حبيت بدوي

البارت السابع

عند راكان، في نفسه ((جنج يا أميه حااسه أن رجعتي قربت)) وأتصل على " عضيدي " مكتووم

راكان: مرحبا مليوون ما يسدن فذمتيّه

مكتوم يتثاوب: همممم هب وقتك ركون

راكان: أفا، هاي يزاتي ببشرك برجعتي؟

مكتوم فز ويلس وبصوت مبحوح من النوم: أي مطار

راكان وهو يضحك: هب الحين! بس ان بعطيك خبر اني ياي

مكتوم : أنزين متى؟؟ّ!

راكان: قول مال جي12 ساعة

مكتوم: بسألك

راكان: آمـــر؟!

مكتوم: انت عندك ساعه بأيدك؟

راكان: هيه بس أن أقـــ..

مكتوم: انت حمار شوو؟ بعد 12 ساعه انا شلي الحين.. يابويي طييييير وراي معسكر باجر هب فاضي لك..(وسكر الخط ورجع رقد)

راكان شاف الخط انقطع: هههههه هيه لأنك ما تدري شو بسوي جان هييهيي ارتزيت بالمطار من الحين ههههه.. وكمل ترتيب شنطة السفر وهو يدندن

الصبح الساعة 10:30

قامت الريم على حشرة أخوانها الي يتجهزون حق التجنيد: وييين البيكاتتت رشووود.. وين الفوطه.. جهزتوااا؟... سلووم الخوذههه ويين؟..ماااليي ويين؟

الريم: أخيييج هاييل كل سبت جي(وقامت أتغسلت و طلعت لهم)

سالم: صباح الخير الريمم

الريم أبتسمت: صباح النور يا مزعج انت وأخوك

سالم مرتبش بالأشياء: رشوود أنت ماخذ دريسي أتوقع

راشد: لالا.. أنا مالي عليه "R"

سالم: عيل مالي ويين؟ امييه وين دريسيي

أم حمدان من بعيد: فوق بتحصله فالكبت

الريم ترتب الأغراض مع راشد يا للريم اتصال تركت أخوها وراحت ترد على الرقم الغريب..

وهي تبتعد: الووو

......: الو السلام عليكم

الريم: وعليكم السلام منو وياي؟

......: افــا مب مسجلتني بفونج

الريم: وليش اسجل شباب عندي، أقول جان ما عندك سالفه بسكر مع السلامه

.......: أنا حمدان أخوج يا التيسه

الريم: هههه هلااا حمداني شحالك ليش صوتك غير

حمدان: أنا بخير وبعدين انا الحين طول بعرض وتقولين (يقلدها)حمداني

الريم بدلع ماصخ: حمدااان أنت اخوي الكيوت لازم ادلعك ههههه

حمدان: يعع الريم اصطلبي ما يناسب ترا

الريم: انزين داق شو تبا؟