صاحب

١١

سيحرق كومة القش من كان جادًا بالبحث عن الإبره"
____________________________________
بقيت ساعتين وانا اسوي بالورق وبقى بعد ،يارب صبرك،هديت الباقي،وقمت انسدحت افكر،ليه صالح ناظر فيني بذيك النظرة؟! معقولةعنده احاسيس؟ وحس اني مسكين ويمكن بموت؟
طيب اذا مامت من الشي الي جايني بموت منه! ههههه
سكت عقلي عن التفكير،وحاولت انام مع انه الارق لاصق فيني طول ذي الفترة

واخيرا جا يوم الاحد
لبست ثوبي واخذت جكيت رصاصي بما ان الجو بدا يبرد والشتا على الابواب، اخذت بجيبي كمام احتياط عشان ما القط برد ولا فايروس منا مناك، ونزلت
سلمت عليهم كانوا جالسين على الطاولة،ناوين ياكلون قبلي
:السلام عليكم
:وعليكم السلام
جلست بعد انا اكل،توي بحط اللقمة بفمي،قال ابوي
:ابيك تمر على فاطمة اليوم بعد الدوام،وفي العصر توديها بيت صاحبتها
هاه؟ ش.شنو؟ انا اوديها؟
:ما.مايمديني اخذها انا اطلع بعدها بشوي،والعصر كيف ماعندي سيارة!
:تصرف! موشغلي،اما على السيارة ف بعطيك وحدة من المصفوفين
اما! بيعطيني وحدة من سياراته؟ ما اصدق! لا لا صاير شيء اول مرة يعطيني سيارة من حقينه! شيء غريب علي،ويخوف طبعا
اكلت وقمت،وصلت للمدرسة وانا داخل الا صادفت صالح بالطريق كان لابس جاكيت جلدي ،انتبه لي وابتسم
:صباح الخير !
بلعت ريقي، ي.يقصدني؟،يمه شصاير اليوم؟ قامت القيامة؟ اشفيهم؟!
اشرت على روحي
:ا.انا؟
تلافت هو يمين يسار:ماهنا الا انت،يعني انت
ضحكت بتوتر:هه..صباح النور
دخل،ودخلت وراه مر الوقت عادي مثل اي يوم،بعد الفسحة كانت حصة البدنية وحظي الي مدري شقول الاستاذ جا! كان غايب الاسبوع الماضي،السنة الماضية ماكنت انزل للبدنية؛لان الاستاذ عادي عنده
:السلام عليكم
ردينا:وعليكم السلام
:ايوا يلا بننزل نحمي طيب؟،اسبوع كامل وانتوا جالسين مرتاحين جا وقت الجد
قعدوا يتاففون،طيب هم بيقومون عادي بس ..انا؟!
:ا..استاذ
:نعم؟
:امم،ممكن اروح للمرشد؟
:ليش؟
:ابيه،ب..بشي
:روح ولا تتاخر،بسرعة عشان تنزل معنا!
اشفيه ذا،منفس
رحت للمرشد وضربت الباب
:تفضل
بلعت ريقي واحس الغصة بحلقي
:ا..استاذ
رفع راسه من فوق الاوراق،وناظر با اندهاش اشوي
:اوه...مرتضى
ابتسمت:ايه
:اذا كنت جاي بخصوص الصور ف لاتخاف حذفتهم
ابتسمت بتوتر...واحس ابي اعرف من وين ذيلوا الصور!،خلاص طحت من عين الاستاذ وشكلي مب راجع
:ل..لا،ابيك..ابيك تكتب لي ورقة.لان..فيني ربو وكذا
قال بدهشة :جد؟!
ناظرت بالارض:ا..اي
:طيب..وليه ماقلت من زمان عشان نعلم الاساتذة؟
:م..مدري ماحصل وقت
همهم بفهم،طلع من الدرج كرت احمر كذا وكتب اسمي عليه،سكت اشوي وبعدين قلت:ا.استاذ
:نعم؟
قمت اخاير روحي اقوله ولا؟
:ك.كيف دريت اني شاطر؟
ضحك بخفة ورفع راسه والتقت عيونه بعيوني،بعدتهم على طول
رد:عندي معرفة بالاساتذة الي هناك
:اها...يعني عشان كذا...
هاه تكلمت بصوت عالي،تحمحمت
ضحك ومد لي الورقة:مرة ثانية اذا كان فيه شي مهم زي كذا قولي
:ان شاء الله
طلعت،اتجهت للفصل الا والاستاذ واقف على الباب اعطيته الورقة،رفع راسه ناظر فيني
قال بنبرة عصبية :بس بتنزل معنا
:ط.طيب
اشفيه معصب؟،نزلنا وبدوا يركضون، وصالح ما شاء الله يركض بسرعة!،تحس كانه طير متحرر من القفص
انتبه لي وقال:ليه ماتركض ؟
وش اجاوبه؟
:لا...مالي خلق
:اما والاستاذ رضا لك ماتركض؟
قمت اضحك :شفت عاد كيف،واسطة واسطة
طالع فيني وقام يضحك حتى هو،جا بجنبه صاحبه الظاهر اسمه ليث؟ اي اي هو مدري شقاله وراحوا
قبل ماتنتهي الحصه بربع ساعة
:بخليكم تصعدون بس بدون ازعاج،الفصول الباقية يدرسون
اشوي وبعدين قال:مرتضى عبد العزيز،لاتصعد
نشف دمي وش يبي فيني؟!،قدمت له
:ن.نعم استاذ؟ آمرني؟
قال بنبرة مستفزه وهو ياشر :ابد مايامر عليك ظالم،بس اركض من المقصف الى الجدار ذا ثلاث مرات
حرفيًا كان مكتوب على كبر  وجهي علامة استفهام!،وش اقول انا من الصبح؟ وش جبتله اصلا! ورقه من المرشد بعمره!
طالعت فيه اشوف اذا كان يمزح،لا ما يمزح!،كانت نظراته محموله بكل الجدية الي على الارض!
ليه طيب؟ وش مسوي انا!
ركضت،ماسوى فيني خير!،بالبداية كنت اركض بخفيف بس كان يصرخ علي! غمضت عيوني وزدت بسرعتي اشوي، لكن الظاهر ماكفاه
صرخ:مرتضى اذا ماركضت ازيد،درجاتك بتروح!
لا،لا الا درجاتي تكفى! اضربني سو الي تبي لكن..درجاتي! اذا نقصت ابوي..بيعاقبني أسوأ من عقابك ولا بتسوى علي!
حرفيا كنت اركض وانا اشاهق،حسيت روحي بتطلع من ركضي
طبعا على الاخير جاتني نوبة مهب صاحية،بالموت وقفتها بالبخاخ
يتبع...