Unicode
အလှလေးရဲ့ စတင်အလုပ်လုပ်သည့်နေ့ရက်သည် အလုပ်ကြမ်းနှင့်ထောင်ဒဏ်ကျခံရတဲ့ ထောင်သားတစ်ယောက်လိုဖြစ်ခဲ့ရသည်။သူက အချိန်တိုင်း ဝမ်ရိပေါ်ရဲ့ကဂျီကကြောင်ကျခြင်းကိုခံနေရသည်။
"ရေကအရမ်းပူနေတယ်..ပြင်လိုက်ဦး "
"အရမ်းအေးသွားပြန်ပြီ "
"ကျောကုန်းလာတိုက်ပေးဦး "
အဝတ်ဖြင့် ကျောကုန်းတိုက်ပေးနေသော အလှလေးရဲ့လက်ကို ကိုင်ကာ ဝမ်ရိပေါ်က နေရာရွှေ့ပေးသည်။
"ဒီနေရာလေး "
ရေချိုးပြီးသည့်အခါတွင်လည်း ထုတ်ပေးထားသောအဝတ်များကို ဝတ်ကြည့်ကာ မကြိုက်သဖြင့် ရှိသမျှအကုန်လဲလှယ်ဝတ်ကြည့်သည်။
"အင်း..ဒီတစ်ထည်မဆိုးဘူး. ဟေ့..ဘာလို့ပြန်ခေါက်နေတာလဲ "
ရှောင်ကျန့်က အဝတ်ခေါက်နေရင်း ဒီတစ်ခါရောဘာဖြစ်ရပြန်ပြီလဲဆိုသည့်သဘောဖြင့် ဝမ်ရိပေါ်ကိုလှည့်ကြည့်သည်။
"သေတ္တာထဲပြန်ထည့်မလို့လဲ "
"ဘယ်သူကပြန်ထည့်ခိုင်းလို့လဲ..အကုန်သွားလျှော် "
"အရှင်မင်းသား..ဒါတွေက ခဏပဲဝတ်ကြည့်ရသေးတာလေ "
ခန္ဓာကိုယ်မှအဝတ်များကို ပြန့်အောင်လက်ဝါးဖြင့်လက်ခါဖြန့်လိုက်ပြီး ဝမ်ရိပေါ်က အဝတ်ပုံကြီးကိုကြည့်လိုက်၏။
"ကြမ်းပြင်ပေါ်ကျသွားတယ်..လျှော်လိုက် "
ဒီနတ်ဆိုးမင်းသားက တမင်လုပ်နေမှန်းသိသာနေတာပဲကို။အေးလေ..လျှော်ဆိုလည်း လျှော်ပေါ့။အထိန်းတော်တစ်ယောက်က ဒါတွေလုပ်စရာမလိုမှန်း ရှောင်ကျန့်သိပြီးသားဖြစ်ကာ သူ့ကိုတမင်နှိပ်စက်နေမှန်းလည်းသိသည်။အဲ့အကျင့်ပုပ်ပွနေတဲ့နတ်ဆိုးကို သူရိုက်သာသတ်လိုက်ချင်တော့သည်။
"ငါ့ကိုကျိန်ဆဲနေတာမလား "
"......"
အလှလေးက သူ့ကိုတစ်ချက်ကြည့်ကာ အဝတ်များကိုကောက်ယူ၍ အဝတ်တစ်ခုနဲ့ထုပ်ပိုးကာ အဝတ်လျှော်သည့်နေရာသို့ သွားမလို့ခြေလှမ်းပြင်သည်။
YOU ARE READING
Young prey(Completed)
FanfictionYizhan fanfic ပါ။ရိပေါ်က နတ်ဆိုးတစ်ပါးဆိုတော့ အလှလေးရှောင်ကျန့်ကို ဘယ်လိုသိမ်းပိုက်မလဲ။ရှောင်ကျန့်ကအရမ်းကြောက်တတ်တော့ နုနုယွယွနဲ့ဘယ်လိုသိမ်းပိုက်မလဲ ဖတ်သာကြည့်ကြတော့နော်။