صاحب

٤٦

قلبي عزيزٌ علي، أعز من أن أرميه في ساحة حربٍ خاسرة.
نمت ولا جلست الا بنص الليل؟
هذا الي واضح لي لان حيدر جا يخربط فوق راسي،مدري شيبي!
قمت البس ،تكلم حيدر وجلس يهزئني ان لبسي مايصلح اطلع فيه،يارجال!،على تبن مالي خلق اسوي شي اصلا! بالموت قمت من السرير،وذا جا يتحلطم علي
طلعت اي شي اشوي ثقيل،اوه صح نسيت!البلوڤر الي عطاني اياه مرتضى،لازم ارجعه مع اني ما لبسته رحت اعطره حطيته في كيس وطلعت،وصلت قدام المحل بس لفت انظاري رجال واقف يطالع في الباب..اسحب كلامي مو الباب يطالع في شخص وهالشخص مرتضى!
انا مدري ليه ادخل من الباب الامامي،بس الزبدة اني متأخر ،اصلا وش فرقت؟ هو بيخصم مني بيخصم
سلمت:السلام عليكم اخوي،محتاج شي؟
وجهي اصلا مايهيء لان عيوني مفقعه من الصياح!،خخخ ان شاء الله مايخا..
هاه؟!،ذا..ذا نفس الشخص الي صدمت فيه في المدرسة!
يمه لايكون يدور علي لاني صدمته!
اتخيل
ناظر فيني من فوق لتحت:انت الي صدم فيني؟
ابتسمت ابتسامه صفرا:ا.ايه
:وشلون تشتغل هنا وانت قاصر؟
:اعتقد شي مايهمك؟،وانت شعندك واقف هنا؟
:لسانك!
قلت بتململ:ترا ماقلت شيء سالت سالت!
اشر براسه على واحد:تعرفه ذا؟
مرتضى!:ليش؟
قال بعصبيه بانت بنبرته:سالتك سؤال جاوبه
قلت بخفوت بسبب نبرة صوته:من الطبيعي اني بسالك ليش تسال!
قال بهدوء :لسانك يبي له قص!،وش اسمك انت؟
انا لله ذا شكله ناوي يجرجر فيني بالمحاكم
:وشحقه بعد تبي اسمي؟
:عشان اعلمك الادب!
:احترم نفسك،يامجهول
ضحك بسخرية:مجهول؟،اخلص تعرفه؟
:اف،ايه ايه اعرفه وشتبي؟
:من متى وهو يشتغل هنا؟
:فاتح محضر تحقيق؟سيد..وش اسمك؟
:جابر،شبعت؟
:اسمك مايشبع ششبع فيه؟
فجأة دق جوالي،طلعته حيدر
:نعم؟
:ال.ال.الخلق ي.ي.يقولون السلام عليكم! وش وش.وش نعم ذي؟
اخس حيدر يتكلم:اوك،السلام عليكم؟ اخبارك حبيبي حيدر؟ عساك تمام،تعشيت ولا اشتري لك عشا؟زين كذا؟
تافاف:م.م.مدري شفيك زايد اليوم!،بس.بس.بس ب.ب.بقولك قبل لاتكمل هذرتك ومزاجك ومزاجك ال.الي متعكر و.و.وتحط ح.ح.حرتك ف.ف.فيني ،امي تبي ب.ب.بريد وروب ج.جيبهم معاك
:طيب
سكرته وطالعت بالي قدامي الي نظراته بارده
:انت اخو حيدر؟ الي السانه طويل؟
:اف،فهمنا لساني طويل مايحتاج تعيد وتزيد!،وبعدين انت مين؟
قال بهدوء ينرفز:انا صاحب حيدر
همست:اخس عنده ربع من ورانا ذا،ولا يعلم ولا يقول
تكلمت:لحظه!،انت من وين تعرف حيدر؟
:من بعد ردة الفعل ذي اعتقد ماقال لك،او مايبي لذلك مابعلم
:هيي!،سلامات!،انا اخوه اففف انسى انسى،شكنت تبي؟
:ولاشي جيت اشوف ولد عمتي
:مرتضى؟
:فيه غيره؟
:وانا اشدراني!،فيه الف شخص هنا
وع،شفيه منفس ذا!
تكلمت:خلصت ولا تامر على شي ثاني عمي ؟
همس:انقلع..يا المنتحر
:هاه؟!
رقع قلبي ذا..ذا يقول شي المفروض ماحد يعرفه!،السالفه الي لا امي ولا ابوي عرفوها ولا احد غير حيدر،حيدر؟
هو الي قال له؟،لا على اي اساس يقوله؟
انسى لؤي عادي مو شي مهم يمكن كلمه وقالها،قطع تفكيري المدير وهو يصرخ:لؤي!متى ناوي تدخل؟!،جالس لي هنا تسولف! وهناك عندنا شغل شكثره!ترا بخصم من راتبك
:عذرا،بس صادفت هالرجال الضايع قلت اكسب فيه خير
طالع المدير فيه،مدري بس شكله واحد عنده فلوس واجد
قال المدير بلهفة:تفضل تفضل استاذ جابر،عشاك الليلة على المحل،سمعت انكم مخططين تتعاونون مع مطاعم ومطابخ كبار وصغار،بتشرفونا والله
وع،كلب فلوس
رد ذاك : ايوا مثل ماسمعت مخططين مابعد ننفذ وماعندي مشكلة ادفع، بس لما تخصم من راتب ذا
واشر علي!،حمار! ليش؟ وش مسوي لاهله انا؟ قهرني
قرصني المدير،كسر بيده وهمس:وش مسوي؟ تستاهل خصم واكثر
:بالله ورا ماتكرمنا بسكوتك؟
وجه كلامه لذا الجابر:ابشر ماطلبت شي
حسيت بضيقة بقلبي،هالراتب ذا يكفيني بدون ما اطلب من ابوي شي! حرفيا
ويمدي اشتري من هالفلوس اغراض للبيت،وهالشهر شكلي بقتصد،بس ترا حزت بخاطري،حسيت بذل واهانة عاد كني مسوي مصيبة ماحركت شي له حتى! تنهدت ودخلت ،تلاقيت مع مرتضى:اوه،لؤي ليش متاخر؟
اقوله والله ولد خالك مدري وش يصير لك عطلني وقعد يتهاوش معاي عشان شي موبيدي؟
:ابد صارت لي ظروف،وتاخرت،المهم بروح البس وبجي
لبست ملابسي ورحت الا شفت المنظر الكريه،المدير حاط يده على كتف مرتضى ويتبسم..عارف وش وراه بما ان بس انا ومرتضى الي صغار هنا بيقص على عقولنا اشوي لمن نقتنع نسوي الي يبي! بس والله يخسي
ناديته:مرتضى جيت،يلا
وسحبته تكلم المدير:ابغاك بعدين بالمكتب يا لؤي
:طيب
التفت لمرتضى وهمست له:لاتقرب جنبه،تراه راعي سوالف تشيب الراس
:بس هو يسولف ويضحك!
جاوبت باستنكار:والله؟ وانت اي واحد يضحك معاك حسيته طيب؟ اركد ياولد!
ناداني واحد:لؤي،تعال قدم الطلب للطاولة السابعه
:طيب،انتبه زين؟ لاتسمع كلامه ولاتروح معه مكان ماياخذك لاتجلس معاه بمكان واحد
ورحت خذت الطلب وطلع صاحب الطلب جابر الغثيث
يع
حطيته جيت بمشي الا تكلم:وش يبي المدير في مرتضى؟
:شدراني انا وصي عليه؟
:تراك بموقف مايسمح لك تطول لسانك فيه
:يعني انت الان تستغل ضعفي وتهددني فيه؟هه ناس مامنهم خير
ومشيت قهر!،مابشرب قهوة ولا بروح جرير نفس الي كنت مخطط عليه!،ولا بقدر اشتري شي نفس الخلق
اوه صح ذكرت البلوڤر!نهاية الدوام اعطيه اياه ان شاء الله ما انسى
مرت كم ساعة،دخل زبون رحت باخذ الطلبات الا هو صالح،يا الله!،كله اتلاقى مع خلق منفسين؟!
:طلبك؟
رفع راسه اشوي الا ضحك بسخرية:هه اثنين برجر مع عصير برتقال
كشرت في وجهه وسجلت طلباته ومشيت،طبعا انا مهنتي كل شيء اسويه،اغسل اوصل طلبات،اشيل اغراض كل شي
رحت وديت الطلب واخذت البلوڤر ومريت على مرتضى،اكيد بيفرح اذا درى ان صالح هنا
مديت له الكيس:خذ ما لبسته،وشسمه صالح هنا شكله يبغاك
قال باستفهام:ليه ما لبسته؟ عادي،اوه جا؟
:بغطي عليك،روح
: تمام شكرا
وراح،انتهى الدوام احس اني تعبان ناداني مسود الوجه ذاك
:يا لؤي!
:نعم؟
:تعال
:طيب
رحت الغرفة حقته:اشلون معاك؟ هاه
:وش؟
:خربت علي علاقه مع عميل زين!،كان ممكن حتى ان احنا نصير شركاء
:عذرا
:مدري وش بتفيد فيه ذي عذرا!
عبست:وش اسوي الحين؟
ابتسم بلعانه:تكفر خطأك ذا!،يا اما تقبل بعرضي الي عرضته قبل،او تشتغل وذا الشهر مافيه راتب!
هاه؟..ليه؟ ليه يستغلني كذا مع انه عارف اني محتاج؟ ماقدرت امسك الشهقه،والغصه عيوني كانت تدمع!،يا الله! وصلت فيني اصيح قدام واحد مايسوى؟،نزلت راسي امنع دمعتي تتمرد مستحيل اخليها تطيح قدام هاللعين!
هالفترة احس بضغط كبير مو قادر اسيطر عليه!،واي شي بيصير لي،بيخليني اصيح..وذا..وذا كمل علي
ابتسم:منظر اليأس الي انت فيه،حلو ويجيب الشفقه صراحه..بس ماينفع معاي!،وش قلت؟
رديت بخفوت:ب.بشتغل.بدون راتب
قال بفرح،وضحك اخر شي:تم،على كذا بيكون للموظفين البقايه علاوه ومن..فلوسك،كريم الله يسلمك،هاهاهاه
عقلي موجاي يستوعب،بالموت سحبت رجولي الي ترجف وطلعت من هالغرفه الي تخنق
رحت البيت وعلى طول انسدحت على السرير ،ما ابي اشوف وجه احد
دموعي قامت تطيح،قمت اصيح وكعادتي القديمة بدون صوت.