ضي قلبي ( بقلم رانيا العربي)

الحلقة {٥٩}

بمكان وجود زهرة يقتحم المجهول غرفتها وهو يسحبها من شعرها بعنف ويطرحها أرضا ، ويمسكها مرة أخري يصرخ بغضب جحيمي وهي تنتفض من بين يديه وتلكمها ليصرخ بها قائلا : بتكدبي عليا يا بت الكلاب .. عادل فين يا زهرة ..غورتيه فين يابنت المدبوبة

كانت زهرة تتحرك بعشوائية بين يديه وهو يكاد يقتلع شعرها من جذوره من شدة غضبه ..وكانت تصرخ من الألم تلهث قائلة : معارفاش حاجة يا بيه ... اني ايش عرفني يا بيه ..هملني يا بيه احب علي يدك

ليجز علي أسنانه وهو يطالعها بأعين عاصفة بالغضب قائلا بوعيد قاتل : مفكرة نفسك هتقدري تتمسخري عليا ... عرفت ياختي انك كنتي بداويه جارك اهنه وهربتيه .. قولي يا بت غورتيه فين

لتهز رأسها بالنفي مراراً تحت صراخها ، ليتركها وهو يدفعها أرضا لتهتف بنفي وصوت مرتعش : مش هقولك ابداً لو حتي هتقتلني .. مش هخسر عادل تاني ابداً .. انا عملت كل ده لجل ما يكون ليا

لتصدع ضحكاته الساخرة عليها وهو يضرب كف بالآخر قائلا بين انفاسه المتقطعة من الضحك بتهكم : بتحبي عادل يا زهرة ... لاه مش قادر اصدق انتي كنتي لسه في حضني امبارح يا ن***  هصدقك اياك وقبلي صلاح ويا عالم مين تاني

لتضرب الارض بيديها قائلة بجنون تلبسها وصراخ هيستري : شادية اخدته مني .. كان مكتوبلي انا مش هي ... هقتلها وهحسرها علي ولادها كلهم

لينحني بجذعه يمسكها من تلابيب ثيابها وهو ينظر لها بإشمئزاز قائلا بفحيح حاد : هتشوفي مني ايام اسود من الليل الغطيس يا بت منصور .. متعمليش فيها مدبوبة مش هيخيل عليا عمايلك دي

ويقف و يأمر رجاله بحبسها في غرفتها ، لينظر لها بسخرية قائلا بحسره : ليه يا زهرة توصليني اعمل اكده فيكي

لتنظر له وهي تلوي فمها بسخرية مماثلة له : مش هاجي أعز من خيتك اللي بتخرب حياتها يا بيه

🌱💞🌱💞🌱💞🌱💞🌱💞🌱

يتحرك سليم للخارج يركض سريعا وهو يتحدث مع عمه أحمد بالهاتف .. يوقفه صوت ضي المتلهف قائلة : سليم متنساش اتصل و طمني

ليلتفت لها مقبلا رأسها وهو يمسد علي ذراعيها بحنان قائلا بتنهيده قوية : ان شاء يكون بخير
.. انا مش عارف هو كان جاي الصعيد ليه ده قال رايح القاهرة

لتهز ضي اكتافها قائلة بحيره : بصراحة غريبة فعلا .. امشي انت وابقي كلمني ان شاء الله تكون بسيطة

ليتحرك نحو السيارة ويقابل فارس الذي يسأله بتعجب : ايه يا سليم رايح فين .. ارتاح شوية حتي

ليحكي له عن طارق ليتحركوا سويا نحو المستشفي للإطمئنان علي طارق

🌱💞🌱💞🌱💞🌱💞🌱💞🌱