🌻Unicode 🌻
ထိုနေ့ည ။ ကြယ်ရောင်စုံတို့သည် မဟူရာကောင်းကင်ထက် တောက်ပစွာတည်ရှိနေသည် ။ ဝိုင်းပြည့်ခါနီးသော လမင်းပျိုသည်လည်း တောက်ပစွာဖြင့် ။
တစ်ဖြတ်ဖြတ်တိုက်ခံလာသောလေပြေအဝှေ့တွင် စကားဝါပန်းရနံ့တို့က ထုံမွှန်စွာပါဝင်လာသည်။ တိတ်ဆိတ်သော ည၏အလယ် လှပသောပန်းချီကားတစ်ချပ် အသက်ဝင်နေသည် ။
မီးရောင်ဖျော့ဖျော့သည် ကိုကို့မျက်နှာပေါ် တစ်ဝက်ဖြတ်ကျလျက်ရှိသည် ။ ကျွန်တော်သည် ကိုယ့်ကိုကိုယ်ကံကောင်းတယ်ဟု ထင်မိသည် ။
မီးရောင်အောက်တွင် တောက်ပနေသော ကိုကို့မျက်လုံးများသည် ကြယ်ပွင့်လေးတစ်ပွင့်နှယ်။
ကိုကို့မျက်ဝန်းများသည် ကောင်းကင်ထက်သို့ရောက်နေသော်လည်း ကျွန်တော့်အကြည့်များသည် ကိုကိုဆီမှာသာကပ်ကျန်နေခဲ့သည် ။
"မှူး... ကိုကိုနဲ့တကယ်အိပ်လို့ဖြစ်ပါ့မလား"
ပြန်လည်စုံစည်းသွားသည့်မျက်လုံးနှစ်စုံ ။ သံလိုက်ဓာတ်ကဲ့သို့ ကိုကို့မျက်လုံးတွေကို အဝေးမလွင့်သွားအောင်ဆွဲဆောင်ချင်သည် ။
"နှစ်ယောက်လည်း သား အိပ်တတ်ပါတယ်ကိုကို....သား အိပ်ရေးမကြမ်းပါဘူး"
"ဟုတ်ပါပြီကွာ.....ကြယ်တွေကိုကြည့်ကြရအောင်နော်မှူး"
ကိုကို့အကြည့်များ ကျွန်တော့်မျက်ဝန်းဆီမှလွှတ်ထွက်သွားသည် ။
ဘေးတဇောင်းမြင်ရသည့် ကိုကို့မျက်နှာထား ၊ ယောက်ျားဆန်သည် လည်စေ့ ၊ ချွန်ပြီးသွယ်သောမေးရိုးများ။
ကိုကိုကကြည့်ကောင်းတာထက်ပိုလွန်းတယ်...။
ကောင်းကင်ထက်မှကြယ်တို့သည် ကိုကို့အပြုံးလောက်မတောက်ပနိုင် ။ ပြည့်ဝိုင်းနေသောလမင်းသည်လည်း ကိုကိုလောက်ဆွဲငင်အားမရှိ ။
ညှို့သောပင်လယ် ၊ ဆွဲငင်သောလမင်းဟူသည့်စာသည် ကျွန်တော့်အတွက်တော့မှားသည် ။ ကိုကိုက ပင်လယ်ထက်ပင်ညှို့အားကောင်းသူ၊ လမင်းထက်ပင် ပိုဆွဲငင်နိုင်သူ ။
"မှူး.....ကြယ်ကြွေတာကိုတွေ့လိုက်လား...."
"တွေ့တယ်လေ.... "
DU LÄSER
ညှို့မျက်ဝန်းမှာခကြွေသူ (Completed)
Romantikအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨