"ကိုယ် မင်းကို ချစ်တယ် Yibo"
Xiaozhan က သူ့ကို ချစ်တယ်တဲ့။ အခု သူ့ကို Xiaozhan က ချစ်တယ်လို့ပြောနေတယ်။ ဟင့်အင်း..ဒါက ပျော်စရာ မဟုတ်ဘူး။ သူ့စိတ်ကို သူထိန်းမှ ဖြစ်မယ်။
Yiboက သတိပြန်ဝင်လာကာ Xiaozhan ရင်ခွင်ထဲ မှ အတင်းရုန်းထုတ်ပြီး.."ဘာစကားပြောလိုက်တာလဲ Xiaozhan "
"ကိုယ် မင်းကို ချစ်တယ် Yibo"
"ခင်ဗျားက မကြာခင် လက်ထပ်တော့မယ့် သူလေ..ဘာလို့ ကျွန်တော့်ကို ဒီစကားလာပြောနေရတာလဲ"
"အဲ့ဒါ ကိုယ် မင်းကိုမတွေ့ခင်ကလေ...အဲ့ လက်ထပ်ပွဲက မိဘတွေဆန္ဒအရ လက်ခံလိုက်ရတာ..အခု မင်းကို တွေ့ပြီ.. ကိုယ် လက်ထပ်ပွဲ ကို ဖျက်တော့မှာ"
"ခင်ဗျား ကျွန်တော့်ကို လာကစားနေတာလား Xiaozhan "
"မဟုတ်ဘူး Yibo"
"လွန်ခဲ့တဲ့ ငါးနှစ်က ကိစ္စကြောင့် ခင်ဗျား အထင်လွဲနေပုံရတယ်..ကျွန်တော် ယောကျာင်္း အချင်းချင်း စိတ်မဝင်စားဘူး Xiaozhan "
"အဲ့စကားကို ကိုယ့်ကို တည့်တည့်ကြည့်ပြီး ပြော Yibo "
Xiaozhan က Yibo လက်ကို ဆောင့်ဆွဲကာ မျက်လုံး ချင်းစုံစေကာ မေးသည်။
"မင်းမျက်လုံးထဲမှာ အဖြေကို ကိုယ်တွေ့နေရတယ်..မညာပါနဲ့ Yibo"
Yiboက Xiaozhan ဆွဲထားသည့် လက်ကို ပြန်ရုန်းကာ..
"ခင်ဗျားက ကိုယ့်ကိုကိုယ် သိပ်အထင်ကြီးတာပဲ Xiaozhan.... ကျွန်တော် မှာ သမီးတစ်ယောက်တောင် ရှိတာ..ကျွန်တော် က ယောကျာင်္း အချင်းချင်း စိတ်ဝင်စားမယ်လို့ ခင်ဗျား ထင်နေတာလား "
"Yibo. ....."
"ကျွန်တော် နဲ့ ကျွန်တော့်သမီး နားက ဝေးဝေးနေပါ Xiaozhan... နောက် ကျွန်တော် တို့ကို မနှောင့်ယှက်ပါနဲ့"
........
Xiaozhan ဆီကနေ ပြေးထွက်လာပြီး Yibo က ဆေးရုံက Toilet ထဲ ဝင်ကာ ထိန်းထားသမျှ ငိုချမိသည်။ Xiaozhan က သူ့ကို ချစ်တယ်တဲ့လေ။ ဒါက သူ အကြားချင်ဆုံး စကားပဲ..။ သူပျော်ရမှာ ဖြစ်ပေမယ့် မပျော်နိုင်ဘူး။ အပြစ်ရှိနေတဲ့ လူတစ်ယောက် လို ခံစားနေရသည်။ Lin Chiရဲ့ အဖေ ဖြစ်တဲ့သူက ဦးလေး ဖြစ်တဲ့ သူ့ကို ချစ်တယ်တဲ့လေ။ ဒါက မဖြစ်သင့်တဲ့ အရာပဲ။