စိတ်ညစ်ညစ်နဲ့ညကစောစောအိပ်ရာဝင်ခဲ့လို့လားမသိ မနက်အိပ်ရာနိုးတော့ လူကတော်တော်လေးလန်းဆန်းနေသည်။ ဆော့ဂျင်အခန်းထဲကထွက်လာတော့ ဂျောင်ကု တောင်မနိုးသေးပေ။ ဒီနေ့မှထူးထူးခြားခြားအစောကြီးနိုးနေတဲ့ဆော့ဂျင် မနက်စာပြင်ရန်ရေခဲသေတ္တာကိုဖွင့်ကြည့်လိုက်သည်။ သူတစ်ယောက်တည်းနေတုန်းက ရေသန့်ဘူးကလွဲပြီးဘာမှမရှိတဲ့ရေခဲသေတ္တာက ဂျောင်ကုရောက်လာမှပဲ ဟင်းချက်စရာတွေနဲ့ပြည့်နေတော့သည်။ ဆော့ဂျင် cabinet ထဲက instant rice ၂ ဗူးကို microwave ထဲထည့်နေတုန်းဂျောင်ကုအိပ်ရာကနေနိုးလာသည်။
"အစောကြီးနိုးနေပါလား"
ဒီအချိန်အိပ်ရာထလေ့မရှိတဲ့ဆော့ဂျင်ကိုတွေ့လိုက်ရလို့အံ့ဩဟန်ဖြင့်ဂျောင်ကုမေးလိုက်သည်။
"အင်း"
ဆော့ဂျင်က microwave ထဲကနေ instant rice ဗူးကိုထုတ်ရင်းဂျောင်ကုရဲ့အမေးကိုပြန်ဖြေသည်။
"ဘာတွေလုပ်နေတာလဲ"
"မနက်စာလေ.. bibimbap"
ဆော့ဂျင်ရဲ့ bibimbap ကလည်းအဆန်း... အဖုံးပါတဲ့ ပလပ်စတစ်ဗူးထဲကို ထမင်း၊ ကင်ချီ၊ ကြက်ဥချောင်း၊ ငရုတ်သီးအနှစ် နဲ့နှမ်းဆီ ကိုအရင်ထည့်လိုက်သည်။ ပြီးမှ ထိုဗူးကိုအဖုံးလုံအောင်ပိတ်လိုက်ပြီး သုံး၊လေးချက်လောက်လှုပ်လိုက်သည်။ ပြီးတော့မှ ဗူးထဲက ရောသမှမွှေထားတဲ့ထမင်းတွေကိုပန်းကန်နှစ်ခုထဲအညီအမျှခွဲထည့်လိုက်သည်။ အသင့်ကြော်ထားတဲ့ကြက်ဥကြော်ကို ထမင်းပေါ်တင်၊ နှမ်းအနည်းငယ်ဖြူးလိုက်ခြင်းဖြင့် ဆော့ဂျင်ရဲ့အဆင့်မြင့် bibimbap ပြင်ဆင်ခြင်းပြီးဆုံးသွားသည်။ ဆော့ဂျင်လုပ်သမျှကို ပါးစပ်အဟောင်းသားဖြင့်သာဂျောင်ကုငေးနေနိုင်တော့သည်။
"အဲ့ဒါဘာကြီးလဲ"
"Bibimbap လေ"
"Bibimbap ဆိုတာဇွန်းနဲ့သေချာနှံ့အောင်နယ်မှအရသာရှိမှာပေါ့"
"စားလည်းစားကြည့်ပါဦး...ဇွန်းနဲ့အကြာကြီးနယ်နေရရင်လက်ညောင်းတာပေါ့။ အခုလို ဉာဏ်ကိုလွှာပြီးသုံးလိုက်တော့ အချိန်ကုန်လည်းသက်သာတယ်၊ လူလည်းမပင်ပန်းတော့ဘူးပေါ့"
YOU ARE READING
Born To Love You (✔)
Fanfiction(Unicode) အချစ်ဦးဆိုတာ... ပိုင်ဆိုင်စရာလည်းမဟုတ်ဘူး ထိတွေ့စရာလည်းမဟုတ်ဘူးတဲ့ စိတ်ကူးနဲ့ပဲ တစိမ့်စိမ့်ကြည့်ပြီးကြည်နူးနေရတာတဲ့ ကျွန်တော်ကတော့ ကျွန်တော့်ရဲ့အချစ်ဦးကို တစိမ့်စိမ့်ကြည့်ပြီးတော့လည်းကြည်နူးမယ်... ပိုင်ဆိုင်နိုင်အောင်လည်းကြိုးစ...
