صاحب

١٠٦

وييي 🤯
والله يخوف انكم هادين!
المفروض اشوف ضجه لان الحقيقة قاعده تطلع!
معقوله زهقتوا؟
صحصحوا ياحبيباشي قربنا من النهاية 🤓

-

-
-
لايوجد تعبير يصف هذا الحدث؛لانه حقيقة مؤلمة،وصادمة
:بخير يايبه؟،خفت نوبتك ؟
هزيت رأسي،مسح على رأسي وقال بنبرة حنونة:ياولدي،ادري الحقيقة صعبه ومرة
بس ما لك الا الصبر،عزيز هو عمك مو ابوك
قلت وانا ابكي:طيب..طيب ليه ما اخذتوني!،ليه ماخليتوني هنا معكم!،شوف وش سوى فيني شوف!
رفعت قميصي،ولفيت ظهري له،يدي الي فيها اللصق واضحة،شهق شهقه قوية،وبكي بقوة
:عزيز سوى كذا فيك؟،اه ياقلب جدك،لو اني مو منفذ هالوصية!،لو اني ماطاوعت ابوك!
مسح على رأسي وقبله:اسف ياروح جدك،اسف ياقلبه!،فيني ولا فيك
بكيت معه،وانا متالم وقلت:كان يخوفني،كان يحبسني..مايخليني اطلع معهم،حتى انه يحرمني من الأكل!،كنت اخاف منه،ك..كان يضربني بعقالة..ليه ما اخذتوني!،ضاع عمري معه وهو مو ابوي!،كنت اتحمل واصبر لانه ابوي!..مم..ممكن يحن علي!،لكنه ماحن،كنت احسب انه ابوي واقول معليه يامرتضى هو ابوك،تحمل..لكن مانفع..بيزوجني..بيزوجني وانا ما اعرف ادبر نفسي،كيف وانا معي بنت الناس!
:حسبي الله ونعم الوكيل فيه،الله لايوفقه كانه عذب ولد يتيم!،جعله الكسر..جعله الساحق الماحق المرض المتلاحق،يارب! ارني عجائب قدرتك فيه،طلبتك يارب!

مسح دموعي باصابعه الخشنة،وقال بخفوت:ياولدي..ابوك كتب في وصيته،ان امك وانت،عمك يرعاكم من بعده..عمك ماكان بهالوحشيه،كان اخو ابوك عضيده وسند له،بس الظاهر عمت عينه الفلوس والحقد والحسد صنع منه وحش..،ابوك كان فيه مرض مزمن وقبل الحادث الي صار بسنه مات فيه..امك لازالت في بيتهم من بعد حدادها وعدتها ،قلت لها تجي عندنا،مارضت
طلعت معك ذاك اليوم ومن بعدها مارجعت..توفت وهي حامل من ابوك جواد
ماتت هي وطفلها،فقدت ذاكرتك ونفذنا الوصية خذك عمك بناءً على وصية ابوك..مايخلينا نزورك،او نعرف اي اخبار عنك،يقول كذا بتتاثر،وصحتك بتدهور وحتى دراستك!،خالك سكن بجنبكم،وابو هشام بعد في نفس الحي،عشانك عشان يعرفون
احوالك..لكن الظالم عصب عليهم
وكان كل ماشافهم يعصب،ولا يهددهم

..ابو هشام صاحب ابوك الروح بالروح
ابوك وصاه عليكم،بس مابقيت الا انت..كان يحاول ينفذ الوصية بالسر
،مادرينا انه يحرمك من ابسط حقوقك مادرينا انه يعنفك ويخوفك!
سامحني،سامحني ياولدي على الاهمال الي ضيع سنين طفولتك،سامحني ممكن غفران وجواد  يسامحوني!
قبل رأسي وانا اشهق،سحب يدي بخفه،وقلب فيها بلع ريقه:ذيلي كلهم..من عزيز؟
شاف ظهري ثم شهق مره ثانيه بشكل اقوى:شنو ذا!،من ..من متى وانت كذا!،من متى وهو يضرب فيك كذا!،كل جرح فيك طعنه بقلبي..آه على قلبك ياولدي آه
عضيت شفايفي بقهر:من يوم اني صغير..كان مايحبني
دخل عزيز  فجأة وهو يصرخ كنه في حرب:مرتضى!،مرتضى وينك!
قمت بتوتر،وقلق ووقف الجد معي،جو افراد البيت كلهم،وجدتي معهم قالت:وش حقه تصرخ ياعزيز؟