صاحب

١

:ها فاطمة جهزتي؟
:يلا يلا اشوي بس!
قلت بعجلة :يلا سرعي لا نتاخر!!
وصلت فاطمة واتجهت للمدرسة
رحت اشوف لوحة الأسامي لقيت اسمي وفصلي لكن! في صوت قاطعني! صوت انا اعرفه وانرعب منه! وجع وش جابه الى هنا!!
:اوه العبقري ؟
وكز كتفي وقال:عاد لاتنسانا هاه.
يمه!
ادري وش يبي يبيني اغششه،بس مستحيل اكررها!
تنهدت ورحت لفصلي ولسوء حظي ان ذا الشخص معاي ،انتهت الحصص بسلام وأخيرًا
ركضت بسرعة جنونية لمدرستها البعيدة ونسيت انه فيني الربو؟ ادري محد ينسى انه فيه مرض زي كذا
وقفت واخيرا قدام الباب وخندست اخذ نفس،يا الله!
اختنقت وانتهى الاوكسجين مني وبالموت مديت يدي لجيبي اخذ البخاخ!.
:ياولد! من تبي انادي؟
حاولت ارد بصوت واضح :اه... فاطمة......فاطمة عبد العزيز
ناداها دقايق الا وهي طالعة
سالتها وانا ماد يدي ابي اخذ شنطتها : وش سويتي اليوم؟
ردت وهي تشيل شنطتها من على كتفها: يوم متعب...متعب حيل خذنا كل المواد
وصلنا البيت بعد سوالف كذا خفيفة
دخلنا وعلى صوت الصراخ الي مازلت اخاف منه
:وجع ليش طولتوا!؟ هاه؟ ووين رحتوا؟ اكيد من ورا راسك انت ياملعون ؟ ان شاء الله انك اخذتها من المدرسة بدون اي علم مني؟!
رديت بس للاسف صوتي ما يأدي اي غرض:توني طالع من المدرسه ومدرستي مو قريبه لذلك ضليت مده على ما اوصل لها
رد علي بعصبيه مفرطه ومخيفة وهو واقف على حيله :اشلون يعني؟ قاعد تتجرأ وتتكلم قدامي بقله ادب!
انا ادري انه يدور الزلة علي وادري اني ما قليت ادبي ابدا! :ابد يبا ما اجرأ اكلمك بقله ادب
:طيب وذا شنو؟
:انا فقط اتحاور معك مو قصدي استنقص منك!
قال بصوته الاجش الي دايم يرعبني ويخليني ارجف :انقلع ولاعاد اشوفك قدامي يلا!
صعدت لغرفتي المعزولة غرفتي ماهي زي غرف العالم العادية غرفة صغيرة فيها فراش ارضي يكسر الظهر انا متعود عليه اساسا يعني شيء طبيعي و دروج لادويتي ودولاب فيه قليل من الملابس
ادري انا سندريلا انا احس كذا بس مستحيل اعترض لان ذا ابوي وحتى لو اعترضت باكل لي كم ضربة
ماعلينا،انسدحت على المفرش افكر بما ان عيد ميلاد فاطمة قريب ليه ما اشتري لها هدية؟ كنت مخطط من زمان بس مافضيت
دوام؟
اي اي جبتها اداوم في محل كذا احصل كم قرش!
سمعت صوت احد يطق الباب من غيرها
:دخلي
دخلت ووقفت قدامي
:بكرا بغيب
قلت بقلق :ليه؟
:بس كذا كلهم بيغيبون
:بس انتي تدرين ان خالتي تبيك تصيرين من الأوائل صح؟
ارتحت ان مافيها شيء لان ما اقدر اتخيل شبسوي بدونها!
:هف... ماعليك منها انا اصرفها
:بتكذبين؟
:ممكن
:بس امي ماربتنا على ذا الشيء!
تركتني ولا كاني اكلمها!
تنهدت ومسكت شنطتي اشغل نفسي بالمذاكرة لكن من قوة التعب نمت ماجلست الا على المغرب
:هاه! الساعة خمس!! ليه ماحد جلسني؟
ركضت ركضه لدورة المياة سبحت سريع سريع ولبست ثوبي ورشيت عطر
ونزلت مستعجل الا الاقيها جالسة في الصالة
مافيني قوة اصرخ والحمدلله سمعتني:ليه ماجلستيني ؟!!
:ما ابي كيفي
يا الله ،الله يعيني على تمردها
وصلت بسلام وصليت وخلصت،لكن وانا طالع صادفت رجال غريب يتكلم مع ابوي
تجاهلتهم ورحت البقالة،زوجة ابوي موكلتني بمهام كانها مهام جندي
بعد ماخلصت رحت محل قريب اشتري لولدها يد سوني؟ ليش انا، مدري!
خلصت رجعت البيت وعلى دخلتي من باب الشارع شفتها بوجهي مع علامات العصبية
:ليش تاخرت؟
قلت بخفوت:البقالة الي جنب المسجد مافيها الي تبينه رحت للبقالة الي على الشارع والي......
تو بكمل اليد الا حطت يدها على فمي،حسيت اني بختنق من ريحة العطر الي معبيه يدها
قمت اكحكح والأكسجين يقل! بموت! اليوم ما اخذت دواي!
مديت يدي لجيبي والحمدلله اني احط احتياط في ثوبي
حطت صبعها على فمها:اسكت! لاتفضحني هدية لزياد ذي!
هدية؟ يعني هي مع ابوي مشتركين وكذا؟ ولا بس هي حبت تهدي ولدها؟ انا مالي دخل سواء كانت هي مع ابوي ولا لحالها بس... بس مابرح يحز بخاطري يعني... ان ابوي... ما اقدر اكمل !. بس كلامها ذا حرك في قلبي شيء وذكرني بشيء شيء ناقص مو راضي يبين في ذاكرتي !
بس ابي اعرف كيف يحس زياد وخالتي وابوي يعطونه الحب والاهتمام؟ وخاصة من أشخاص يحبهم ويحبونه ؟مثل امي وابوي وفاطمة؟ للاسف ماقط ابوي جرب يفرحني ولو لمرة لاني *منبوذ*
منبوذ؟ هه انا مو موجود اصلا
وذا الشيء يعورني كيف اني اشوف الي حولي اهلهم يعاملونهم بطريقة زينه ويساعدونهم
ماعمري فكرت بذا التفكير لاني حاولت اتناساه بس انه يرجع بعقلي ومايخليني حتى انام!
يتبع......