حبيت بدوي

البارت الـ15

هزاع: يلا عموه ما تبوني اوصلكم

ام حمدان ضحكت: توصلني ولا(غمزت) توصل الحبيبه

هزاع انحرج: هههه عمتي الله يهديج.. انزين اوصلكم ولا اروح

ام حمدان: السواقين برع.. لكن عشانك.. بخليك توصلنا القاعه

هزاع متفشل: احم (باس راسها) شكراً

ام حمدان: هههههههههه عفواً.. (اتصلت فبنتها) الو

الريم: هلا اميه

ام حمدان: الريم.. اجهزوا بسرعه.. ولد خالج بيوصلنا

الريم: هزاع؟

ام حمدان: هيه

الريم: يلا يايين

وصلهم هزاع للقاعه وهو طول الدرب عينه على الريم وعمته، لأنه ما يبا يدخل وياها بموقف محرج.. اما الريم فكانت متضايقه من نظرات هزاع وعزمّت انها تخبر روان كل شيء..

دخلوا القاعه ولبسوا اليازيه الفستان وجهزوها، دخلوا المعازيم كانت في طاوله مخصصه لأهل العروس و كانوا يالسين فيها بنات خال الريم، مشت لهم وهي في بالها شيء لازم تسويه..

الريم تمشي لهم بكل اناقه: روان.. ممكن اكلمج شوي

روان: اسمعج

الريم ترجع خصله ورا اذنها: لا بروحنا

روان قامت بتأفف: يلا

راحوا ورا الكوشه.. مكان محد يجوفهم فيه.. الريم: روان انا اسفه

روان: وليش تتأسفين

الريم حضنت روان.. روان منصدمه: شو فيج

الريم ماسكه دمعتها: انا والله ما احب هزاع

روان رفعت ايدها وهزت راسها بلا ودموعها بعينها: لا تبررين ولا تجذبين ولا حتى تتأسفين.. أنكسر قلبي وهذا كل ما في الموضوع

الريم مسكت ايد روان ونزلتها: والله ياروان اني ما احبه.. انا اصلاً منصدمه من الي استوا.. (لما جافت ان روان صاده عنها قالت بنبرة مترجيه) روان والله مايخصني

روان حضنتها وصاحت.. الريم ما رامت تمسك عمرها وصاحت

بعدت عنها روان: لا يجوفنا حد بيقول متخبلين هذيل ههههه

الريم مسحت دموعها: واااااي مسكرتيييي هههههه

........(بعد ما سمع كل شيء): احمم عمتي؟

الريم وروان ركضوا ورا الستيج.. ونادوا ام حمدان عشان تروح لهاك الولد الي ما عرفوه من صوته

ام حمدان راحت ورا الستيج: هلا هزاع؟
هزاع يحاول يخفي تأثره: احم عموه.. عمي يقول ان غيث بيدش ومحد منكم يرد على التليفون