And They Say...

Track 19: Something To Say

Melody's Point of View

"Ano na? Is it true na nag-away kayo ni Dex kagabi?"

Nakaupo kami sa sahig ng dance practice room habang naghihintay sa mentor at sa iba naming mga kaklase sa Choreography class. Nakasandal ako, si Ingrid at si Chord sa salamin habang nasa harap namin si Venice.

Venice leaned back at itinungkod pa ang dalawang kamay. Relax na relax.

"I wasn't expecting you'll do that to be honest. I mean let's just say that between you and Ingrid, it's her who's more into... arguments."

"Wow. Thanks ha," irap sa kanya ni Ingrid.

"Macoconsider ba siya as an argument kung one-sided lang naman?"

"One-sided lang?! So ikaw lang ang umaway kay Dex?! That's more surprising!"

It was on impulse. Ayoko talaga ng confrontations. Ayokong nakikipagsagutan sa ibang tao. Pakiramdam ko ang bigat sa dibdib. Masakit sa lalamunan.

At kapag tapos na, paglipas ng ilang oras, iisipin ko pa rin 'yon at ang mga dapat sinabi ko pero hindi ko nagawa kasi nga nauunahan ako ng emosyon.

"Pero ang sabi sabi, itong si Ingrid daw ang unang kaaway ni Dex. That's another surprise. Kasi bukod sa 'yo, at sa akin s'yempre, parang si Dex lang naman ang kaibigan ni Ingrid dito." Lumapit pa siya sa amin at umayos ng upo. "Weird. Why would he even be mad at any of you?"

"Hindi naman siya galit," paliwanag ko. "Nagkaroon lang ng kaunting misunderstandings. Normal naman 'yon."

Nagkibit-balikat si Venice at natahimik sandali na para bang may panibago na naman naisip.

I'm not even sure if I want to know what she's thinking at this point.

"Alam mo kung anong mas weird? May nagbanggit ng pangalan ni Kelsey sa issue."

Venice said it so nonchalantly but that made Ingrid and I stop. When I read the article last night, I don't remember seeing Kelsey's name there.

H'wag lang niyang sabihin na may hindi pa pala ako nababasa na bagong article? Ewan ko na lang talaga.

"Sa article?" tanong ko.

"Nah. Sa Twitter. May attitude problem daw si Ingrid kaya maski si Kelsey na halos close ng lahat eh hindi niya close."

"Ugh! People should stop sticking their nose in other people's business." Halata sa tono ni Ingrid na iritang irita na siya.

Hindi ko rin naman siya masisisi.

Been there.

I can't even say that it will get better. I'm not sure if it will. All I know is that we'll just get used to it.

"I know, right?"

"Bakit hindi mo simulan sa 'yo?" singit ni Chord sa usapan.

Sinimangutan siya ni Venice dahil dito. "What do you mean?" And instead of answering, Chord just shrugged.

"H'wag ka raw chismosa." Diretsyahang sagot ni Ingrid.

Ang bestfriend ko ang sumagot pero si Chord ang pinangliitan ng mata ni Venice. "Hoy, Chord, umamin ka nga lang. May problema ka ba sa akin?" Kung hindi ko kilala 'to, iisipin kong nasaktan talaga siya at dinadamdam niya ang matawag na chismosa. Pero alam ko namang nagbibiro lang siya.

"Wala naman."

"Kung wala, friends ba tayo?"

"Hindi."