مكتوم: انزين لا تحن بقول.. في وحده يت ترمسني
ذياب قاطعه: طع وانا اتحسب شي يديد
مكتوم: لالا كمل عني السالفه كمل
ذياب تساند: كمل فكنا
مكتوم: المهم هي بنت مسنعه وتباني اساعدها تمام؟
ذياب: تمام
مكتوم: وبس هالي كنت افكر فيه
ذياب: كمل لا (مسك العقال الي ع المسند) بهذا
مكتوم يمثل انه خاف: خلاص بقول بقول
ذياب: هيه اتحسب بعد
وقفوا صوب الاشاره، مكتوم: أقول جب جب
ذياب: كمل ياخي شو ذالني ع كم كلمه
مكتوم: شخصيتها طرررر يوم اسولف وياها جي استانس
ذياب يغمز له: هااا بدينا نحب؟
مكتوم: انزل انزل، هب منك مني انا الي مخلنك
ذياب: اتمصخر انزين
مكتوم: المهم ان بساعدها وخلاص كلن بيروح بطريجه (حس بالضيق يوم قال هالجمله)
ذياب بنظره: ليش تضايقت يوم قلت ان كلن بيروح بطريجه
مكتوم: لالا ماشي
ذياب: مكتوم تعلقت فيها؟
مكتوم: جيييه معلاق هي؟
ذياب: هاهاهاه سخيف تراك،(بجديه) جاوب؟
مكتوم ظهر النصخ من صدره: ما ادري شو اقولك؟ انا بروحي ما اعرف
ذياب: وكيف بتحل مشكلتها؟
مكتوم: ببلغ الشرطه وخلاص
ذياب عدل يلسته: اوكيه، والحين وين رايحين؟ (غير الموضوع لأن حس ان مكتوم تضايق)
مكتوم بضيقه يخفيها: أبا اروح دبي
ذياب: عيل يلا توكلنا على الله
........
قامت ولقت الاجهزه الي حولها ترن والحجره ظلام.. تذكرت كل شي استوا لها قبل كم ساعه.. وكرهت مايد وانخذلت من فلاح الي ما توقعت بيوم انه بيصدق الي ينقال عنها، عدلت يلستها بويع ودقت على الجرس، يت الممرضه ويابت وياها الاكل
جوري: الغاليه ما عليج امر، أبا ولدي
الممرضه: السموحه، الأستاذ فلاح منعنا ان نييب الياهل هنيه
جوري نزلت دموعها: بس ها ولدي
الممرضه هزت جتفها وقلبها متقطع على جوري: ما باليد حيله
جوري مسكت ايد الممرضه وتترجاها: الله يخليج ييبي ولدي والله ما بخبر حد
الممرضه: حبيبتي (دمعت) هدّي ان شاء الله بييبه
جوري صاحت: شكراً
الممرضه مسحت على جتف جوري وراحت تبلغ الممرضات اييبون مايد، لأنه بالنهايه ولدها.. فالبدايه عارضوها لكن رضوا عقب..
YOU ARE READING
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
