်လျက် ဖြူဖျော့သော မျက်နှာ အစုံနှင့် သော်က ကို တွေ့ရသော အခါ
လန့်သွားရတကား ..
"သော် က အဆင်ပြေရဲ့လား"
"ရ ရပါတယ် ရာဟု"
နှင်းဆီ ရနံ့ မွှေးအိီအီ နှင့် အတူ
အရိပ်သွယ်သွယ်လေးတစ်ခု
မိမိဘေးသို့ကျရောက်လာသော အခါ
ရာဟု ၏ အချစ်ဦး ဟု သိထားခဲ့သည့်
'ခေမာ' ဆိုသည့် အမျိုး သမီး ကို
သော်ကမော့ကြည့်လိုက်မိတော့သည်။
လှည်းစာခေါက်သာ လှိုင်လှိုင်သွေး၍ လိမ်းကြရသော ရွာဓလေ့ ကို ကျော်လွန်၍
ခေမာ ဟူသည့် အမျိုးသမီးမှာ
နံ့သာဝါဝါ ကို
သိပ်သိပ်ကလေးလိမ်းထားသည် ။
ရွာသူတွေ ကဲ့ သို့ အကြမ်းထည်
ချည်ကိုမဝတ်ထား
ချည်ချော လုံချည် နှင့် ရင်ဖုံး ကို
တိတိပပဝတ်ထားကာ
တစ်ပတ်လျှိုဆံထုံး လှလှ တွင်
နီစွေးသော နှင်းဆီ ပန်း တစ်ပွင့် ကနေရာယူထားသည်။
မျက်လုံးတို့ က အနီရောင်
နှင်းဆီထက်ပင်တောက်ပလျှက်
နှုတ်ခမ်းတို့က တိပစွာ စေ့ထားသည်
ပြုံးယောင်မှ ပင်မသန်းသော
မျက်နှာထားနှင့်သော်က ကို စိုက်ကြည့်နေလေရာ..
သော်က မှာ အနေပင်ကျုံ့လာသလို။
'ရာဟု ခင်ဗျား က ဘယ်လို မိန်းကလေးမျိုးကိုမှ သွားသဘောကျရတာတုန်း'
"သူက"
အမျိုး သမီး ၏ သူနှင့်ပတ်သတ်၍
မေးသော မေးခွန်းတွင် စိတ်ရှုပ်မှုနှင့်
မာန တရားများပျော်ဝင်နေကြောင်း သော်က ခံစားမိပါသည် ။
YOU ARE READING
ဂန္တဝင်၌တွယ်ငြိခြင်း (ဂႏၲဝင္၌တြယ္ၿငိျခင္း)
Historical Fictionဂန္တဝင်ထဲမှာ လှလှပပတည်ရှိနေသောသူနှင့် ဒီတွယ်ငြိခြင်းထဲ က မရုန်းထွက်နိုင်သောကျွန်တော်...! ဒိီစာကို ဖတ်ပြီး ကေတုမတီ ကို တစ်ခေါက်လောက် အရောက်သွားဖူး ချင်တယ်လို့ ခံစားမိရုံ သမိုင်းကြောင်း ကို မြတ်နိုးသွားမိရုံ နဲ့တင် ဒီ တွယ်ငြိခြင်း ကို ဖန်တီးရကျိုးနပ...
