حبيت بدوي

البارت الـ22

فلاح يرمس بسرعه وتوتر: الحمدلله ما نشكي باس، عمتي آآ جوري بتولد (جوري وهي تمسك كمّه وتزم شفايفها)

ام حمدان: ما شاء الله، مبروك يابويه، انزين انته الحين روح المستشفى ونحن يايينكم

فلاح متوتر: ان شاء الله (يت سالي وحطت الأشياء فالدبه وهي شاله نهيان)

فلاح يمشي 180 وماسك ايد جوري، طوفوا 3 إشارات من السرعه وكم رادار لقطهم، وجوري تصارخ وتتويع

فلاح: يلا الحين بنوصل حبيبتي، اصبري شويه

جوري: فلاااااححح بسرعههههه

فلاح: ان شاء الله، ان شاء الله.. وصلنا يلا

نزل بسرعه وراح للطواري وطلب سرير لأن جوري على وشك انها تولد، دخلوها بسرعه وفحصوها وكانت تولد، دخلوا الغرفه وولدوها ويابت ولد، الكل كان يترياها برع فالممر وخايفين عليها لأن طولت شوي، وفلاح خلاص نفسيته تعبت واستوا بس يتريا أي خبر ان مرته يابت له الولد وهي بخير، طلعت النيرس وفي أيدها كشف ركضوا لها حمدان وفلاح،

النيرس: مبروك ما ياكم، منو أبو الياهل؟

فلاح وهو متوتر: الله يبارك فيج، انا

النيرس: حالة الأم هب مستقرة، وراح تترقد فالعناية المركزة اما الولد ما شاء الله صحته بأحسن حال

فلاح بخوف: ليش شو فيها؟

النيرس: تعبت وايد من الولادة، على الساعة 9 الصبح باجر بإذن الله بتروم تقوم من المخدر وبتكون صحتها ان شاء الله مستقرة

فلاح وهو يمسح على ويهه: ان شاء الله خير

النيرس: الحين اخويه بس بقا تعبيّ لنا بيانات الطفل وشو راح تسميه

فلاح: ان شاء الله اختي، مشكوره مما قصرتي

النيرس: العفو، يلا عن اذنكم

الجميع: اذنج وياج

راحت النيرس من صوب، والكل يباركون لفلاح الي من صوبه كان مستانس وخايف فنفس الوقت، بعد التبريكات راح فلاح عسب يعبي بيانات ولده مايد

الصبح 8:50

كانت منسدحه وتعبانه من الولاده وأهلها كلهم ردوا البيت لأن مافي فايده انهم يتريونها لين ما تقوم، الا فلاح تم وياها وأذن فأذن ولده.. قامت جوري وجافت فلاح راقد ع الغنفه الي صوبها وواضح عليه التعب، ابتسمت وعدلت يلستها، حس فيها فلاح وقام لها وهو مبتسم: الحمدلله على سلامتج حبيبتي

جوري بصوتها المبحوح: الله يسلمك

فلاح: مبروك علينا ميود

جوري ما عيبها الأسم لكن ما حبت تناقش لأنها تعبانه: الله يبارك فيك يابو نهيان ومايد (ابتسمت)