صاحب

٣٨

‏يَمُد لي يَده وأمُد له رُوحي.

رديت بحرج:م.مالك شغل!
:تتابع رسوم الي حتى جواد مايتابعها
:شيء طبيعي.لانه صغير!،وبعدين مالك دخل اتابع ولا لا
قال باستنكار:ماكبرت على هالخرابيط؟
:لا
ليه يحسبون طفولتي نفس طفولتهم،لعب ومتابع وسهر والعاب شكثر!؟
ثمان سنين راحت من عمري ما اذكر فيها شي،وزيادة ابوي من بعد ماطلعت من المستشفى ماقصر مهمشني في الزاوية،احيانا اكل من الي يبقى من اكلهم عشاني اكون جوعان حدي واشوي واطيح بطولي،ابوي بعض الاحيان يحبسني بالغرفة اذا بيطلعون،او اذا جاهم ضيوف،ماكنت حيل مع الي كبري غير اذا صادفت زياد ودخل غرفتي مع العابه يلعب معاي،او فاطمة تجي تسولف،بس بعض الاحيان كانوا يقولون اشياء تجرحني،مثل اني غبي ما افهم،او ما اعرف العب عدل
ماكنت متفاعل،او اعرف العب لان خلاص عقلي كان فارغ اشوي احس مافيه شي مهم
اذكر مره طلعوا من البيت نزلت،انا اول مره اتجرا اخالف الاوامر
وشغلت التلفزيون بالموت،ومن حظي ان كان محطوط على قناة الاطفال!،صعدت رجلي اليمين وسحبت اليسار بسبب قزامتي
جلست اطالع بانبهار بكلامهم الفصيح الي ما افهمه حيل،واشكالهم الملفته
للاسف ماتهنيت دخل ابوي وقام يصرخ علي اني خالفت اوامره
وعاقبني اني ما احرك التلفزيون ابد!
انحرمت من شي اساس في طفوله كل شخص؟،سواء يتابع مسلسلات ولا كرتونات!
العاب ماكان عندي الا القليل،وبعد مو من ابوي من الشخص المجهول!،مره شرالي شي شكله غالي،بس دخل زياد وسحبه مني وهو معصب وراح يقول لابوي اني سرقت حقه!
اذكره دخل علي كانه ثور هايج،حتى انه شالني من يدي الصغيره
كنت.كنت مرعوب ما ادري وش الغلط الي مسويه انا هالمره!
:ب.بابا،ي.يدي.يدي تالم بابا
قال بعصبيه:انت اخذت لعبه زياد الجديدة؟!رد!ردك الموت!
كنت خايف،ووجهي اصفر من الخوف:ل.لا
صرخ ودفعني لورا:كذاب! ياحيوان تكذب بعد ياقليل الادب!
قمت وركضت له ومسكت يده:آسف،آسف بابا ما بعيدها،ماباخذ العاب زياد مابسوي شي غلط!
كانت دموعي بتطيح،بعدني عنه:ما ابي اشوف وجهك! ياويلك اشوفك قدامي ب'ذبحك يا التبن!
طالعت فيه وهو يطلع من الغرفة،سحبت روحي وحضنت رجولي اخاف يضل مايحبني،انا ماسويت شي زياد اخذ لعبتي!
بقيت اصيح لين نص الليل،الكل نايم الا انا ابكي فجأة انفتح الباب ودخل ابوي
طالعت فيه برعب وخوف وانا ارجف
طلع من ورا يده شيء،بالبدايه خفت يطلع عقال ولا حزام!
غمضت عيوني بخوف،بس فتحت يوم حط اكل قدامي
قال ببرود:ما اكلت صح؟،اكل لانبتلش بدمك!
توسعت عيوني بسعادة،وتقدمت له ببطء كنت متردد،بس حضنته وجلست على رجوله اكلت اشوي بعدين انسدحت على رجوله،الدفء الي كنت احتاجه كان موجود
قلت:بابا ..انا آسف،مابسوي ازعاج او اخذ شي
تنهد:احسن...لاتسوي ازعاج،وصير عاقل
ابتسمت بدوخه :طيب،بصير عاقل ومابتهاوش او اسوي اشياء غلط
مسح على رأسي،مدري هو عطف او شفقه منه،بس هالعطف ماحسيت فيه من بعد هاليوم
ما اخفي اني كنت منصرع من تغيره ،بس ماش راح بعد هاليوم
كنت طالع بروح المدرسة مع ياسر اذكره كان يمر على البقالة يشتري لي فطيره سبانخ وماي
ماعندي مصروف ولا فسحه،وبالصدفة كان جاي مع خالي عبدالله في السيارة
قال خالي بلطفه المعهود:صباح الخير مرتضى،يلا ادخل
رديت بصوت خافت:صباح الخير
قال ياسر:بابا ترا مرتضى مافطر
شهقت وحطيت يدي على فمي:اشلون دريت!
غمز :العصفوره قالت لي
كتفت يدي بطفوليه:مافيه عصفور يتكلم اشلون عصفور يتكلم
وقف خالي عند البقالة وهو يضحك:هههه،يلا نزلوا
نزلت بس ماعندي فلوس،وقفت كذا مفهي،ناداني خالي:تعال مرتضى
رحت له فتح بوكه ومد لي عشره:امسك اشتر الي تبي
قلت بدهشه:واه..خالي عشره!
ابتسم:ايه عشره يمديك تشتري فيها اشياء تبيهم
دخلت البقالة بسرعة،وخذت لي ككاوات وببسي غيبته بجيبي عشان محد يشوفه كنت ابي اجربه
طلعت وانا فرحان بالكيس الي بيدي،ودخلت المدرسة رحت الفصل بس زياد كان موجود
قال وهو متكتف :وين رحت؟
قلت بفرح وانا ارفع الكيس:شوف،خالي عبدالله عطاني عشره!،شريت فيها ككاوات شوف شوف!
فجأة سحب الكيس مني،راحت فرحتي
:ز.زياد؟،كيستي!
:لا موكيستك! انت اخذت فلوسي وشريت فيهم!
:ما اخذت شي! خالي عطاني فلوس! وشريت فيهم!
:كذاب!،بعلم بابا عليك يا السروقي! تسرق فلوس الناس!
هو صرخ كذا وكل العيال قاموا يناظرون
:يا اولاد مرتضى باي فلوس زياد!
شهق واحد:كنت فاقد قلم!،يامرتضى انت سرقته! بعلم ابوي
كلهم كلموا الاستاذ اني سارق
:مرتضى!،تعال ابيك
رحت له وانا اقدم خطوه وااخر خطوه
انحنى لي:انت الي سارق قلم ذاك الولد؟
:لا
:سرقت فلوس زياد؟
:لا
:اجل كيف يقول انك انت سرقت حقه؟
:ما ادري،انا جيت راويته الي شريته من البقالة هو قالي اني اخذت فلوسه بس انا ما اخذت شي بعدين كل الاولاد قالوا اني اخذت منهم شي بس انا ما اخذت منهم شي!
قال بشك:متاكد؟
هزيت راسي:ايه يا استاذ والله
:تعال معاي الإدارة
انفجعت عيوني دمعت،يبوني اروح الإدارة يعني انتهت مسيرتي بالنسبة لبزر في الابتدائي
:ل.لا،ما ابي
رفع راسه بزهق،وقال بصرخه خوفتني:تعال نشوف شالسالفه معاك!
مشيت معاه بطاعه ورحنا عند المدير
تكلم :حضرة المدير
:آمر استاذ حسان؟
سحبني من وراه :في سالفه ابي اقولك اياها،عن ذا الطالب،مشتكين عليه زملاءه انه سارق منهم اغراض،وهو ينفي ذا الشيء
قال بتفكير:اممم،طيب والحل برايك؟
:تدق على ابوه تكلمه
:فتشت شنطته؟
:لا،لان الاولاد يقولون انه سارق من زمان ف يمكن خذ الاغراض في بيتهم ويمكن استعملهم ولا رجعهم
مسك الجوال :تمام،اشوف اكلمه الان
دق وانا كنت انتظر خايف،واقول بنفسي اكيد ابوي مابيعصب امس هو مو معصب علي
جا وقالوا له السالفه كان هادي وكنت فرحان
طلعنا من المدرسة وبتفكير طفولي قدمت منه وحاولت امسك يده،حطيت يدي الصغيرة في يده الكبيرة
قلت بخفوت وسعادة :بابا!،اليوم شريت ككاو من ال..
فجأة دفعني تارك يدي
قلت بخوف:ب.بابا؟
:لا اسمع منك ولا كلمه!،قصيت وجهي قدام الخلق لعنة الله على ذا الوجه،حرامي اجل هاه؟
طالعت فيه احاول ما ابكي،واصبر روحي انه بس معصب واشوي وبيجيني يحضني
بس ماش،رجعنا البيت ويوم دخلت استقبلتني الخاله بالصراخ
:ياملعون،!سارق من زياد فلوسه؟والله انك تبن ماتحترم اليد الي ساعدتك ابد!
قلت بدفاع:بس.بس انا يا خاله ما اخذت فلوس زياد والله! انا ما اخذت شي مالي هو!
صرخت بقوة هزت البيت:تبيني اكذب ولدي واصدقك انت الي ماعندك ام؟ انت الي تسرق اكل وتسوي الاشياء الي مانرضى فيها؟ انت الي ماعندك احد؟ انت النكره الغثيث الي بس تصيح!،اسمع والله لو قربت جنب عيالي لا اراويك الويل يالكلب!
طالعت فيها افكر بالي قالته،نزلت انظاري افكر بقلب طفل مكسور
ليه ماعندي احد؟،ليه الخاله ماتحبني؟،ليه ابوي مايوقف معاي؟،لاني اسوي اشياء غلط صح؟،لازم ما اسوي اشياء غلط
دخل ابوي وراي وهو هادي
قلت بفرح:بابا!..الخاله تقول اني خذت من زياد اغراض بس انا ما اخذت،قول لها ان..
مسكني بيدي وسحبني وراه،عرفت وين بياخذني،حاولت افلت من بين يدينه
قلت بغصه بحلقي :ب.بابا،آسف،آسف مابعيدها!ما ابي اروح هناك،يخوفش،بابا ظلمه هناك اخاف من الظلومه انا!،وهناك..هناك عناكب يخوفني
كنت ارجف رجف مارجفته من زمان،وقف بسبب كلامي الي شكله ازعجه
مسكني من ياقه ثوبي الي مابدلته،ورفعني من الأرض
:ازعجتني صوتك غثيث يا غثيث!،ليه سارق من زياد هاه؟!ليه ياقليل الخاتمه؟!
قلت بحزن:ما..ماسرقت شي والله!
هزني:والفلوس حقينه وينهم؟،هاه! ليه تكذب! انا ماعندي عيال يكذبون ويسرقون!اجل انا المدرسة ينادوني عشان ولدي سارق هاه؟
رجفت،وقلت بغصه:بابا..ماسرقت انا!،خالي عبدالله عطاني فلوس!
:وبعد! وبعد تطر من العالم؟،مقصر معاك في شي؟! ما اعطيك فلوس انا!
ماقدرت اتحمل،وطاحت دموعي وشهقاتي قامت تطلع
:اسكت يابن ال***،ابتلشت فيك امك ماعرفت تربيك عدل زي الخلق!،كان احسن لي اني اذبك على اي احد يربيك يكون يخاف الله ولا لا،اقطع كل شي يصلني فيك مالت عليك وعلى الي جابتك يابن***
وسعت عيوني،لكم ان تتخيلوا بزر يسمع ذا الكلام عن امه؟
:بابا..ماما ماتت،ليه تتكلم كذا عنها؟،يقول الاستاذ ماتجوز على الميت الا الرحمة ماما..ماما بالقبر
صرخ وخوفني بصراخه:انطم واكل تبن يابن الحقيرة!
حسيت انكسر شي فيني،واخر قطعة في قلبي تفتفتت،تركني بقوة وطحت على رجولي عورتني!
قمت اعرج ونزلت تحت،ابي اكل جوعان بس رجلي انسفطت وطحت عليها
عورني،ناظرت فيني الخاله باشمئزاز
قلت بالم :خاله،تقدرين تساعديني؟،عورتني رجولي
:قوم بحالك قامت قيامتك!،انا مدري وش بلاني فيك انا قايله لعزيز يذبك على اهلك!
بس عن العين والحسد جايبك هنا
الكل لف علي ويطالعني وابوي كان جالس ياكل بهدوء
قلت بضعف:بس..ما اقدر اقوم تآلم
:جعله اكثر
قمت مستسلم،اعرج ناظرت بابوي بحزن،جلست على الكرسي ورجلي تالمني
مديت يدي ابي اكل،ضربتني على يدي
:لاتلمس اكلنا بيدك القذرة!
يتبع...