ذياب يكمل: تعرف؟
مكتوم جافه بنظره يعني كمل
ذياب: لها مكانه غييير فقلبيي (دمعن عيونه)
مكتوم يبا يلطف الجو: افااا و انا وين رحت
ذياب ابتسم ابتسامة حزن: كانت تغار منك (سكت شوي و بعدها ضحك) ههههههه كانت تقول (نزل راسه) شو هالمكتوم.. كله وياه انت ما تمل منه.. عطني ويه شوي هههه (رفع راسه و سرح)
مكتوم تنهد وحط ايده على جتف (كتف) ذياب: ذياب ياخويه لا تعذب نفسك.. قول انا لله وانا اليه راجعون (ذياب يردد وراه).. الله يرحمها.. نرد البيت؟
ذياب يمسح دموعه: زين تسوي.. صدق ان الهوى ما يرحم.. آخخ
مكتوم يسوق بهدوء.. وصل ذياب بيتهم وراح لبيت ابوه..
مكتوم يفتح الباب: السلاااام عليكم
ام راكان: و عليكم السلام و الرحمه
مكتوم يحب راس امه: ها امايه لابسه العباه.. تبين تظهرين؟
ام راكان: لا توني راده من عند عمتك
مكتوم: شحالها؟ شعلومها؟ والله مقصر ما رحت لها
ام راكان: بخير الحمدلله.. تسلم عليك و عتبانه وايد.. تقول ليش ما ايي لي ليش انا هب عمته
مكتوم يحج راسه: عسى رقعتيها ههههههههه؟
ام راكان: ههههه لا تحاتي رقعت لك
مكتوم باس راس امه: ههههه تسلمين الغاليه
راكان توه ياي من فوق: امايه
ام راكان: لبيه
راكان: لبيتي حايه.. امييييه بعرسس
مكتوم: هههههههه طع هذا
ام راكان تعلق عباتها: صدق؟ ولا تستهبل.. يا حرام ان كنت تستهبل يا راكان لا امردغك بالمحنايه
مكتوم: اجلد ههههههه
ام راكان بنظره: ترا انت بعد وياه
راكان يأشر له: ويييووو ههههههههه
ام راكان تهز راسها بأسف: كل واحد خاط الشنب ويهه و يتعايرون
مكتوم و راكان: هههههههههههه
ام راكان لراكان: و انت.. تعال ايلس
راكان: ان شاء الله (و يلس صوبها)
ام راكان بفرحه: تبا تعرس؟
راكان بثقل: هيه
ام راكان: والله انا في وحده فبالـ..
راكان: لا امايه انا أبا وحده معينه
ام راكان بفرحه و استعجال: منوو؟
راكان ضحك على حماس امه: امايه أبا ميره بنت عمتي
ام راكان حظنت ولدها و صاحت: الله يوفقك الله يوفقك
YOU ARE READING
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
