ضي قلبي ( بقلم رانيا العربي)

الحلقة {٧} الجزء الثاني

يستيقظ فارس بفزع على صراخ ضحى النائمه بجواره .. ليلتفت ويقوم بإضاءة الغرفه وهو يهزها من اكتافها بيد وباليد الأخرى يفرك عيونه أثر النعاس وهو يقول بصوت مبحوح: ضحى.. انتي يا بت .. بت يا ضحى اصحي

لتفيق صارخه وهي تجلس تبكي بنواح قائله: اه يا ابن الكلاب يا فارس ... رجعت لبنت المبقعه .. كنت عارفه ديل الكلب عمره ما يتعدل

رفع حاجبيه بدهشه من حديثها ليمسكها من ذراعيها يديرها نحو قائلا بحده: بتقولي ايه يا هبله انتي

كانت تنوح وهي تضرب على افخاذها بعويل قائله: طلعت بتكدب عليا .. ولسه متجوزها يا فارس الكلب

استشاط غضبا من نواحها ..  امسكها من شعرها بإنفعال قائلاً: اتلمي بأم لسانك ده.. انتي كنتي مكبسه يا حماره

زفرت بحده وهي تنظر له بعبوس قائله بتساؤل مُلح: بجد كنت بحلم.. يا لهوي يا فارس.. ده انا فرجت عليك أمه محمد في الحلم.. لا وكمان خدت السكينه من على الترابيزه ورشقتها في قلبك وقلب الموكوسه اللي كانت معاك

نظر لها بصدمه قائلا: يخرب بيتك قتلتيني يا ضحى
لتبتسم بسعاده وهي تعود للخلف باسترخاء قائله : ما هو في الحلم بقى.. اكمل بقى اشوف بعد ما قتلتك انت وصدفه .. رميتكم في النيل.. ولا حرقتكم ونثرت رمادكم

التفت لها رافعا حاجبه قائلا بغيظ: كمان.. ايه يا جاموسه يا بني ادم برأس كلب انتي.. يا سحلفه من غير ضهر .. بقى عايزه تكملي الحلم وتكملي تقطيع فيا يا بنت المفتريه

تقترب منه تتعلق برقبته قائله بدلال أنثوي وغمزه مشاكسه: يعني عايزني اعمل ايه.. وانا بحلم انك قاعد بتحب في انثى العنكبوت دي

هذا رأسه بقله حيله يحاوط خصرها ويجعلها تجلس على أرجله يهمس أمام شفتيها بإبتسامة حانيه : يا مجنونه صدفه دي انتهت من حياتنا .. دي هتقعد لها في السن يجي عشر سنين ولا اكثر .. ده غير أن حبيبك اتعلم الدرس كويس .. وبعدين..
وأخذ يحك رقبته بخوف مصطنعه وهو يكمل قائلا: في تهديد من الحاج جلال بقطع رقبه .. وحاجات تانيه برده يعني .. وانا مش مستغني عنك يا قمره.. ده انتي حب العمر يا ضحضوحة

لتضمه بسعاده وهو يحوطها بتملك من المستحيل ان يفرط بها أبدا..

🍁➖🤎➖🍁➖🤎➖🍁➖🤎➖🍁

كان يجلسها بالسياره وهو يتحرك بها ..أدار رأسه يسأل: غزالتي طب هنا عايزاكي في ايه يعني

هزت اكتفها بعدم معرفه قائله: مش عارفه يا سليم.. دلوقتي هنتقابل وهشوف .. يا خوفي يكون عمار عامل كارثه جديده.. وانا اللي كنت عماله ابقى اقول عليه ده زهره العيله ايه الواد العاقل.. طلع فشنك ودماغه متشوشه ومجنن السنفوره معاه..