صاحب

٢٧

‏

"رعى الله صديقًا لو مشى في الروح ما أثقلها، رفيقٌ، رقيقٌ، خفيفٌ، كأن لا ظِل له"

وصية كميل لي قبل مايموت بيوم او حتى ساعات كانت:صالح،اذا مت اصبر،لاتروح في طريق المعاصي،انتبه لصحتك ونفسك لاتدخن تراه مضر لك وانت عندك مرض!
انتبه لاهلك واهلي تدري ابوي وامي كبار بالسن وماعندهم الا انا الولد،حاول تتودد لهم حتى لو هم مو مشتهينك،امك اسمع كلامها،وحاول تخفف من الدخان عارفك انا اذا تضايقت بتدخن علبه كامله!،ليث عارف  مامنه رجا حاول تقنعه اذا مافاد اتركه على الله،وانا احبك ياصالح لاتتركني وانا محتاج لك،ادعي لي وعطني هداية كثير،انا مقصر ومحتاج دعوات وصلوات وختمات
ابتسم ابتسامته حركت شي بقلبي!،حسستني انه اخر لقا بيننا ماقدرت امسك نفسي وحضنته بقوة:كميل.ليه تخوفني كذا ياغبي؟،ليه تفاول على روحك؟تدري اني مارح اقدر اعيش بدونك؟اشلون!
مسح على ظهري بهدوء:تقدر ياصالح،تقدر،الله مارح يخليك بلحالك،انت بس ادعوه يرزقك الصبر،والموت مكتوب علينا كلنا
:بس انا مو خايف من الموت! ..خايف من الالم..الم الفقد ياكميل!،يذبح القلب..يذبح القلب وانت عايش! تجلس بعذاب
:جربت؟
:لا،بس واضحه
:اجل ليه تستبق الاحداث؟،يمكن تصبر
:مافيها يمكن كميل!،انت قاعد تتكلم في الموت!
كمل حضني،وهو راص علي ويمسح راسي،فجأة قبل راسي!،انفجعت
بعد عني وطالعت في وجهه،ابتسم:لاتنساني صالح،لاتنسى العشرة الي بيننا،ولاتنسى ايامنا مع بعض،ولاتنسى اني اعزك واحبك،اذا مت قول لاهلي هالكلام،كميل يقول لكم: انه يحبكم وعذروه لو قصر  بحقكم ووصاني عليكم
اشوي وطلع جواله وسجل كلامه
:يما يبا،مع اختي،احبكم كلكم يبا وصيت صالح عليكم يساعدكم ويعاونكم،يما اسف لوقصرت بحقي معكم،وياجمانه ساعدي امي بالبيت وهالله هالله فيها،وانتبهي لهم ولدراستك وشدي حيلك...
هو كمل كلامه وانا منفجع!،الغصه منتصفه بحلقي!،ماقدرت امسك دموعي،معقوله ذا الوداع الاخير بيني وبينه؟،يعني مابلاقيه بكرا واقف قدام باب المدرسة ينتظرني!؟
قلت برجفه:ك.كميل؟!
لف علي مع ابتسامته المشرقة:هلا
:يعني اشلون؟
ابتسم ابتسامه غريبه،وقعد يعيد الكلام الي قبل:لاتنسى وصايياي لك،وانتبه لروحك واهلك واهلي،انتبه لسكرك لاتكثر اكل ولاتقطع عن النادي،واشرب ماي كثير
حضنته مره ثانيه اشبع منه قبل لايروح،كان..ذا الوداع الاخير،انا معاه حسينا ان هذا اخر لقى وان بعدها مارح نلتقي
راح
راح وقلبي راح معاه،روحي وحياتي ظلمت،صحت وصحت وصحت،بس ماخفت الحره
تنهدت،وقطع تنهدي دخول مرتضى وهو يطالع باستغراب وانا رافع راسي بدوخه من بعد الهبوط
قال بنبرة قلقه:ص..صالح فيك شي؟
ابتسمت:لا،مافيني الا كل خير،وش رايك نطلع الليلة؟!
ارتبك:بس...بس ابوي قال يبيني بعد المدرسة..ما اضمن اني اقدر اجي
طالعته بهدوء:طيب،الليل؟
:ما ادري بعد،مارسلوا لي متى بيخلوني اداوم
:تمام خلاص نطلع يوم ثاني؟
:ل..لا
لفيت له،طالع فيني بتوتر:بودي اطلع،ما ابي اجلس بالبيت
تنهدت،عارف يحس بالخنقة في البيت
ابتسمت بهدوء:خلاص اذا حددت وقت كلمني واتس تمام؟
:ايوا،تمام
اشوي الا دخل ذاك اللؤي وهو يطالع فيني متنح
:اشتبي؟
انتبه بعدها نزل عيونه:لا،ولاشيء
وقعد يهذر مع مرتضى،اشوي الا دخل ليث وهو متجهم،ويطالع في لؤي بنظرات حقد وخبث،هذا اشفيه؟ وش مسوي له هالؤي؟!
جلس الا دق يدي اليسار وانا توني مركب الحساس اليوم!
اححح،وجع ياليث وجع،صرخت:كسر وش هاليد؟!حديده ذي!
:بسم الله اشفيك؟
قمت ركض لدورة المياه ودخل الحمام قفلت الباب،فصخت يد الثوب وقمت اطالع في الدم الي يطلع،يارب مايوصخ ثوبي بس،طلعت منديل من جيبي ومسحت الدم الي حوله،وجبت الجهاز وقربته من الحساس ثواني الا طلع لي الرقم،الحمدلله معتدل تنفست
اشوي الا سمعت صوت مرتضى!
:صالح..فيك شي؟
رديت بانزعاج،ياخي ما احب احد يتكلم عن الموضوع ولا احب احد يدري عن وضعي:لا،مالك شغل
سكت تكلم بصوت خافت:طيب
اكره خوفه وهدوئه ذا!،ياخي جادل تهاوش  لاتهجد كذا!
فتحت الباب بسرعه،الا هو واقف عند المغسلة ويبلع حبوب
ناظرته اشوي الا رفع رأسه،عيونه مازالت حمر!،كان يبكي؟ منجده؟!
ابتسم بذبول:احسن الحين؟
ضربته على كتفه وانا ابتسم:ايه احسن،امش يلا بقى كم حصه ونروح البيت،انا بوصلك
:صدق؟
:اكذب انا؟
ضحك،كملنا اليوم بسلام عدى خمول مرتضى الغريب
طلعت ساحبه الا بوجهنا واحد شعره كيرلي بني فاتح وعيونه حال شعره بس اغمق،وعيونه ضيقه اشوي موحيل
طوله معتدل،بشرته بيضا،اممم،اعتقد انه يصير لمرتضى؟
الا هو اسمه..امم..اسمه كانه ياسر اذا ماخاب ظني؟!
ساله:وين رايح؟
:البيت،اعتقد
لف علي :اممم،صالح صح؟
:ايه
مد يده بمعنى السلام:تشرفنا
صافحته:الشرف لي
لف على مرتضى،وكمل كلامه:المهم ترا امي تسال عنك حتى ابوي،وتقولك تعال في يوم على العشا،وشسمه
همس:جويبر  لو عرف مع من تطلع بيكسرك!
:شافني وقلت له،يولي وش اسوي له يبي يحكرني؟
على ذكر جابر ذا،اذكر مره شفته في شركة
وكان مو مشتهيني حيل،واضح افعالي مسوده وجهي ههههه مالومه
معروف اني امشي واتضارب حتى لو كنت تطالع بالجوتي الرياضي حقي بهبدك
مشينا ووصلته بيتهم ورحت بيتنا
دخلت وعلى دخلتي بعد هواش،يا الله! عن وش ذي المره؟
تنهدت بتعب:وش فيكم بعد؟
لفت امي وقالت بعصبية مفرطه:ابوك!
:وش فيه ابوي؟
:بس،كالعادة يتاخر وابقى انا ببيت اهلك لنصاف الليول!،اشدعوه ترا الناس يبون ينامون!
تكلم ابوي بهدوء:طيب،وشفيها اذا نمتي بيت اهلك؟
احتقن وجهها بغضب:بعد!،لك عين تعطي راي؟!،حسن تعدل افضل لك!
وقف ابوي وواضح معصب حيل:ياخي زهره! فضيها من سيره ذي!،ازعجتينا كل يوم على هالسالفة؟ ماعندك سالفه غيرها؟،خلاص فكيني من هالهذره!،وبعدين وش فيها اذا طلعت مع ربعي؟ اظل محكور كذا؟!
صرخت امي:ايه! محكور معاي يعني مع الجدار؟،ولا بعد الربع اهم من زوجتك؟!
شبت شبت،التفت لجواد الي يطالع بخوف واشوي ويبكي تنهدت مره ثانيه وقمت سحبته وصعدت فوق،جلسته على الأرض وجبت له العاب من غرفه الألعاب حقته وجلست جنبه الاعبه
:داله
ضحكت عليه:قول صالح
:داله
ابتسمت بحزن:آسف ياجواد جيت بوقت الدنيا فيه قابه،كل واحد بياكل الثاني
مدري ليه متزوجين مدامهم مو متفاهمين كذا!،ياخي وشذنبنا احنا؟
طالع فيني اشوي الا امتدت يده لعيوني يمسح الي طاح منها،وتو استوعب ان الي طاحت هي دموع.
مسحتها بعنف،ماتوقعت اني ببكي من اسباب تافهه هه،صرت سخيف
قمت فصخت ثوبي وجلست بالفنيله والسروال
يتبع...