صاحب

٢٤

‏ورُبّ تنهيدةٍ من وجدِ صاحبها
‏تكادُ من هولها الأضلاع تنكسرُ.

شادي ماسك يدي بقوة ويدي استوت حمرا!،انا مافهمت لحد الحين ليه هو معصب علي؟!
يعني معقولة معصب اني اخذت لعبته من ثمان طعش سنه؟
اشرت له:{ليه معصب؟}
قال بعصبيه عورت اذوني:ما افهم للغة المريخيين ذي
:{طيب لاتعصب!،صميت اذوني!،وبعدين ليه تتكلم كذا كاني سارق حلالك؟}فجأة لف علي وشال من اذني السماعة
كنت اصرخ،بس مافيه كلام يطلع من حلجي!،حاولت اخذها من يده بس هو يلوحها من مكان لمكان!
فجأة طاحت وانكسرت!،طالعت فيه وفي السماعة،امي...امي تعبت و...وهي تجمع فلوس عشان...عشان تشتري لي سماعة ..لانه ابوي مايبي يشتري لي،وذا جا بارده مبرده وكسرها! انقهرت انا ماكنت معصب عليه يوم هو كان يضربني لدرجة اني اخذ اغراضه واكسرهم!،وحتى لو جيت بضربه ابوي يقول اخوك الكبير خلك عاقل ولا تضربه!،ترا فرق كم دقيقة وش اخوي الكبير؟!
قدمت منه وهو يناظر فيني،دست على رجوله وعطيته كف كان يناظر بعصبية لدرجة عروق رقبته برزت!،دليل انه ناوي على شر،اخوي وانا عارفه
كنت لاف بدخل للفصل،بس مسكني بقوة خلاني اصقع براسي في الجدار!
دلكت راسي بالم وناظرت فيه بحقد،يالم
:{ترا يالم ماتحس انت؟!}
مسكني من ياقة ثوبي،وصرخ:ماتفهم!اقولك ما افهم للغة المريخ حقتك!
دفعته من صدره ابعده اشوي،عبى وجهي تفال يع
كنت احاول اقوله يبعد!،بس الحروف موجايه تطلع!
:بغ...بب
سكت بضيقة بصدري،متعود على ذا الشيء اصلا مدري ليه انا زعلان؟
ناظر فيني بنظرات مبهمه،ومشى
لو تدري مقدار التعب الي اتعبه عشان اقدر اطلع كلام او حرف واحد!
عدلت ثوبي ودخلت للفصل،قابلني ياسر
:هاه هادي،متهاوش مع شادي كالعادة؟
:{يعني فيه غيره؟}
قال باعتذار :اعذرني..مابعد اتعلم لغة الإشارة
ابتسمت،على الاقل احسن من غيره ما اعرف لغة المريخيين على قولته
مسكت ورقة وقلم وكتبت
(من غيره الي بتهاوش معاه،هالايام صاير شاد حيله ويعصب على اتفه شيء! انت متخيل انه كسر سماعتي؟ )
تنهدت،حط يده على كتفي
:انتوا اخوان الافضل انكم تحلونها بينكم،مايصير المدرسة كلها تقول شادي يكره اخوه هادي
تفكر بهالسهوله؟،ذا اصعب من اني احاول اتكلم،خذت الورقة من يده
(صحيح كلامك،بحاول استعلم عن سبب هالكره عنده)
:كفو،هذا هادي الي نعرفه حكيم، حكيم
ضحكت
:يلا اخليك بروح اشوف الربع،اذا تحتاج شي كلمني
هزيت راسي،وراح،ياسر زميل في الفصل هو اول واحد استعلم عن سبب تعامل شادي بالهشده معاي،غيره كانوا يناظرون ويضحكون مدري وش يضحك اذا شفت احد يتهاوش؟
مشكلة والله،جلست الا بجيته دخل وملامحه فارغة طبعا هو جالس جنبي لان امي موصيته يجلس جنبي واكيد ابوي قال لها لا بس غصبته،جلس بعصبية ودفع كرسيّ بقوة!
وجع!
:{ليش معصب؟}
:اشلون ليش معصب؟،وتصرفك ذاك الخايس الي مساعه؟
اجل انا تعطيني كف قدام الناس؟
هاه؟اشلون عرف وش اقول؟!
:{تعرف لغة الإشارة ؟}
لف راسه ،مسكته من ثوبه ولفيته علي،وأشرت بعصبيه مفرطة
:{ليه ماقلت لي انك تعرف لغه الإشارة ؟!،ليه مخليني بوهم واعطيك اعذار؟ شادي انت شنو! تراني اخوك اخوك!}
شال يده بقوة وطحت على الارض، اعتدلت جالس وهو يناظر فيني قال بعصبية:امي اغصبتني اتعلم عشانك!،شفت اشلون؟ غصب اتعلم غصب اكل غصب اشرب كله عشان انت ترضى! اشبع،اشبع
ومشى،طيب انا وش دخلني؟،وش دخلني اذا كانت امي مهتمه فيني لانها تحسب ما اعرف اصرف روحي بسبب مشكلتي!
قمت بألم من على الأرض والكل يطالع فيني،ومظاهر مع شلته كاتمين ضحكتهم ،طالعت فيه بغضب وعصبية
:اخس،الابكم معصب؟هــهــهــهــهــهــهــهــه،اظن اخوك الرئيس اعطاك حقك ولا؟
قدم مني، صعبه اذا كان اخوك وتوأمك يتعدى عليك قدام العالم ويعطي الإشارة الخضرا لهم عشان يكملون ضرب، هههه من قال انه الاخو سند؟ انا سند نفسي بنفسي ولولا الله ثم امي كان انا بخبر كان
عاداحين بينشب لاهلي ذا!
ضربني على بطني،وفي خدي جرحني باظافره،اشلون تفاككنا؟،قدرت ولله الحمد افكه بدفعي له بقوة،قوة مو معهودة مني ناظر فيني وهو طايح على الأرض تفل الدم الي في فمه،وع قذر وصخ
:اعلمك يا..معاق
انا معاق؟،انا بس ما اتكلم!،قوموه ربعه وهم يناظرون فيني بحقد
:تحتاج فزعة يا مظاهر؟
:لا ياولد العم!،انا الي بخليه ينسى حليب امه!
يحسبني ما اسمع؟ ترا سامعك يا الاهبل،جلست على الكرسي وماعطيته وجه،دقايق ودخل شادي ذا وين يروح؟
جلس بمكانه،يع ريحته دخان!،كتمت خشمي،خنقه!
:{تدخن؟}
ماعطاني وجه:{تدري انه امي وابوي اذا دروا مب تحصل خير صح؟}
داري انه يشوف وش ااشر،فجأة تكلم بصوت عالي وفجعني بالي قاله!
:ياجماعة!تدرون انه اخوي يطلع مع بنات؟!
:اما جد؟
:وه،ذا المعاق طلع مو سهل!،يلعب على البنات هـهـهـه
:هههه احس يطقطقون عليه،ولا هو لاشكل ولا...ولا صوت
:اشفيك مايتكلم هو،اطرم
:ايه ادري بس اقول ههههههه
:احسب تفكره يتكلم،هههه
قطع كلامهم وهو مبتسم وقال:لا وبعد ازيدكم من الشعر بيت
طالعوه بترقب:وش اخلص علينا!
:تراه بعد يسرق منهم فلوس،فلوس بالآلاف!،وزيادة على كذا...يروح...
:شنو؟ تكلم ووجع!
قال بخبث:يوه...بس خلاص مابتكلم بيني وبينه البقايه،اخوي ذا مايصلح تعرفون اسرار البيت
ناظرت فيه...طاح من عيني حتى لو بقول فيه امل يتعدل مايتعدل،انتوا مصدقين انه اخوي يتكلم عني عند البشر؟،وبهالكلام الي مو صحيح؟ وقدامي بعد؟،ههه اصلا حتى لو بنكر ما بقدر بيقولون كلام شادي هو الصح،تعبت منه انا خلاص ماعاد يهمني شيء!.

شــادي

الله يلعن شكله هو مع ذا الاطرم!،اجل ملاحقنا عشانه؟ مدري وش يحبون فيه مايتكلم ليه يحبونه ؟!،ذا ماخذ كل شي مني!،ماخذ امي والي المفروض يكون صاحبي،تخيلتوا؟
اكرهه،اكرهه! زين انه ما اخذ ابوي بعد ولا كان ذبحته
اخذت سماعته ولحتها،مابقول اني لحتها عن عمد ولا عن غلط انا بس اخذتها وطاحت من يدي،وانفجعت يوم شفته داس على رجولي! ياغبي جوتي جديد!،والشي الي ازعجني اكثر انه سطرني! ايا الحيوان! انا اخوك تسطرني؟ هينه علي،مسكته وكنت بفرشة في الأرض بس يوم شفته يحاول يوخر يدي ذكرني بيوم شفت ابوي يضربه على انه انا لاني خربت السيارة،قبل لا يضربه اعترفت...بس انه ضربه!،وانا قالي ما اعيدها مره ثانيه،ويوم شفته يحاول يتكلم...هــه غبي
مشيت،ما ابي اشوف وجهه،يع يقرف،رحت وجلست على الطاولات الا بليث جاي
:اخبار رئيس النمور؟
:تبن،وش عندك؟
:ابد ولا شيء جاي اسلم وبروح
:تراني عارفكم يا افراد الثعلب الاسود،ثعالب!ناوي على شيء؟
:يابن الحلال...
:وش يبي سالم؟،يبي بضاعة بعد؟
قال بتوتر من نظراتي:لا!،اشفيك!...واحنا ندري انك هونت ماتجيب بضاعة!
:زين عشان ما اقلع روسكم من مكانها
ضحك بتوتر،بس بعدين قلب وجهه بسعادة
:وشعندك فرحان؟
:ابد لقيت صاحب قديم،وعاد رحبت فيه بطريقتي الخاصة
ضحكت بسخرية:اخس...صاحب؟،خبري انه محد يبقى صاحبك لمدة ثلاث ايام،كيف استوى صاحبك؟
:سالفه طويلة يالغلا،مايحتاج تتعب عمرك فيها
مديت رجولي للطاولة الي هو جالس عليها ودفعتها وهو طاح:اجل قم انقلع مناك
:افا،كذا تودعني؟
:انقلع لابارك الله في ذا الوجه
:الله يسامحك
تفلت عليه ومشيت،طلعت في الساحة الخارجية،وولعت الدخان ودخنت،خلصت لحتها طفيتها وصعدت ،دخلت الفصل وجلست مكاني،مابكذب اني ماشفت الجرح،الا شفته بس شي مايهمني،وشفته وهو ياشر يسال اذا ادخن ولا،وانه امي وابوي لو دروا وش بيسون هـهـه مارح يعرفون،قلت كلامي وكل الي قلته كذب هو مايطلع من البيت مع احد غير لؤي ومن يوم نقلنا هون مايطلع،شفت الصدمه في ملامحه جلست وكل الفصل يتكلم في الموضوع،همست في اذنه
:ما اتوقع انك بتقول لامي وابوي عن الدخان،لانه لو قلت كل ذا انا بقوله وبزيد عليه،وانت تدري لو عرف ابوي وش راح يسوي،بينفيك من العايله
وضحكت بخفه،دفعني عنه
قلت بتصنع وحطيت يدي على كتفه:لا لا ،لاتخاف مابقول لهم وش صار ذيك الليلة،انت اخوي وذا سر بيني وبينك وشلون اقول لهم؟،قالو لك انا اخو بايع اخوه؟،عيب اسوي هالحركات!
يتبع...