🌻Unicode 🌻
ဆေးရုံလိုက်မည်ဆိုသည့်ကောင်လေးကြောင့် တစ်ညလုံး လူးလိမ့်ကာစဥ်းစားဖြစ်ခဲ့သည် ။ အိမ်ထဲကအိမ်ပြင်တောင် မထွက်ရဲသည့်ကောင်လေးအား ကျွန်တော်စောင့်ရှောက်နိုင်လေမလား ။
လူရှုတ်သည့်ဆေးရုံဝန်းထဲ ပျောက်သွားမှာလဲစိုးရသလို သွေးတွေဘာတွေကြောက်တတ်ရင်များဟုဆိုတာ စိတ်ပူပေးရသေးသည်။
သို့သော် ကျွန်တော်တတီတီအသံပေးတော့ သူ့မေမေနှင့်အန်တီလေးအားနှုတ်ဆက်ရင်း ကျွန်တော့်ဆီပြေးလာလေသည် ။
ကားတံခါးကိုဖွင့်ကာဝင်ထိုင်တော့ ကျွန်တော့်ခေါင်းထဲနောက်ခနဲဖြစ်သွားသည် ။
"ဟို...ရေမွှေးစွတ်တာများသွားလို့..."
ကျွန်တော့်မျက်နှာသိသိသာသာ ပျက်ယွင်းသွားမိသည်ထင်သည် ။ ချက်ချင်းအဖြေပြန်ပေးလာသည် ။
"ဟိုရောက်ရင် လိမ်လိမ်မာမာနေမှာသေချာလား....."
"ဟုတ်...ကိုကို...သားလိမ်မာမှာပါ"
ပေါင်ပေါ်တင်ထားသည့်အထုတ်ထဲတွင်လဲ မုန့်ထုတ်ပေါင်းစုံဖြင့် ။
ကျစ်....ဒီကလေးကွာ။
"မုန့်တွေဘာလို့ယူလာတာလည်း....ကိုကိုဝယ်ကျွေးမှာပေါ့"
"သားကလိမ်မာမှာလေ....ကိုကို့ကိုပူဆာရင်ဘယ်လိမ်မာတော့မလဲ"
ရွှန်းစိုသောမျက်လုံးများဖြင့် ကျွန်တော့်ကိုကြည့်ရင်းဆိုသည် ။ သဘာဝအတိုင်း တောက်ပနေသည့် နီထွေးထွေးနှုတ်ခမ်းပါးတစ်စုံဆီမှ ကျွန်တော့်အကြည့်များမခွာနိုင် ။
သူ့လက်ကလေးအား ဆုတ်ကိုင်မိခဲ့စဥ်က ၊ သူ့အားပန်းပန်ပေးခဲ့စဥ်က ၊ ခေါင်းလေးအား ခပ်ဖွဖွပုတ်ခဲ့ပေးစဥ်က ၊ လက်ကလေးအားသေချာဆေးကြောပေးစဥ်ကရခဲ့သော ရင်ခုန်ခြင်းမျိုး ကျွန်တော်အခုခံစားနေရသည်။
ဆေးရုံဝန်းထဲရောက်ပြန်တော့ လူကြောက်သည့်ကောင်လေးက ကျွန်တော့်အနားအတင်းတိုးကပ်နေပြန်သည် ။
ဘေးပတ်ပတ်လည်မှလူများအား မလွတ်တမ်းငေးကြည့်ရင်း ကျွန်တော့်အင်္ကျီလက်မောင်းစကိုကိုင်ထားသေးသည် ။
YOU ARE READING
ညှို့မျက်ဝန်းမှာခကြွေသူ (Completed)
Romanceအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨
