ერთი კვირა სწრაფად მიიწურა, მე და თეიონი ყოველ დღე ახალ ადგილებში ვატარებდით დროს. ვგრძნობდი რომ ბიჭი სულიერად მშვიდდებოდა რაც ძალიან დიდ ბედნიერებას მანიჭებდა.
***
- დღეს ბოლო დღეა, - სევდიანად ამოიოხრა თეიონმა.
- ხო, - ჩუმად ჩავილაპარაკე და ჭიქიდან უკვე გაციებული ჩაი მოვსვი, - კიდევ დიდხანს დაგტოვებდი აქ, მაგრამ ჯგუფის აქტივობებიდან გამომდინარე ახლა ეს შეუძლებელია.
- რათქმაუნდა, ამას მეც არ მოვისურვებდი, - წამოიძახა ბიჭმა, - ახლა ჩემი ჯგუფის გვერდით უნდა ვიყო, დასვენების დრო არ მაქვს.
- ხანდახან მაოცებ, - გამეღიმა მის სიტყვებზე.
გაკვირვებული სახით გამომხედა.
- უბრალოდ, შენს თავზე თითქმის არასდროს ფიქრობ, მთავარი პრიორიტეტი ყოველთვის ჯგუფია.
- ისინი ჩემთვის უძვირფასესი ადამიანები არიან, უბრალოდ არ შემიძლია რომ მათზე არ ვიფიქრო, - გაეღიმა.
- ამ ცხოვრებაში ყველას უნდა ჰყავდეს ერთი შენნაირი ადამიანი, - ჩავილაპარაკე და ცარიელი ჭიქა ძირს, ბალახზე დავდე.
- იგივეს ვიტყოდი შენზე.
- ბნელდება და აცივდა, - წამოვდექი ჰამაკიდან, - წამოდი შევიდეთ.
თეიონი მისაღებში შევიდა, მე კი სამზარეულოსკენ გავეშურე.
მაცივარი გამოვაღე და უცებ რამოდენიმე ბოთლ სოჯუს მოვკარი თვალი.
- თქვენი არსებობის შესახებ სულ დამავიწყდა, - გამეცინა და ბოთლები გამოვალაგე.
სოჯუს დარჩენილი ჩიფსის პაკეტებიც მოვაყოლე და მისაღებში შევედი.
- დალევაზე რას იტყოდი? - ვკითხე დივანში მჯდომ თეიონს და ყველაფერი მაგიდაზე დავაწყე.
- უარს ნამდვილად არა, - გაეცინა და სოჯუს ბოთლს დასწვდა.
YOU ARE READING
მენეჯერი
Randomყველა ქეიპოპერს არ აქვს საშუალება ენსითის მთავარი მენეჯერი გახდეს, მაგრამ ჩე აერასთვის შეუძლებელი არაფერია. (ფიკი ატარებს ხუმრობით შინაარს, შეგიძლიათ სერიოზულად არაფერი მიიღოთ)
