بعد كم يوم.. (يوم محاكمة شوق)
هزاع راح وفسر الحلم وطلع تفسيره خايس لكن استغفر وتصدق عنها من ورا خاطره وبدا يتأكد انه ما يحبها، يحب روان بس للحين متردد يقول ولا يتأكد اكثر؟
اما الريم، تدخل الانستا تتمنى تجوف اشعار منه بس ماشي.. تحس تعلقت فيه وحبت شخصيته واستغربت من نفسها أصلاً كيف تحبه وهي أصلا ما رمسته وايد
مكتوم كان متردد يكتب ولالا، وكان يكتب ويمسح وتفكيره دوم فيها
فلاح رجع وخذ مرته وعياله وياه لدورته فالسعوديه لأنه ما يتحمل بُعدهم
........
في المحكمه، فالمكان الي محد بيطلع منه مظلوم دخلت شوق ومحاميها الي حطه ابوها لأن ما هان عليه ان بنته تحصل حكم قاسي ولقوا عليها التهم
القاضي: المتهمه القاصر شوق جابر ال.... متهمه بقضية ابتزاز والعقوبه كالأتي تعويض لكل شخص مبتز بقدر 50 الف ثانياً، انشاء حسابات وهميه لأغراض شخصيه مخالفه للقوانين وعقوبتها سجن سنتين مع تعويض بقدر 20 الف لكل شخص
محامي شوق تم يدافع عنها لكن ما قللوا الا المبلغ الي كان170 الف ل150 الف سحبوها السجانين لسجن القواصر وبدلت ويلست هناك يلست على الفراش المخصص لها وتمت تصيح وضميرها يأنبها لكن شو فايدة الندم والدموع؟؟
........
اما راكان راح المانيا وهو هناك يالس يدرس وحياته بدت ترجع لكن للحين يفكر وهب قادر ينسى ميره لكن يحاول يشغل عمره بشي ثاني
........
بعد شهور ابطالنا بعدهم على حالهم منهم الفرحان ومنهم الي زعلان، منهم الي راضي بقضا ربي وقدره ومنهم الي استسلم..
دخلت الحمام وهي خاشه وراها التحليل.. حطته وتمت ثواني تتريا وطلع خطين.. كانت بتصارخ بس مسكت صرختها.. صاحت شوي وعقبها مسحت دموعها طلعت بسرعه واستأذنت منه انها تطلع ويا اختها لمكان.. راحت هي واختها محل الأطفال.. حطت ف بوكس ملابس الأطفال وحطت التحليل ويابت لوحه وكتبت عليها " انا ياي بابا" وخشت ها كله عن اختها، تبا اول من يعرف هو ريلها.. رجعت البيت وجهزت عمرها وجهزت له أجواء رومنسيه كيوت
اليازية: غييييث
غيث: لبيييه
اليازية: لباك قلبي، تعال
غيث وهو لابس شورت وشعره مكشكش: ييت ياعيوني
يتبع..!
مفاجأه🥳!
يلا بقا لنا البارت الأخير وبنخلص الروايه🥺💔
أنت تقرأ
حبيت بدوي
العاطفيةحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
