🌻Unicode 🌻
လေးနှစ်ခန့်ကြာသောအခါ.....။
"အား....အခုခေတ်ကလေးတွေသိပ်တော်ကြပါလားမိန်းမ"
"ဘာလို့လဲ..."
"ဖေဖေ...ဘာလို့လဲ"
ဖေဖေ့စကားကြောင့် တစ်မိသားစုလုံး၏အကြည့်သည် ဖေဖေထံသို့စုပုံကျရောက်သွားသည်။
"ဖေဖေရန်ကုန်ကိုအလုပ်ကိစ္စနဲ့သွားတော့ ကောင်လေးတစ်ယောက်နဲ့တွေ့ခဲ့တယ်..ကောင်လေးဆိုပေမယ့် အတော်အသင့်အောင်မြင်နေတဲ့စီးပွားရေးသမားတစ်ယောက်ပဲ...ရှယ်ယာစျေးကွက်တွေကိုလဲ တော်တော်ကစားထားနိုင်တယ်"
ဖေဖေ့စကားကြားတော့ တစ်ချိန်က စီးပွားရေးတက္ကသိုလ်တက်ခဲ့သော ကောင်ကလေးကိုမျက်လုံးထဲပြေးမြင်လာသည်။
ကောင်းကောင်းမွန်မွန်ရှင်သန်လာခဲ့မယ်ထင်ပါတယ်။
"ရှင့်ပါးစပ်ကချီးကျူးပြီဆိုရင်..တော်ရုံကလေးတော့မဟုတ်ဘူး"
"ဒါပေါ့မိန်းမရ...ရုပ်ရည်ကလည်း သပ်ရပ်ပြေပြစ်တယ်...ငွေကြေးကလဲချမ်းသာနဲ့...ဒီကလေးကိုစိတ်ထဲကနေ ခင်နေမိတာပါပဲကွာ..."
"တော်ထမင်းစားတော့မဖိတ်ခဲ့ဘူး..."
"အပြောနောက်ကျတယ်မိန်းမရ...သူလဲမန္တလေးလာဖို့ရှိတာနဲ့ ဖိတ်ခဲ့ပြီးပြီ"
ဖေဖေနှင့်မေမေပြောနေသည့်စကားဝိုင်းထဲ ကျွန်တော်တို့လင်မယားဝင်မပါချေ။
"နာမည်လေးဘာလေးပြောပြထားပါအုန်း...ရှင်မရှိတဲ့အချိန်လာရင် ကျွန်မဧည့်ခံထားရအောင်ပေါ့"
"နာမည်ကလဲအဆန်းကွ....မှူးသံဇဥ်တဲ့"
"ချွမ်း...."
ကျွန်တော့်လက်ထဲမှခရင်းသည် ကြမ်းခင်းကြွေပြားပေါ်သို့ လိမ့်ဆင်းသွားလေသည်။မဖြစ်ပါစေနဲ့ဟု ဆုတောင်းခဲ့သမျှဟာမပြည့်။
"ဖေ...ခရင်း...ကျ...ကျ..သားသား..ကောက်ကောက်"
"ဪ...အင်း ဖေ့သား"
သားသားသည် ကျွန်တော်ကျသွားသော ခရင်းကိုကောက်ရန် သူ့အမေပေါ်မှလှိမ့်ဆင်းတော့သည်။
၂နှစ်ခွဲလောက်သာရှိသေးသည့် သားစစ်မင်းနွယ်လေးက စကားတအားတတ်သည်။ဝဝကစ်ကစ်လေးနဲ့မို့ မြင်သူတကာချစ်ကြလေသည်။
YOU ARE READING
ညှို့မျက်ဝန်းမှာခကြွေသူ (Completed)
Romanceအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨
