DEAl [Kim Taehyung & Kim Jisoo]

9. Шатрын хөлөг

 Kim Jisoo ------

  Орон дээрээ нааш цааш холбироод, би тун чиг жаргалтай байна. Аргагүй шүү дээ, надад кинонд тоглох санал ирсэн. Хэдий туслах дүр боловч миний алдар, нэр хүндийн эхлэл болох болно.

  Амандаа иштэй чихэр хүлхээд, ийн байх үед хаалга тогших дуулдав. Зөвшөөрөл өгөөгүй байтал арзайсан үсээ улам сэгсийлгэсээр гартаа сэтгүүл барьсан Тэхён ороод ирлээ. 

Сүүлийн хэд хоног хэт жаргалтай байгаа тул Тэхёны талаар бүр мартчихаж. Би хоромхон зуур бэлэг авсан жаахан охин шиг аашлахаа болин, иштэй чихэрээ хогийн сав руу чулуудав. Харин Тэхён өрөөг минь эргүүлж тойруулж харсанаа гайхсан шинжтэй таг болчихлоо.

  Өмнө нь хэзээ ч харж байгаагүй түүний царайны хувирлыг хэсэг шинжээд, хөшөө мэт зогсох түүн рүү хуванцар аяга шидэв. Нүүрийг нь яг оносон тул, Тэхён над руу хараад өнөөх сэтгүүлийг шидлэн:

 - Модель болохоор шийдээ юу ? Ким Жисүү. Сүүлийн үед байнга л дээгүүр харж, хэрүүл өдөж явдаг хүн байхгүй болохоор жаахан уйтгартай л юм. Хүсвэл тоглоомонд бууж өгч болно. Дэндүү уйтгартай байгааг сануулж хэлье.

  Өөрийгөө ямархуу харагдаж байгаа тухайгаа мэдэхгүй ингэж хэлчихээд, цааш явлаа. Би сэтгүүлийг аван харвал, Dazed Korea нүүр зурган дээрх миний төгс гэхэд хэт төгс зургууд харагдав.

  Өөрийгөө ямар үзэсгэлэнтэй харагдаж байгааг биширлээ. Энэ чинь л миний өдийг хүртэл мөрөөдсөн хүсэл.