زايد: انتوا تغايضوني شو اسوي بكم؟
حمدان تنهد: انزين.. تأدب لأن الشي ما بيكون من صالحك ان ما تأدبت تمام؟
زايد: ان شاء الله.. شي ثاني؟
حمدان: ما تروح لكايد ابداً.. فاهم؟
زايد: ان شاء الله.. شو بعد؟
حمدان: سلامتك، والله يا زايد لو اجوفك تروح له.. ما بيحصل لك طيب
زايد قام وراح عنه.. اما حمدان تم يالس و يفكر.. افاا يا مايد والله كنت ظان فيك الخير (تنهد) الله يعين
....
العصر
راكان دخل عند ابوه: السلاااام عليكم
بو راكان: وعليكم السلاام.. حيّه
راكان: الله يحييك ابويه (حبه على راسه)
بو راكان: شحالك؟..بخير؟
راكان: الحمدلله بخير و انته ابويه شعلومك؟
بو راكان: علوم الخير ولله الحمد
راكان: الحمدلله.. ابويه
بو راكان: نعم؟
راكان: أبويه انا عزمت اعرس
بو راكان استانس: ما شاء الله.. ها في بنت فبالك ولا اخلي امك تختار لك؟
راكان بشوية حيا: أبويه في بنيه فبالي
بو راكان: ما شاء الله.. ومنو هاي الي معذبه قلب ولدنا؟
راكان: ميره بنت عمتي
بو راكان: والله انك نويت نية خير.. هاه استخرت؟
راكان: والله يا ابويه القلب لهم ميالي لكن بإذن الله بستخير
بو راكان: الله يكتب الي فيه الخير.. متى عزمت؟
راكان: الخميس.. الا امايه وينها؟
بو راكان: راحت لعمتك.. ميره شوي ميهوده
راكان خاف عليها لكن ما بين: اهاا.. الله يعافيها
بو راكان: آمين.. تغديت؟
راكان وهو يقوم: لا والله.. كنت فالدوام و هناك عاد الشغل لييين اهنيه (اشر لراسه) ف ما امداني اكل
بو راكان: عيل قوم بدل و كل لك كمن لقمه
راكان باس راس ابوه: ان شاء الله
......
مكتوم يالس ويا ذياب فالسياره و مبركنين فالكورنيش
ذياب تنهد: و الحين يا مكتوم
مكتوم بهدوء: و الحين؟ شو تقصد؟
ذياب: تتحسب الي سويناه صح؟ ما تدري انهم يراقبونا؟
![](https://img.wattpad.com/cover/233346063-288-k900515.jpg)
YOU ARE READING
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)