صاحب

٣٢

‏"لا تحتضن يداي ،
الإرتجاف في الروح هذه المرة"

كنت ارجف بشكل مايعلمه الا الله الي معاي،موعارف شسوي شفعل ماعرفت الا انها بفعله فاعل،وهالفاعل هد حيلي يوم ق'تله،بس وش يسوي بعد؟ هذا هو قت'ل روح عزيزه!
شلت الطابوق وانا مغمض عيوني،كيف دعاه قلبه؟ قلبي ذايب
ك..كيف بشيله؟
عيوني تحرقني والصداع قام يزيد وبطني يعورني
ماهي حاله ابدا
ماقدرت اوقف ازيد،جلست وزحفت نفسي لورا وسندت روحي للجدار اناظر فيه
يعني..خلاص؟
مارح اجي كل يوم هنا؟
حضنت رجولي بحزن وكدر ساعه ساعتين ثلاث!
كنت جالس بنفس المكان ماتحركت ولا انش،الظاهر اني كنت ابكي
واخيرا تحركت فصخت الشنطه،ورحت ادور شي اشيله فيه
لقيت كيس اسود،مسكته وانا متامل انه يتحرك او يحافص او حتى يعضني كعادته لكنه كان ساكن
تنهدت بضيقه صدر
وحفرت حفره على شكل مستطيل تكفيه،ودفنته فيها
وقمت بوهن وشلت شنطتي متجه للبيت
دخلت وانا ضايقه فيني الأرض
الا ابوي جالس غريبه عاده هو يشتغل ،زين ماصار له شي من ورا ليث المعفن
تكلم ابوي وهو يناظر التلفزيون:وين كنت
كل ماشفته يقولي وين كنت،من كثر طلعات الوناسه حقتي يعني؟
مالي خلق اتكلم:ضايع
قلتها وانا مو عارف ليه قلتها اصلا
ناظرني باستغراب،بعدها قال:بزر انت تضيع؟،وماتعرف طريق بيتكم؟،وتصيح بعد! وين رجولتك؟ اصطلب ياولد!
قلت له:اي،اصيح
قلتها مو قصدي شي بس يمكن نبره صوتي غيرت من الطريقه؟ ،مالي قدره على اي شي والله مالي حيل، كنت بمشي لكن جسمي اقشعر بنبرة صوته الي ارعبتني :ولد!،رد علي زي الخلق لا اكسرك! احترم احترم ياقليل الادب،امك مدلعتك كثير مدري شفرقت بينك وبين اخوك!لو تتعلم منه شوي،بس هذا الي اخذ منك طوالة اللسان وقلة الاحسان.
اكره المقارنات،اكره كل شي بالحياة،تعبت!
طلعت امي من المطبخ على صراخه،بس كله يصرخ وانا والله تعبان
غمضت عيوني وتكلمت وواضح اني زهقان وزعلان وكل شي
:آسف..حقك علي
ومشيت وهو مابرح يتحلطم،على طول طبيت على السرير بدون تغير ولا شي
شفت حويدر نايم،وش بيسوي غير النوم؟
تكلم فجاة :و.و.وش.ف..فيه اب...ابوي صص..ص.صرخ عع.ععليك ؟
:ماشي نام بس
:يا ل.ل.لؤي،م.م.م.مايصير.ك.ك.كذا!،ق.ق.قصر.لس.لسانك!
صرخت معصب احس بضغط! ضغط قوي!:ياخي خلاص! كل ماشفتوني لسانك لسانك!
وش فيه لساني؟! ان. ماتكلمت واكلت تبن وبلع'ت موس قمتوا تقولون منعزل منعزل وان تكلمت قلتوا ابو لسان! شسوي!؟ وش اسوي فهمني!تعبت انا، الكل يذب علي كلام كلام يبقى بقلبي ومايطلع!،اشلون ما ادافع عن روحي يعني؟اذ'بح روحي؟
قمت اتنفس بقوه وقلبي يدق بسرعه لفيت وجهي وانسدحت مقابل الجدار
غمضت عيوني في محاوله فاشله اني ما اصيح،ماقدرت طاحت دمعتي،طاحت وبعدها الباقي ماقدرت ما اصيح،موت سيلڤر من جهه،وصراخهم ان لساني طويل من جهه،وليث وخباثته من جهه ثانيه
طلعت شهقه مني بالغلط،حسيت بحركة حيدر،اشوي الا طلع،احسن احتاج خصوصية اشوي!
نمت واخيرا،وطبعا ماجلست اصلا حتى ما انقلبت،بس سمعت صوت امي تجلسني عشان اقوم اكل بس ماكنت مشتهي ورجعت انام،ومدري متى بجلس .