صاحب

٥٨

عِجافُ سِنينُنا طَالت، مَتى نُغاث؟
كنت برا مع بعض الشباب
:من هم؟!
:جابر،وهشام من الدوام
:اها
صرخ لؤي:حويدر!فيه عندنا حساب نصفيه
عيونه تصدح شرار،تغير وجهي وتغيبت عند امي
:يمه،ولدك بيغتالني!
:وش سويت له؟
:رشيت من عطره بس!
:بس؟ولا تسبحت فيه؟
:يماااا ليه تعذبيني انا احتمي فيك!
:تحتمي فيها هاه؟،ماردك لي يالكلب
قلت بنبره بكاء:شكلي بنام في المجلس،تكفين يما ساعديني اشيل اغراضي
فقعت ضحك،ولؤي يحاول يصيدني عشان يكفخني
وجد،نمت بالمجلس

مرتضى

فيه وحدة ضعيفة ولابسه بدله مع سروال جنز جنبها واحد اطول منها وضعيف،بس فمهم يبين وجههم ماكان واضح لي كانوا مبتسمين ويناظرون بولد يلعب بعيد عنهم
تغير كل شيء وانقلبت الصورة
لصورة وحدة الدم طالع منها ووجها مغطى بالدم،كل شيء فيها دم
اتضح انها كانت حامل وسقطت،وجنبها ولد يناظر فيها وهو منسدح على الارض
قمت من نومتي ذات الثلاث ساعات،وانا معرق ودمعي يسيل
:بسم الله عليك يمه،قوم غسل وجهك
سمعت كلامها وقمت بطاعه،غسلت وجهي وطلعت الا هي مطلعه لي ملابس
:طلعت لك سروال وفنيله جداد من ملابس ياسر،وثوب بما انه اقرب لك بالعمر
ابتسمت:شكرا
ردت الابتسامه بحنان:العفو حبيبي اذا خلصت انزل افطر
:طيب
لبست ونزلت،جالسين على طاولة الطعام
حسيت بالجو العائلي،والدفء بينهم،قدمت منهم
احس اني تعبان بس امس الارق مو مخليني ارتاح
قلت بخفوت :صباح الخير
رد خالي:صباح النور،يلا تعال اجلس افطر،لانتاخر،بوصلك تاخذ شنطتك بعدين نروح المدرسة
تضايقت،ماذاكرت ولا شي كيف بروح؟
:طيب
تكلم جابر:لاتنسى الي وصيتك
ناظرت قدامي وانا عاض على شفايفي،ليه يتحكم فيني؟ ما ابي!،اشدخله!
تكلم ياسر بعصبيه:لاتسمع له يامرتضى سو الي تبيه انت ادرى بمصلحتك!
ناظر خالي باستفهام:شنو تتكلمون عنه؟
تكلم جابر:سالفه تخص مرتضى في المدرسة
ناظره خالي بنظره تخوف،كيف تحمل ذا؟
قطع هالصمت ياسر:واحد الله يستر علينا وعليه،دخل على واحد وجا بيجلده كذا فجأة عشان شي مايسوى
ناظر بنظرات مظلمه :وش هو؟،ومن ذا الشخص
خاف ياسر ونطق بسرعه:جابر،امس مادخلت عليه الا هو جالس على مرتضى وبيذبحه،وبعدها لف علي وجا بيخنقني!
احتدت نظرات خالي،والعمه تطالع فيه بحده
تكلمت عمتي
:جابر؟،شاركنا وش هي اسباب فعلتك شحقه سويت فيهم كذا؟
عصب خالي:جابر!؟، الكلام الي اسمعه صحيح ولا ؟ ابي اسمع الجواب منك والان!
جابر ساكت وياكل
قال خالي بنفاذ صبر:جابر!
تنهد جابر وترك الي بيده:مارضى يسمع كلامي انه يبعد عن صالح،وطول لسانه!
نزلت راسي لاني المعني
تكلم خالي وهو معصب:مو مبرر ذا انك تدحم على الولد وتطب عليه،مسوي كانك في افلام الاكشن!
فتح فمه بيتكلم
:لا اسمع لك حس!،لاتنطق ولا كلمه!،وبعدين كيف تتعدى على اخوك ناوي تخنقه؟،غبي انت!،اليوم وبكرا اكلك يوصل لغرفتك ولاتقرب جنب مرتضى وياسر،ولاتتعدى عليهم اضبط روحك وراجع افعالك،شف وش بينك وبينهم تروح تتعدى عليهم؟ فيك مرض انت؟
تكلمت عمتي ببرود:وش قلت سويت لمرتضى؟
عم الصمت،وانا توترت باعتبار اني سبب المشكلة،علا صوت عمتي
:وش سويت له،تكلم!،ليش ماتتكلم خايف؟،دامك خايف ليه سويته وانت تدري اني ما بخلي هالفعله تمر مرور الكرام!
جابر يخز ياسر بنظراته،وياسر يبتسم بخوف
:لاتخز اخوك!،حط عينك بعيني!
اول مره اشوف جابر كذا ساكت،ولا تكلم دافع عن عمره
مابقول انه نادم،بس مابرر لروحه
تكلمت بهدوء:وش سويت له؟
تنهد:قلت لمرتضى يوقف يصادق صالح ويمشي معه،لانه مو زين،وهو مارضى وتطاول علي،ماتحملت وعصبت عليه وبس
:بس؟،جابر انت تدري اني اذا عصبت وش اسوي!
انا خفت مدري عن جابر،لو مايخاف فهو حجر!
تكلم خالي:وليه ماتبيه يمشي مع صالح ان شاء الله ؟
تكلم بهدوء:صالح مو زين،وراه هوايل
قال خالي بعصبيه اشوي ويقوم على جابر
:لاتتكلم عن تربيه صاحبي بسوء!
هم اصحاب؟توني ادري
:يبا مو على تربية،شخصيته سيئة!
:مالك شغل بمرتضى،ومدام انه مع ولد حسن لاتخاف
قلب جابر عيونه وقام:بروح الدوام انا
وطلع،بقينا احنا
تكلمت عمتي وهي تتحلطم:مدري اشفيه ذا فجأة تحول،عصبيته قامت تطلع عليه بقوة!
رد خالي:من يوم كان صغير وهو يكتم،عاد كبر ودبر الله المستعان
تنهدت:اتمنى يتعدل قبل لا ازوجه،بعدين يبلي بنت الحلال بعصبيته
تكلم خالي مره ثانيه :خلصتوا؟
هز ياسر راسه
:يلا اجل،قوموا لانتاخر
قمنا ووصلني خالي للبيت،دخلت شفت اغراضي مابرحت
دبي مفقود!
انفجعت رحت ادوره وينه! لايخترب بعدين صالح يقول اني مهمل ويزعل!
دخلت في غرفه زياد،طلع هناك ابتسمت تغير وجهي يوم شفته مشقوق،انا متاكد ان زياد هو الي مسويه!
خذته لغرفتي وشلت شنطتي،وفتحت الصندوق وخذت ساعتي
وسحبت لي اي جكيت ونزلت لاقيت ابوي على الباب متكتف يناظر فيني
قلت بتردد:ص.صباح الخير
:وين كنت من امس؟،طالع من الساعه ثنتين!،وش بيقولون عنا الناس؟ولدهم هايت في الشوارع؟!
:ل.لا ك.كنت في بيت عمه
:رايح تكمل ازعاج عند عمتك؟،غبي انت غبي؟
نزلت انظاري بخوف،رفع سببابته
:انت السبب في كل شي!،جعلك ان شاء الله!
غمضت عيوني بالم للكلمات الي سمعتهم منه
:ي.يبا،ا.انا بس،كنت م.محتاجها اشوي
ضحك بسخريه:امس كنت متقيوي كنك ذيب واليوم قاعد تحاول تبرر كنك خروف،كلب تدور مصلحتك وين ماتكون!
حسيت باختناق يوم شفته قرب مني وصفقني كف
:هذا عشان مره ثانيه تتعلم ماتطلع اي شي يكون في البيت برا !
فجأة انضرب الباب ،فتح ابوي الباب الداخلي،خالي!
قابله ببرود:وين مرتضى؟
تكلم هو الثاني ببرود:هذا هو هنا،ولد اختك الخاروف
هدد خالي:الزم حدودك ياعزيز!
صرخ ابوي:من الآمر؟،ولدي وانا حر في معاملته وتربيته
هنا خالي عصب ودخل البيت وسحبني،راص على يدي بقوة
قلت بحرحشه بحلجي:خ.خالي
وقف وترك يدي وحسيت بيده تنرفع،غمضت عيوني بسرعه،خفت يضربني
حسيت بيده على راسي يمسح على شعري
فتحتها وطالعت فيه،حاولت اكتم نفسي
:خ.خالي،ا.انا خايف
مسح دمعتي بابهامه:لاتخاف مرتضى انا موجود مارح اخليك
قلت بدموع:بس.بس انا ماسويت شي،ليه يسوي لي كذا؟
قال بالم:لو اقدر يامرتضى اخذك عندي بس!
انا آسف ياروح خالك
:ماحد يحبني في البيت..حتى خربوا هدية صالح الي عطاني اياها!،لودرى صالح بيزعل
ناظر بدهشه،بعدها ابتسم وحضني
:مدام صالح عطاك هدية مستحيل يزعل منك عشان هالسبب التافه،انت قوله وشوف ردة فعله
:تتوقع بيضربني؟
:لا طبعا،واذا ضربك انا اعلمه،واخلي ابوه يجلده
ابتسمت،ليت خالي هو ابوي،يمكن حتى ما اضطريت اشتغل او ابقى بدون اكل لمدة كم يوم
ركبنا السيارة وياسر ناظرنا بنظرات باهته
:ترا تاخرنا يكون بعلمكم،مرتضى!
قال اسمي بحده،كنت ادخل رجولي واناظر بالجوتي الوصخ،نقزت بخوف
:نعم
:لانك تأخرت،اليوم فطوري على حسابك!
:هاه!،خير لا ما ابي مابدفع لك
:الا الا تاخرنا بسبببك!،استاذ الاحياء بينشب لاهلي
:مالي شغل تفاهم معاه بلحالك لاتدخلني في مشاكلك!
نشب لي لمن قلت امين
:خلاص اسكت ازعجتني!
:يعني بتشتري لي؟
:ايه ايه عاد كنه يبين في عينك
بعدها جلس مستانس هالملعون بيخسرني!،وانا ابي اشتري لفاطمة هدية
احب اسعد الناس
وصلت المدرسة الفصل فاضي،وين راحوا؟
حطيت اغراضي،شكلهم في حصه البدنية نزلت بثوبي بحكم اني مابسوي رياضة
لقيتهم،صالح كان يركض بسرعه ما شاء الله
انشغلت فيه الا يطلع جنبه لؤي يركض
اما طلعوا يتسابقون!
ما انتبهت للاستاذ الي سحبني فجأة
قلت بخوف:ن.نعم؟
خلسني!
:نعامه ترفسك،مو ناوي تشرفنا وتدخل معنا تركض؟
:لا.استاذ اعطيتك عذري مقدر
حط لؤي يده على كتفي،طلع كان واقف جنبي
همس:هالاستاذ دايم نشبه؟،ونفسيته بخشمه؟
يتبع...