ဂန္တဝင်၌တွယ်ငြိခြင်း
အပိုင်း(၂၈)
ကေတုမတီ၏ မိုးလေ ကင်းလွတ်သော သီတင်းကျွတ်လပြည့်နေ့ အာရုဏ်ဦး
သည် နှင်းငွေ့ငွေ့ဖုံး၏ ။
အနောက်ဘက် မင်းဝံ့တောင်တန်း ဆီမှ သက်ဆင်းလာသော နှင်းငွေ့ငွေ့သည် ဆောင်းမရောက်သေးသော်ငြား
မြောက်ပြန်လေသွေးသဖြင့်
ကေတုမတီသည် အနည်းငယ် ချမ်းစိမ့်စိမ့်ဖြစ်နေလေသည်။
အရှေ့ယော ဆော အနောက်မော
တောင်တောရယ်သာ သာသနာ
ရောင်ဝါထိန်ထိန်လင်း လတ္တံ့ ။
ဟူသော တပေါင်အတိုင်း ပင်
အရှေ့ဘက် ပေါင်းလောင်းမြစ်နှင့်
မြတ်စောညိီနောင်တောင်တန်း
အနားတွင် တောင်ယာ များ ကောင်းစွာ ဖြစ်ထွန်းသဖြင့် စားနပ်ရိက္ခာ ဖူလုံသည် ။
အနောက်ဘက် ရှိ မင်းဝံမောတောင်တန်းကြောင့် ရန်သူတို့
အလွယ်တကူမကျူးကျော်နိုင် ။
ထို့ကြောင့်
ဇေယျဝဎုနတိုင်းခေါ် ကေတုမတီတောင်ငူပြည်သည် ရေမြေတောင်တောင် စိမ်းလန်း ၍ သာသနာရောင်ဝါ ကို ကောင်းစွာ
ထွန်းလင်းခွင့်ရလေသည် ။
မနက်အစောပိုင်း ဖြစ်သော်ငြား
ရာဟု တို့ အိမ်တွင်
အရီးလှ ၏ ဆွမ်းထမင်း
ပြင်နေသောအသံ
ဘုန်းကြီး ဆွမ်း ပြင်လက်စ ဟင်းများ အားမိခင်မသိအောင်နှိုက်စား သဖြင့်
မနော်ဦး အား ရာဟု ၏ မာန်သံ တို့ ဖြင့်
ကျွတ်ကျွတ် ညံ လျက်ရှိသည်။
ယနေ့သည် သီတင်းကျွတ်လပြည့်နေ့ ဖြစ်သည်။
မနက်ပိုင်း ဆွမ်း ခံ ကြွသော ကျောင်းထိုင် ဆရာတော်ဘုရား နှင့် သံဃာတော်တို့အား ဆွမ်းအလုပ်အကျွေး ပြုရန်
ကေတုမတီတစ်မြို့လုံးတက်ကြွနေကြလေသည်မှာ လင်း ကြက်မတွန်ခင် ကတည်း က မီးခိုးငွေ့ တစ်လူလူထွက်နေသော မီးဖိုဆောင်များ ကား
သက်သေ ပင်ဖြစ်သည်။
သော်က သည်လည်း အရီးလှနှင့်အတူ
ဆွမ်းဟင်း များ ကို သေသေချာချာ အင်တုံထဲ ထည့်လျက်ရှိသည်။
"သော်ကလေး ဒီဟင်းလေး ကို ဒိီ အင်တုံထဲထည့်ပြီး ရင် ရေ ချိုးလို့ရပြီနော်"
YOU ARE READING
ဂန္တဝင်၌တွယ်ငြိခြင်း (ဂႏၲဝင္၌တြယ္ၿငိျခင္း)
Historical Fictionဂန္တဝင်ထဲမှာ လှလှပပတည်ရှိနေသောသူနှင့် ဒီတွယ်ငြိခြင်းထဲ က မရုန်းထွက်နိုင်သောကျွန်တော်...! ဒိီစာကို ဖတ်ပြီး ကေတုမတီ ကို တစ်ခေါက်လောက် အရောက်သွားဖူး ချင်တယ်လို့ ခံစားမိရုံ သမိုင်းကြောင်း ကို မြတ်နိုးသွားမိရုံ နဲ့တင် ဒီ တွယ်ငြိခြင်း ကို ဖန်တီးရကျိုးနပ...
