ضي قلبي ( بقلم رانيا العربي)

الحلقة {١٩}

تقف ضي تتابع الموقف وتجد نظرات الضيق على وجه سليم لتهتف بتعجب من داخلها : هو ماله ده شكله مخنوق كده ليه
أما سليم يلتفت ويرفع حاجبه بدهشة وصدمة من وجودها ليردف بتهكم : صافي هانم بتعملي ايه عندنا
ليقاطعه صوت جده الصارم : عيب يا ولدي دي ضيفة عندينا ، اتفضلي يا بتي
لتتحرك صافي سريعا لتقبل يد زين الهواري تحت أنظار الجميع المتعجبة لتصرفها : شكرا يا جدو ، انا بس عندي خبر هيفرح العيلة وقلت لازم اجي اقولكم عليه
لتقف شادية بجوارها و تربت ع كتفها : خير يا حبيبتي قولي
صافي وهي تتحرك وتقف أمام سليم وتنظر له نظرة تحدي وتمسك يديه بقوة : انا حامل يا سليم مبروك يا حبيبي هتبقي أب
ليبعد نظرة عنها ويلتفت إلي معشوقته التي تتابع الموقف بنظرة سخرية لتبتسم بخيبة أمل وهي تنظر إلى عيونه وتنطق بتلك الكلمة التي أهلكت قلبه : مبروك يا ابن عمي
ليتابعها وهي تبتعد عن أنظارهم سريعا ويلتفت إلي صافي الواقفة تتابع الموقف بتشفي وتقترب من أذنه وتردف بجدية : اخدتك منها زمان و هاخدك تاني يا سليم ، سليم حق صافي و بس
➖➿➖➿➖➿➖➿➖➿➖➿➖
في مكتب داخل احدي الجامعات المصرية يجلس صلاح الشامي دكتور في إدارة الأعمال ليرن هاتفه وتكون زوجته نوارة زين الهواري فهي حصل عليها بعد عناء طويل لتصبح شريكة حياته
نوارة : صلاح هتيجي أمتي
صلاح بحب : جاي يا نوارة عمري و حياتي قدامي ساعة كده واتحرك متخافيش لازم اشوفك قبل السفر ، بقولك انتي هتعرضي التحاليل بتاعتك هناك ولا ايه
نوارة بقلق : مش عارفة مش مش عايزة اعلق نفسي بأمل
صلاح بضيق : خلاص يا حبيبتي اللي انتي عايزاه مش هضغط عليكي ، صحيح أخويا هيجي يقعد معايا هو وبناته عشان مراته عند أختها عشان بتولد و يونسوني وانتي مش في البيت
نوارة بأبتسامة : طبعا ينوروا البيت بيتهم ، انت عارف انا بحبهم قد ايه
صلاح بمعاتبة : مش ناوية تقوليها بقي يا نوارة ، لسه قلبك متعلق بالماضي
نوارة بنبرة حزينة : انت قولت ماضي هو في ماضي بنعيش فيه ومعاه يا صلاح ، انت دلوقتي جوزي و شريك حياتي ، لو سمحت متقولش حاجة تفتح وجع الماضي تاني
صلاح بيأس من حالتها : حاضر يا نوارة ، مش هتكلم ولا احكي عن الماضي تاني ، المهم عايزة حاجة وانا جاي
نوارة بنبرة هادئة : لا يا صلاح عايزة سلامتك و اوعي تتأخر عايزة اشوفك قبل ما امشي
صلاح بحب : حاضر يا حبيبتي مع السلامة
بعد غلق الهاتف ..
عند نوارة تضع يديها ع قلبها وتهمس بدموع : مش قادر يدق بعدك يا حبيبي ، يارب سامحني بعد ما هو راح قلبي راح معاه
..عند صلاح ..
وبعدهالك يا نوارة انا عملت كل حاجة عشان تكوني ليا يا بنت الهواري ولسه مستعد ، اتحرمت من اني اكون أب لابن منك بس ميهمنيش المهم انك معايا وبس حتي لو قلبك و روحك معاه
➖➿➖➿➖➿➖➿➖➿➖➿➖
كانت شادية تجلس في الحديقة لتجد أختها زهرة تدخل الي المنزل مثل اللصوص تتلفت يمينا و شمالا خوفا وهي تتعجب من حالتها لتردف لنفسها : يا تري وراكي ايه يا بنت ابويا بس لا من شكلك أكده وراكي داهية كبيرة ، الله في سماه لو طلعتي ليكي يد في حوار شمس و هاشم ولا في نيتك تأذي جوزي لا حد من عيالي هتكوني فتحتي على نفسك نار جهنم يا بنت ابويا
➖➿➖➿➖➿➖➿➖➿➖➿➖
...في جناح سليم ...
كان يسحبها من معصمها بقوة ليدخل بها الي الغرفة ويدفعها بقوة لتقع أرضا وهو يلتفت ويضرب الجدار مرارا وعرقوه تنفر من شدة غضبه ليهتف بشراسة و عيونه تحولت إلى حمراء من الغضب : بتلعبي يا بنت الجندي و ديني وايماني ليكون عذابك على ايدي