ဒုတိယအကြိမ်ရုံးချိန်းကလည်းတဖြည်းဖြည်းနီးလာတော့ ဆော့ဂျင်အလုပ်တွေ အရမ်းများနေခဲ့သည်။
ဂျောင်ဟယ်လင်းကလည်းအဆက်အသွယ်မလုပ်သေးတော့ စိုးရိမ်မှုကလည်းလွန်ကဲနေပြီ။ ဒီရက်ပိုင်းဂျောင်ကုနဲ့လည်းမျက်နှာချင်းမဆိုင်ဖြစ်။ ဂျောင်ကုမျက်နှာမကောင်းဖြစ်နေတာကိုသတိထားမိပေမယ့် ထုတ်မမေးမိ။ စာမေးပွဲနီးလို့ စိတ်ဖိစီးမှုအရမ်းများနေတယ်လို့ပဲကိုယ့်ဘာသာကိုယ်ကောက်ချက်ချပြီး အလုပ်ထဲကိုသာအာရုံစိုက်နေခဲ့သည်။ နောက်ဆုံးတော့ ဒုတိယအကြိမ်ရုံးချိန်းနေ့ကိုရောက်
လာခဲ့ပြီ။ ညကတစ်ညလုံးစိတ်လှုပ်ရှားနေတာနဲ့တော်တော်နဲ့အိပ်မပျော်ခဲ့တဲ့ဆော့ဂျင်..မိုးလင်းခါနီးမှအိပ်ပျော်သွားလို့ အိပ်ရာထနောက်ကျခဲ့သည်။ အိပ်ရာကနေလူးလဲထပြီး တရားရုံးသွားဖို့မြန်မြန်ပြင်ဆင်ရသည်။"သွားတော့မလို့လား..မနက်စာမစားဘူးလား"
အခန်းထဲကနေပြာပြာသလဲပြေးထွက်လာတဲ့ဆော့ဂျင်ကိုဂျောင်ကုထမင်းပွဲပြင်ရင်းလှန်းမေးလိုက်သည်။
"နောက်ကျနေပြီ...သွားတော့မယ်"
ဖိနပ်ကိုအလျင်အမြန်ဝတ်ပြီးအပြင်ကိုပြေးထွက်သွားတဲ့ဆော့ဂျင်ရဲ့နောက်ကိုဂျောင်ကုလိုက်သွားပြီး...
"ဗိုက်ဟောင်းလောင်းနဲ့သွားလို့ဘယ်ဖြစ်မလဲ...ရော့..နွားနို့ဖြစ်ဖြစ်သောက်သွား"
ဆော့ဂျင်လက်ထဲကိုနွားနို့ဗူးလေးအတင်းထိုးပေးသည်။ဆော့ဂျင်လည်းငြင်းမနေနဲ့ဂျောင်ကုစိတ်ချမ်းသာအောင်ဗူးကိုလှမ်းယူလိုက်ပြီးတစ်ကျိုက်တည်းမော့သောက်လိုက်သည်။
"သွားတော့မယ်..နောက်ကျနေပြီ"
"အရမ်းမပြေးနဲ့ ချော်လဲလိမ့်မယ်။ လှေကားပေါ်ကအဆင်းသတိထားဦးနော်...စိတ်လည်းအရမ်းမလောနဲ့"
ဂျောင်ကုကတော့လှေကားပေါ်ကနေပြေးဆင်းသွားတဲ့ဆော့ဂျင်ကိုကြည့်ပြီးအနောက်ကနေတတွတ်တွတ်မှာရင်းကျန်နေခဲ့တော့သည်။ ညှိုးငယ်တဲ့မျက်နှာနဲ့သက်ပြင်းချရင်းဂျောင်ကုအိမ်ထဲပြန်ဝင်သွားသည်။သူ့အိပ်ခန်းထဲကအသင့်ပြင်ထားတဲ့အဝတ်အိတ်ကလေးကိုယူပြီး ဧည့်ခန်းထဲကဆိုဖာပေါ်မှာထိုင်ရင်း သူ့မှတ်စုစာအုပ်ထဲမှာညှပ်ထားတဲ့သတင်းစာစက္ကူအပိုင်းအစလေးကိုထုတ်ကြည့်လိုက်တယ်။ ထိုသတင်းစာဖြတ်ပိုင်းလေးမှာ စာလုံးအမည်းနဲ့ရေးထားတဲ့သတင်းဆောင်းပါးတစ်ခု... "ဂန်နမ် ရဲ့နာမည်ကြီး plastic surgeon ဒေါက်တာ ဂျွန်ဝူထယ် တရားစွဲခံရခြင်း"
YOU ARE READING
Born To Love You (✔)
Fanfiction(Unicode) အချစ်ဦးဆိုတာ... ပိုင်ဆိုင်စရာလည်းမဟုတ်ဘူး ထိတွေ့စရာလည်းမဟုတ်ဘူးတဲ့ စိတ်ကူးနဲ့ပဲ တစိမ့်စိမ့်ကြည့်ပြီးကြည်နူးနေရတာတဲ့ ကျွန်တော်ကတော့ ကျွန်တော့်ရဲ့အချစ်ဦးကို တစိမ့်စိမ့်ကြည့်ပြီးတော့လည်းကြည်နူးမယ်... ပိုင်ဆိုင်နိုင်အောင်လည်းကြိုးစ...