صاحب

٨٤

تَبَّتْ يدُ الخوفِ بِتنَا في مدائنِهِ
‏نكادُ نهربُ حتَّى من أسامينا"

حلمت حلم كنه حقيقي واضح واخيرا!
امي في الأرض بدمها،و..وتنزف
ورجال الي صدمها مشى بسرعه ماوقف
والضجيج الي حولها
سمعت حرمه تقول
:المره تنزف جنينها مات!،دقوا على الاسعاف بسرعه
امي كانت حامل؟
كل ذا كنت اشوفه بعيوني وانا منبطح على الأرض
جلست بفزع وخوف من سيل الذكريات الي جاني
رعب!
الرجال الي صدمها وجهه يخوف
الدم..الدم الي حولها يصرع!
مافيه مجال للشك انها مو ميته!
ناظرت عمتي الي فورا حضنتني يوم جلست
كانت تبكي
:حبيبي! اخيرا جلست بعد عمري والله
راسي عورني بقوة،مسحت عليه
اح،كان فيه شاش والشاش فيه دم
لفت وجهي لها ،وهي تقبل خدي وتمسح راسي
:حبيبي بعد عمري،خوفتني عليك صار لك يوم نايم!
تكلم خالي
:رحمة خليه يتنفس خنقتيه!
:عبدالله الولد كان بيموت!
عفس خالي وجهه
:يموت من شقه راس؟،احين مرتضى كيف طحت؟ طحت على ورا ولا قدام
ليه فيه جرح في جبهتك؟
قلت بخفوت
:مدري ما اذكر شي
طالعت فيني بقلق واشرت على خالي وياسر الي طلع موجود:من انا؟،ومن هو؟،وذا من!
ابتسمت:عمه اعرفكم بس اخر شي صار ما اذكره
تقدم مني ياسر بسرعه
:كيف طحت صدق؟
قلت وانا احاول اذكر:تهاوشت مع زياد ..وطحت من على الدرج ..بالغلط
كذبت..هو دفعني اصلا؟،لا لا هو رمى ساعتي وانا لحقتها؟
وش صار؟
قال خالي
:بس عم..ابوك قال ان انت طحت لحالك
عفست حاجبي:ايه ..ايه كأن رجلي زلقت وطحت وساعتي طاحت على جبهتي
ناظرت فيني عمتي
:لاتكذب مرتضى انا ما احب الكذب ،قول الصدق شصار؟،هل تهاوشت ولا زلقت
ماقدرت اقاوم مع نظراتها لي
اخاف اكذب بعدين تزعل او تعصب
قلت بضعف:انا تهاوشت
شمرت عن اكمامها
:اكيد زياد الزفت هو الي بدا قليل @#٪؜^٨)٠()٧
سد ياسر اذوني بسرعه وخالي حاول يسكتها
شالت يده:خلني اسبه ابن*&^٪؜#@
قال خالي بصلابه:رحمة شفيك؟!
:ماشفته شسوى!
:ما اتفقنا ان احنا بنسكت ونهدا؟
:وماتفقنا على انه مايسوي كذا؟!،وين الاتفاق لابارك الله في هالعائله التبن!
لاكبيرهم ولاصغيرهم!
اجل زبوط النقعه ذيك جايتني تتشكى على ولدي لانه ماجاب لها سلسال زين جعلها ان شاء الله..
:رحمة الفاظك بين العيال! سيطري على غضبك
حطت يدها على فمها:اوبس!
عبدالله ليه ماقلت لي من مساعه!!
الحين ياسر ولا مرتضى سمعوا وش قلت وبعدين يتعلمون هالالفاظ
ياعيال ان سمعتكم قايلين هالكلام في البيت او في مكان ياويلكم! سامعين؟!
هزينا روسنا حفاظا على ارواحنا
ياسر كان يبلع ريقه بخوف
همست:ليه خايف؟
همس:انت..انت ماتعرف امي لو عصبت،تجينا بالنعل تجلدنا،مرة جابر كذب عليها كذبه قوية وجلدته بالشحاطة الله وكيلك بقى الليل كله وهو يون من الألم من بعدها هون مايكذب
:ول،كل قوي عليه شخص اقوى منه
:اجل شعبالك ،امي تقول محاربة من سنه قبل الميلاد
:وش ذا بعد؟،انت بس تبي تهذر ولاتدري وش تهذر فيه صح؟
:انت اشفيك علي؟،ليش معصب؟
:معسب انننن
:ياحمار شقصدك؟
:ولا شي
:بعذرك لانك تعبان ولا لو مو تعبان كان هبدتك وخليتك تبكي
:اتحداك،مدري من يبكي من
قال وهو يضحك بسخرية :علينا؟ هاه علينا،مدري من الي قبل كم شهر كان يبكي لاني فزت عليه في قيم
احمر وجهي
:لا مب انا
:كذاب!،لاتكذب وانا صايدك بعيوني يوم تروح دورة المياه تغسل وجهك عن الصياح يالدادا!
ماقدرت اتحمل الضغط
:لانك هددتني انك مب تخليني العب مره ثانيه!
:كنت امزح بس انت زعول شسوي لك!
ناظرته بطرف عين
:لاتكلمني خلاص ما ابي اشوف وجهك
صرخ:شفت زعلت!،يعني انت جد بزر!
ضربته امه على راسه بخفيف
:احنا في المستشفى قصر من صوتك!
:آي..طيب طيب مايحتاج ضرب!
تنهد خالي:امسك شغل السيارة على مانجي
اخذ المفتاح وهو يناظر بذهول وشعاع حب يطلع من عيونه
قال خالي:اشفيك؟
:انت ماتعطيني مفتاح سيارتك ابد ولاحتى ترضى اني احركها
صايره معجزه !
صدق خالي مايخليه يمسك سيارته ولا يخليه يسوق،يسوق اي سيارة بس جابر عطف عليه وعلمه وبعض الاحيان ياخذ سيارته ويطلع مع ربعه
وخالي يدري بس مسوي مايشوف
جاتني ضيقه في قلبي
محد زارني
ص..صالح مازارني
مقدر انسى احد ساعدني
فكرة ان عندك احد يزورك،او حتى يكون قريب منك حلوة،تحسسك بالأمان
وانا لاول مرة حسيت بذا الأمان
هو ابوي حتى وهو ابوي مازارني عشان يطيب خاطري على الأقل..كيف..كيف بولد الناس؟
المفروض ما استغرب لان الشخص الي المفروض يكون اقرب لي من الغريب صار اغرب من الغريب.
شصار على الساعة؟،انكسرت ولا؟
وين هي اصلا؟!
تلفت يمين يسار الا هي على الطاولة
اخذتها اوه..انشلخت شاشتها..مثل علاقتي مع الي عطاني اياها،هه صارت علاقاتي كلها تخرب..كلها
كل العلاقات الي حبيت وجود اصحابهم
تتكسر ولا تنشلخ
كيف اصلحها؟، ماعرفت كيف اصلح العلاقات او حتى اترك العلاقات الفاشلة هذا الشي الي ماعلمتني اياه الحياة مثل ما انها ماعلمتني السعادة
تنهدت
من بيسجل خروجي من المستشفى؟
من بيوصلني البيت اصلا!
طلعت من الغرفة بلا نوم بلا بطيخ
سمعت صوت الممرضة تكلمني
:اخوي،ارجع غرفتك مو مصرح لك انك تطلع
ناظرت فيها بفهاوه
:سجلت خروجه خلاص الان بيطلع
:سجلت كل البيانات؟
:اي
:خلاص اجل رافقتكم السلامة
ومشت
ناظرت فيه
:امش اوصلك بيتكم
همست:طيب
جلست قدام بهدوء
:كيف انشق راسك؟
:طحت
:لؤي كان يسأل عنك،وكان بيجيك بس صارت له مشكلة
قلت بقلق:وش صار له؟!
ناظر فيني:ولا شيء يمكن مشكلة عائلية
يمكن مشكلة عائلية؟
قلت بريبة:تعرف شي جابر؟
:لا،ما اعرف شي
ماتعرف؟،اصدق الكذب واضح في عيونه
يتبع...