فالسعوديه عند فلاح
من يومين وهو مسافر ويحس بالشوق ماكلنه لمرته وعياله، اتصل عليها وعقبها بشوي ردت عليه
جوري وهي ترضع مايد: الووو
فلاح وهو مشتاق: فديت انا هالألووو
جوري: ههههههه تفداك
فلاح: شحال حبيبتي؟
جوري: الحمدلله بخير وانت شحالك ياروحها؟
فلاح: دامج بخير، بكون ما استحي على ويهي لو ما كنت بخير
جوري: ههههههههه دوم ياروحي
وتموا يسولفون لين ما يا لفلاح اتصال من الدوام، بند عنها وراح للاجتماع..
.......
فالعزبه مكتوم يالس ويفكر، فجأه يا ف باله البلاغ واستحى من نفسه انه تأخر على البنيه.. قام بسرعه ومعزّم يفتح البلاغ.. صح انه تعلق فالريم واسلوبها عايبنه لكن الي يسويه غلط.. راح وهو جزء من متردد والجزء الثاني معزّم يلس فالسياره وفتح موقع الشرطه الالكترونيه وبدا يعبي كل المعلومات.. "تمت عملية الإبلاغ بنجاح✅"بعد هالجمله ظهر النصخ من داخله وفتح الانستا.. وعلطول على محادثتها
مكتوم: (" الريم")
الريم: (" عونك")
مكتوم: (" اعانج الرحمن")
مكتوم وهو ما يبا الموضوع يخلص، لأنها يمكن المره الاخيره الي يرمسون فيها: ( "شحالج؟")
الريم استغربت منه بس ردت: (" بخير عساك بخير ومن صوبك؟")
مكتوم بدون ما يحس بعمره: (" دامج بخير اكيد بكون بخير")
الريم: (" مديّم الحال")
مكتوم ياه اتصال من راكان.. فكر يرد ولالا.. و رد على اخوه
راكان: الوو
مكتوم: الو هلا
راكان: مكتوم انا الحين فالمطار
مكتوم فز: هاه؟ ليش؟
راكان بحزن: آخخ خلاص ياخويه راحت الغاليه والنصيب خذها وانا بكمل دراستيه وبحاول انساها
مكتوم بحزن على حال اخوه: الله يوفقك ، استودعتك الله
راكان: مع السلامه
مكتوم: بحفظ الله
وقطعوا الخط.. وكلن في صدره هم
جاف الريم كاتبه: (" آمرني الشيخ، حايه اماره؟")
مكتوم فداخله: اسلوبها يناااااااسسس (" ما يامر عليج لا ظالم ولا عدو")
مكتوم: (" الريم الغاليه انا خلاص بلغت وان شاء الله بيتخذون الإجراءات الازمه")
الريم فرحت واييد ان بتنحل السالفه لكن ف داخلها ضيق انها بتفارق مكتوم: (" مشكوووووورر مكتوم ، يزاك الله خيير")
مكتوم: (ما بينا🖤.. وياج ح") كان بيكتب حبيبتي لكن مسح وحس ان غلط ويوم انمسح ما انمسحت الكلمه كامله
الريم: (" 🖤")
.. تم يقرا محادثاتها ونزل صوب الضوّ وتم يقرا اما هي ف تمت تلف فالانستا وعينها على مكان الاشعارات، عشان اول ما يكتب ترد عليه..
يتبع..!
السموحه والله تأخرت عليكم فالبارت بس شوي تعبانه.. لحظه لحظه منو الي يوم ميلادها باجر🌚؟
انااااا💃🏻 (النبض)
YOU ARE READING
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
