صاحب

٨٢

السلام عليكم
البارت الي غرزت فيه وافكاري كانت ميته صراحة
حتى الشغف

عشان كذا ابي هدية منكم 🤚🏽🙂
،
،
،
،

"أفهم الآن لماذا قد يسمح الإنسان للصمت بأن يطمره، يطمره كليًا كما لو كان جثة."

حالته ماكانت تسر..يقطر ماي شعره مبلل يرجف رجف،وراسه للأرض
:مرتضى
ناديته بهدوء،ورفع راسه بضياع شفته بعيونه
انتبهت لراسه الملفوف والدم الي لطخ الشاش
حطيت عليه الفروة،وسحبته معاي بدون كلام،واتجهت لدورة المياه
:ادخل هنا على ما اجيب شنطه الملابس تبدل ملابسك وتتنشف
انتظرته يدخل ومادخل،واقف مفهي ومضيع
حالته  تكسر القلب،صعب تكون على امل وفجاة هالامل يبهت ويختفي
ممكن مرتضى كان على امل ان صالح يكلمه
ويجي يجبر كسره بصحبته،ووده الي رجع
ما الومه والله
من الي شفته علاقتهم كانت قوية حتى لو كانت من مده بسيطه..عميقة جدا
تنهدت ورجعت جنبه،كنت واقف عند الباب بطلع
:مرتضى
مارد
:مرتضى
انتقز بفزع،وناظر فيني
:بروح اجيب الملابس وبجي طيب؟،انت ادخل اسبح
مارد،طلعت ورحت اركض اجيب الملابس،كتفي لازال يالمني،مدري متى بيطيب!
والله ما اظنه بيطيب دامه كل واحد يحط يده على كتفي ويرص عليه كنه عجين!
اخذت المفتاح من ابوي،وفتحت شنطه السيارة وخذت شنطتي الي فيها ملابسي
رجعت المفتاح
مادريت انه فيه عيون تراقبني،وصاحب هالعيون لحقني
رجعت وشفته واقف بنفس مكانه
تنهدت،شلت الفروة من عليه،ودفعته للحمام
:اسبح!
نص ساعه وانا واقف،لا زاد الوقت
ومدري ذيلي فقدوني اصلا ولا مش مهم
ضربت الباب،ليكون صار فيه شي ولا شي
:خلصت؟،اذا خلصت خذ المنشفه والملابس
اخذها،ان شاء الله الملابس عدلين عليه
طلع وهو منزل راسه،لابس ملابسي
بلوفر اسود وسيع عليه و سروال قطني
مدري حقي مدري حق حيدر بعد
طلعت البطانيه وحطيتها على كتفه
وطلعنا،و..طلع في وجهي احمد
استغفر الله ،ليته واحد غيره! الا هو ما ابيه!!
:وين كنت؟
:مكان
رفع حاجبه:عمي من مساعه يدور عنك وقال لي ادورك
ضل واقف يطالع في الي جنبي
:انزين؟!
:من ذا؟
قلت برفعه صوت:مالك شغل
واضح متنرفز، مع اني دايم احاول اكون هادي نفسه وبارد
بس شسوي العصبيه تجري في دمي!
:من حارق رزك انت؟،سالت من ذا لان غريب!
:اوك انتهيت من اسئلتك؟،تفضل
سحبت مرتضى ورحنا نمشي،طول الوقت وهو سرحان،وماتكلم
الصمت يوتر وانا ما احبه،واخاف اتكلم ويزل لساني واساله عن شي مايحب يسمعه
تكلمت بعد صمت دام لفترة
:جوعان؟
هز راسه ب لا
اكيد جوعان مستحيل اخليه كذا
:اصبر هنا وبجيك
كنت امشي الا وصادفت حيدر يناظر فيني وعيونه ترسل شرار
اشفيه ذا كنه حجي متقاعد،عياله ماسمعوا كلامه
:وين كنت؟
:مكان
ناظر فيني بعصبيه تطلع من عيونه
:انا اكلمك زي الخلق رد عدل  عشان ما اضطر اتعامل معاك كني اتعامل مع كلب مسعور!وين كنت؟!
بلعت ريقي ليه يصرخ؟!
دفعني بقوة،وطحت على العشب
:لما اكلمك ترد علي!
:ليش تصرخ طيب؟!،وبعدين ليه كذا تدفعني؟ لو طحت على صخرة وانشق راسي مسوي لك شي انا؟،ماكل حلالك؟
:لانك تنرفز!،كل شي حاطه على جنب!
ماتقدر ان ابوي تعبان،ماتقدر ان امي تقلق عليك كثير؟،دايم طايح في المشاكل
تراك تعور راسنا! صار لك كم ساعة الان من غبت ولا قلت لواحد منا انك بتطير وبتنقلع وامي كل حين ساعةتدق علي تدورك وانت رايح تسرح وتمرح حضره جنابك!
سكت اشوي وفي هالوقت كنت احاول اوك بدون استعمل يديني
تكلم بهدوء مخيف:يوم نمت عند جابر قال لي وش سويت 
رقع قلبي،قاله السالفه؟،كلها؟
قمت بسرعه من الأرض،وقلت بتردد
:و..وش قال؟
:انك متهاوش مع واحد اكبر منك،وقال لي ان جاك النوم بعدها واخذك لشقته،
والله لو انه مكفخك ومعلمة ان الله حق 
لازم تعرف انك غثيث ولا تنتبه لتصرفاتك!
لؤي بطل تزعج خلق الله ترا تعبنا منك
بلعت ريقي بحزن
:طيب
مشيت وهو يناظر فيني
:وين بتطس الحين؟
همست:مرتضى ينتظر
:وش؟،ما سمعت
كنت بكمل امشي
:وجع اكلمك وقف!
:اف،نعم؟
قال بريبة:مع من كنت تتمشى؟
:مع احد،وبعدين وشدراك اني كنت اتمشى مع احد؟
:احمد قالي،وقال ان وجه هالواحد مابين..متاكد انه واحد؟
وقفت اشوي
قلت بغضب:يعني انت مخلي احمد يراقبني؟
وصلت فيه يشك فيني!
:وبعدين شقصدك كان واحد ؟مو وحده قصدك؟لاكملها!
ضربت رجولي في الأرض ،وقربت منه
:تقبلت انك منقلب علي،بس ماتقبلت انك تراقبني ومسلط علي واحد يراقبني!،ولا وبعد شاك فيني
تنهدت وانا اهز في رجولي
:الواحد كان مرتضى،مابقول اي تفاصيل ثانيه عساك تحترق بفضولك
انعفس وجهه بعصبية،وصفقني كف
الوضع صار درامي،ومرهق
زياده على ارهاقي لاني من مساعه اراكض
وراسي الي صدع لاني ماشربت شي
:يصير خير يا لؤي،على قلة الادب ذي
رحت اخذ المفتاح من ابوي،قهرني حيدر للحين افكر في الموضوع
ليش سوى كذا؟
وش مسوي انا؟
وقفت عند ابوي وطلبت المفتاح
قال:وين كنت؟،من مساعه ندور عليك
:كنت اتمشى وصادفت واحد اعرفه،ومشيت معه
هز رأسه،ورحت اخذت شنطه الاكل ،وجبت علبة ماي وجبت لي شاي اركد راسي الي صدع من حيدر واتجهت لمكان مرتضى
جلست جنبه يوم شفته جالس قدام البحر
:خذ
طلعت له سندويش سبانخ
هز راسه:ما ابي
للأمانة احسن لاني احب فطيرة السبانخ بس مايصير اصير بخيل،حطيته على رجوله
:مب بكيفك تعنيت وصادفت مشاكل شكثر عشان اجيب هالكيس
شربت الشاي وحطيته جنبي
وحضنت رجولي افكر،لو اخذني غيث مو احسن لي؟
امم
قطع الصمت هو:احس بحر
:مب حر برد،توك سابح خله عليك
ناظر فيني ببرود
:لاتناظر كذا لا اكفخك!
لف وجهه،عذرا بس انا منقهر وجا ذا قهرني ازيد
:وش جابك هنا؟
:صالح بعد وش جابني
:ليش طاوعته
:ظنيته تعدل
:امم،ماكان لازم تظنه تعدل
:حصل..اظن حتى انت عندك مشاكل؟
ضحكت بسخرية:هه انا بنفسي مشكلة،بعض الاحيان تشك أن الأشخاص الي حولك تعرفهم أشد المعرفة،فجأة بين يوم وليله ينقلبون مو كانهم هم الأشخاص الي قبل..والله شي مرهق ويصدع الرأس...على ان عندي مشاكل كثر شعر رأسي بس شوفني اشرب شاي واناظر في البحر انتظر واحد يجي يقلع رأسي،مدري يعذبني
المهم..لاتعلق نفسك باحد بسرعه خيالية
من البداية اظن انت وصالح ماكان الفروض علاقتكم تصير صح؟
صرخ وخلاني انتقز من صراخه،يوه ذا صوته صوت قطوه متهاوشه
:من قالك انها المفروض ماتصير؟،ليش تفترض شي انت ماتعرفه؟
ما اظنك كنت موجود من البداية عشان تعرف صح؟!
تنهدت المفروض ما أستغرب من لسانه المفروض ما استغرب من احد اصلا!
الناس دايم مليانين بمفاجات كبيرة
:كلامك صحيح،بس معك لؤي خبير العلاقات الفاشلة تشرفنا،لو بتكلم عن خيباتي الكثيرة مارح اسكت  وببقى اتكلم طول اليوم،ومن قبل قلت لك لاتحسب ان الناس ماعندهم مشاكل او عثرات يمرون فيها
تنهد
:انا..انا..بس مدري وش الي غيره!،وش الي سويته انا؟،ليه الي حولي يكرهوني؟
ابتسمت بسخرية،شيقول عني ذا اجل؟
هم بس يشوفون وجهي تتغير علومهم ويقلبون
:الحال من بعضه،المهم جوالك عندك؟
طلعه من جيبه
:لا مايشتغل
:طيب من بيرجعك البيت؟،تدق على احد جابر ولا ياسر؟
همس:مدري
:بشوف جابر،باخذ رقمه من حيدر عشان تدق عليه
:طيب
رسلت لحيدر يرسلي الرقم،وبعد مناقشات كثيره اقتنع يرسلي اياه
دقيت عليه وعطيته الجوال
جلس يتكلم معه برجفه،مالومه والله جابر فلم رعب
بس السؤال هنا ليش يخاف منه؟
من الي شفته في شقة جابر انه زعلان ومسوي فيها بس ليش يتهاوش معه الحين؟
عطاني الجوال وهو منزل رأسه
:وش قال؟
:قال بيجي
طلع البخاخ وبخ في فمه
مرت ثلاث ساعات وتكلمنا فيها عن اشياء عشوائية
سالني عن الدوام وقلت له اني مارح اداوم لاني تهاوشت
      شهق:مع من تهاوشت؟!
:واحد احسن لك ماتشوف شكله ولاتعرفه،لانه اسوا ماخلق ربي حرفيا تقول جني مدري شيطان
:لهدرجة؟
زحت بدلتي عن كتفي:لهدرجة
شهق بقوة:جرحك؟
:بسكين
:كسر بيده،مب عميق صح؟
:الا عميق اشوي حسب ماقال جابر
:جابر؟
ابتسمت بتوتر
:ايه كان بالمحل يوم تهاوشت
وساعدني
:اها
دق جوالي ورديت،اول شي استغربت لانه رقم غريب
:الو؟
:وين انتوا؟
ارتبكت جابر طلع،اف من بعد لقافتي احس بفشله،صدق انا شكو فيه وفي اغراضه؟
لقافتي بتقتلني في يوم من الايام
:قبل الحمامات بثلاث بايكات
بس حاليا  احنا قدام البحر
زفر هوا:استغفر الله،اطلع لي خل اشوف وين مكانكم وصفك ابن كلب
هنا قمطت ام العافيه
:اوك بتشوف مرتضى واقف ...
شفت حيدر جاي
:بتشوف حيدر واقف لك يدليك
وسكرت
قمت لحيدر
:جابر بيجي ياخذ مرتضى،اوقف له مناك عشان يدل
عطاني نظره ومشى
قمت مع مرتضى وشفناه واقف معه يسولف
وقت سوالف الحين؟!
ناظر فيني،وشتت انظاري بسرعه
وهو تهاوش معاه
:انا ماقلت لك لاتروح معاه!،ماقلت لك تقطعها؟!،ليش طاوعته ورحت؟،وش استفدت؟!
ماعطاه وجه ودخل في السيارة
ومشوا
واحنا طبعا ما مشينا الا الساعة وحدة،
ذيك الليلة تمنيت يكون عندي ربع
فجأة كذا امنية طرت على بالي
يوم شفت شلة شباب في السيارة واقفين عند المحطة
اتمنى..شخص واحد فقط
يتبع...