اما عند مكتوم وذياب
يلس ذياب ويا مكتوم ويجوف ويهه مبين عليه متضايق
ذياب: شبلاك؟
مكتوم: ما بلاني شي
ذياب وهو يمسك العود: افا تخش عليّه؟
مكتوم: شكلي هويت ياخويه وانا ما ادري
ذياب: كيف وانت جدامي 24 ساعه ههههه
مكتوم: تحيد الي رمستك عنها؟
ذياب: اي؟
مكتوم: هاذيج الي اقولك ربيعتها تبتزها وجي
ذياب: اوووه هاييج، انزين شقّى (كيف) حبيتها؟ هب هي حشيم وما ترمس شباب؟
مكتوم: هيه وها الي عيبني
ذياب بضيق: الله يعينك ولا يبليك بما بلاني
مكتوم: اههه آمين
ذياب عدل يلسته : أسمع أسمع احم
شوفك شفا وشفاتك اسعــاف
تشفي مصاب الشوق لي حلمشتاقلك والشوق مـــــــاراف
باللي على رجواك ما مـــــــلوالشوق فيني سبعة ارضاف
متزايدن والله مـــــــــاقـــــــلمتكدرن مـ العام لي طـــاف
من رحت عني بت معتـــــــلياغايتي ياريم الاريــــــــاف
يامعطرن بالورد والفـــــــــلالعمر دون الحب ينعـــــاف
والحب دون الوصــــل يذبلاهواك طول العمر لي طاف
واهواك باقي العمر ياخــل_محمد بن غدير الكتبي
مكتوم عرف ذياب منو يقصد: طبطب على جتفه.. الله يرحمها وصح صوتك
ذياب نزل راسه ودمعت عيونه: آمين، صح بدنك
................
في مكان ثاني عندي لكم بشارهبو شوق يالس ويقرا الجريده ومندمج، رن تلفونه برقم غريب.. رد على الاتصال: الو
.......: السلام عليكم ورحمة الله وبركاته
بو شوق: وعليكم السلام والرحمه
.......: انته جابر الـ...ي؟
بو شوق: هيه نعم انا، منو ويايّه؟
......: وياك النقيب علي بغيت اخبرك بشي
بو شوق: عساه خير
النقيب علي: ياخويه يتنا بلاغات على حد من اهلك واتمنى تسمعنيه
بو شوق خاف: يالله بالستر اسمعك
النقيب علي بشويش عشان ما يصدمه ويصير فيه شي: بنتك شوق ياخوي مبتزه بنيه بعمرها.. ووو لاعبه على شباب وايدين حوالي سبعه ولازم اتيي عندنا التحقيق على الساعه 10 وان ما يت، السموحه بنقبض عليها
KAMU SEDANG MEMBACA
حبيت بدوي
Romansaحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)