"မင်း ကုတင်နဲ့ဗီဒိုဝယ်ပြီးပြီလေ..မပြီးသေးဘူးလား။ ဘာတွေဒီလောက်တောင်ဝယ်နေတာလဲ"
သူလိုအပ်တဲ့အိုးခွက်ပန်းကန်တွေကိုသေချာရွေးပြီးဝယ်တာကြာနေတော့ ဆော့ဂျင်တစ်ယောက်နှုတ်ခမ်းကစူချင်လာသည်။ တကယ်တော့ ဒါတွေအားလုံးကသူ့အတွက်ချည်းပဲမဟုတ်ပါဘူး။ ဖြစ်သလို စားသောက်နေတဲ့ဆော့ဂျင်အတွက်အိမ်ထမင်းအိမ်ဟင်းလေးပုံမှန်ချက်ပြုတ်ပေးနိုင်အောင်စီစဥ်နေခြင်းပါ။
"လိုအပ်လို့ပေါ့။ ခင်ဗျားအိမ်မှာဘာမှမရှိဘူးလေ။ ကျွန်တော်က အိမ်မှာကိုယ်တိုင်ချက်ပြုတ်စားရတာကိုပဲကြိုက်တယ်။ အပြင်စာမစားနိုင်ဘူး"
"ဇီဇာကြောင်လိုက်တာ"
"အဲ့ဒါကိုကိုယ့်ကိုယ်ကိုဂရုစိုက်တယ်လို့ခေါ်တယ်"
"Heol"
သူ့ရဲ့စကားကို ဂရုမစိုက်ဟန်နဲ့မဲ့ရွဲ့ပြတဲ့ဆော့ဂျင်ရဲ့ပါးဖောင်းဖောင်းလေးတွေကို နာသွားအောင်ဆွဲပစ်ချင်တဲ့စိတ်ကိုမနည်းထိန်းချုပ်ထားရသည်။
"ဘာဝယ်ဦးမှာလဲ"
"ရေချိုးခန်းသုံးပစ္စည်းတွေဝယ်ပြီးရင်ပြီးပါပြီ"
"ပြီးရော..ငါဟိုနားမှာဘာတွေရှိလဲလျှောက်ကြည့်လိုက်ဦးမယ်"
သူခေါင်းညိတ်ပြလိုက်တော့ ဆော့ဂျင်သူ့နားကနေ ထွက်သွားပြီး စင်ပေါ်ကပစ္စည်းလေးတွေကိုလိုက်ကြည့်နေသည်။
"ဂျောင်ကု..ဂျောင်ကု"
ဘာ facial foam ဝယ်ရင်ကောင်းမလဲရွေးနေတဲ့ဂျောင်ကု သူ့နာမည်ကိုခေါ်ပြီးအနားကိုရောက်လာတဲ့ဆော့ဂျင်ကြောင့် အဆင်ပြေတာတစ်ခုကိုပဲရွေးပြီးစျေးဝယ်ခြင်းထဲထည့်လိုက်သည်။
"ဘာလဲ"
"ဟိုဘက်က ပစ္စည်းတွေက one plus one တဲ့"
"အဲ့တော့ဘာဖြစ်လဲ"
"လာခဲ့"
ဂျောင်ကုလက်ကိုအတင်းလာဆွဲလို့ သူလည်းဆော့ဂျင်ခေါ်တဲ့နောက်ကိုအလိုက်သင့်လိုက်သွားလိုက်သည်။
YOU ARE READING
Born To Love You (✔)
Fanfiction(Unicode) အချစ်ဦးဆိုတာ... ပိုင်ဆိုင်စရာလည်းမဟုတ်ဘူး ထိတွေ့စရာလည်းမဟုတ်ဘူးတဲ့ စိတ်ကူးနဲ့ပဲ တစိမ့်စိမ့်ကြည့်ပြီးကြည်နူးနေရတာတဲ့ ကျွန်တော်ကတော့ ကျွန်တော့်ရဲ့အချစ်ဦးကို တစိမ့်စိမ့်ကြည့်ပြီးတော့လည်းကြည်နူးမယ်... ပိုင်ဆိုင်နိုင်အောင်လည်းကြိုးစ...
