"မင်္ဂလာပါ.. 'နိုင်ငံ့ဂုဏ်ဆောင် ကြယ်ပွင့်လေးများ' အစီအစဥ်မှပြန်လည်ကြိုဆိုပါတယ်။ ဒီနေ့အစီအစဥ်မှာဖိတ်ကြားခြင်းခံရတဲ့ နိုင်ငံ့ဂုဏ်ဆောင် ကြယ်ပွင့်လေးကတော့... ဂျပန်နိုင်ငံ တိုကျိုမြို့ မှာကျင်းပပြုလုပ်တဲ့အိုလံပစ်အားကစားပြိုင်ပွဲမှာ ရွှေတံဆိပ်ဆုကိုထိုက်ထိုက်တန်တန် ရရှိခဲ့တဲ့ တိုက်ကွန်ဒိုကစားသမားလေးပဲဖြစ်ပါတယ်။ ကဲ.. အစီအစဥ်လေးကို စလိုက်ရအောင်နော်"
"မင်္ဂလာပါရှင့်"
"ဟုတ်ကဲ့.. မင်္ဂလာပါ"
"ပထမဆုံးအနေနဲ့ကိုယ့်ကိုယ်ကိုမိတ်ဆက်ပေးပါဦး"
"ကျွန်တော့်နာမည်က ဂျွန်ဂျောင်ကုပါ။ 'မြောင်အင်း အထက်တန်းကျောင်း' ကအထက်တန်းနောက်ဆုံးနှစ်ကျောင်းသားတစ်ယောက်ပါ"
"အခုလိုငယ်ငယ်ရွယ်ရွယ်နဲ့ တိုင်းပြည်ဂုဏ်ဆောင်တစ်ယောက်ဖြစ်လာတဲ့အတွက် အရမ်းကိုဂုဏ်ယူပါတယ်"
"ကျေးဇူးတင်ပါတယ်"
"တိုက်ကွန်ဒိုကို ဘယ်အရွယ်ကတည်းက စ ကစားဖြစ်တာလဲ?"
"အသက် ၁၀နှစ်ကတည်းကပါ"
"အသက် ၁၀နှစ်ကတည်းက အခုလိုနိုင်ငံ့ဂုဏ်ဆောင် အားကစားတစ်ယောက်ဖြစ်ဖို့ ရည်မှန်းချက်ထားခဲ့တာပေါ့"
"အဲ့လိုတော့ မဟုတ်ပါဘူး။ ကိုယ်ခံပညာတစ်ခုခုကို မဖြစ်မနေတတ်ထားရမှာမို့လို့ တိုက်ကွန်ဒိုကိုစပြီးသင်ခဲ့တာပါ။ ဒါပေမယ့် အားကစားနဲ့ပတ်သက်ရင် သူများထက်တော်ရမယ်ဆိုတဲ့ကျွန်တော့်ရဲ့စိတ်ကြောင့် ပြိုင်ပွဲတွေဝင်ပြိုင်ဖြစ်ပြီး ဒီနေရာကိုရောက်လာခဲ့တာပါ"
"ခုနက ကိုယ်ခံပညာတစ်ခုခုကိုမဖြစ်မနေတတ်ထားရမှာမို့လို့ တိုက်ကွန်ဒိုကိုသင်ယူခဲ့တယ်လို့ပြောခဲ့တယ်နော်? "
"ဟုတ်ပါတယ်"
"ဘာလို့လဲ သိခွင့်ရှိမလား?"
"တစ်စုံတစ်ယောက်ကို ကျိန်းသေ ကာကွယ်ပေးမယ်လို့ ကတိပေးထားခဲ့လို့ပါ"
"အဲ့ဒီတစ်စုံတစ်ယောက်ဆိုတာဘယ်သူများဖြစ်မလဲ?"
"ကျွန်တော့်ရဲ့ .... အချစ်ဦးပါ"
YOU ARE READING
Born To Love You (✔)
Fanfiction(Unicode) အချစ်ဦးဆိုတာ... ပိုင်ဆိုင်စရာလည်းမဟုတ်ဘူး ထိတွေ့စရာလည်းမဟုတ်ဘူးတဲ့ စိတ်ကူးနဲ့ပဲ တစိမ့်စိမ့်ကြည့်ပြီးကြည်နူးနေရတာတဲ့ ကျွန်တော်ကတော့ ကျွန်တော့်ရဲ့အချစ်ဦးကို တစိမ့်စိမ့်ကြည့်ပြီးတော့လည်းကြည်နူးမယ်... ပိုင်ဆိုင်နိုင်အောင်လည်းကြိုးစ...
