السموحهه تأخرت عليكم فالبارت لكن ما فضيت🤷🏻♀️❤.. قراءه ممتعه:
مكتوم يناقز بفرحه: ابويه قاام
راكان: أححححححححححححححححححللف
مكتوم يصيح: والله
راكان: ياي (وسكر فويهه)
أمل: شو فيه ها الخبله، صوته شق أذني
راكان: هههههههه، أبوي قاام ما اصدق!! انزين اسمعي خل نروح المستشفى ويوم ثاني ان شاء الله بشتري لها شيء، بموت انا، كل ما ييت بقولها يستوي شيء
أمل: هههههه.. الحمدلله على سلامة ابوك
راكان يجوفها بطرف عينه: تراه ابوج بعد
أمل: ههههههههههههههههههه.. أعرف
.............
غيث: هلا عمي
بوحمدان: حيّه والله غيث
غيث: الله يحييك ويبجيك.. عمي
بوحمدان: هلا
غيث: ياعمي عندي لك شور.. شو رايك لو نجدم ملجتنا انا و اليازيه بنتك؟
بوحمدان يحك ذقنه: ياولدي خير البر عاجله، بس الشور شور البنيه
غيث بأرتياح: زين عيل ممكن تردولي خبر على الأثنين الياي ان شاء الله
بوحمدان: افـا عليك الحين بشاورها وبرد لك خبر (شافه بيعترض) يابوي انا أبا اجوفها عروس قبل لا يأخذ الله امانته
غيث بأحترام: لك طولة العمر
طلع بوحمدان للصاله وجاف اليازيه يالسه و مندمجه بالفلم: يزووووي
اليازيه عدلت يلستها: هلا ابويه
بوحمدان بهدوء: يابوي غيث الحين فالميلس واباه يملج عليج أن شاء الله على الأثنين الياي شو رايج
اليازيه بحيا: يعنيي آآآ هذا (قاطعها ابوها)
بوحمدان: أنا موافق بس الشور شورج (ومسح على جتفها بحنان)
اليازيه بحيا: مالي شور بعد شورك يابويه
بوحمدان: الله يكملج بعقلج (باس راسها) لو أعرف ازغرط جان زغرطت بس ماااشي المواهب معدومه هههه
اليازيه: ههههههههه أبوييه..
دخل بوحمدان الميلس وهو فرحاان بنته الثانيه بيزوجها و بتبقى على قولته عسل البيت "الريم"، جاف غيث متوتر، أبتسم يذكره فنفسه لما كان شباب
بوحمدان نزل راسه بتمثيل: والله ياولدي آآآ.. مالك نصيب عندنا
غيث أنصدم: هاه.. ليش.. عمي فينـ
بوحمدان حب يزيد المعيار ويقوله بزوجك أختها الصغيره بس ماهان عليه غيث
بوحمدان: مبروووووووووك
YOU ARE READING
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
