🌻Unicode 🌻
"မေမေ.....အလုပ်ရှုတ်နေလား..."
"လာလေသားငယ်....မင်းကိုပြမလို့လက်စွတ်တွေပါလာတယ်"
ကျွန်တော်ရှေ့ထိုးပေးလာသောဗန်းငယ်ထဲတွင် လှပစွာတည်ရှိနေသည့်လက်စွတ်များ ။ ကျွန်တော် တစ်ကွင်းပြီးတစ်ကွင်းကိုင်ကြည့်သည် ။
"ချွေးမလေးအတွက်ဆို...အမေရွေးပေးမှာနော်..."
"မဟုတ်ပါဘူးမေမေရာ"
ကျွန်တော့်လက်ထဲရောက်လာသည့်လက်စွတ်လေးကိုကြည့်လိုက်သည် ။ မည်သည့်ရတနာမှစီခြယ်မထားသည့် ဒီလက်စွတ်ကိုသဘောကျသည် ။
ကျွန်တော့်အတွေးထဲ မှူးဝင်လာသည် ။ နူးညံ့သွယ်လျသော လက်ချောင်းငယ်လေးများ ။ ထိုလက်ချောင်းငယ်များထက် ဤလက်စွတ်ကလေးနှင့် လိုက်ဖက်နေမည်ထင် ။
ကလေးနဲ့ဆိုသိပ်လိုက်ဖက်နေမှာ.....။
"မေမေ...သားဒါယူလိုက်ပြီ "ဟုဆိုကာ
ကျွန်တော့်ဘောင်းဘီအိတ်ထဲ ထိုးထည့်လိုက်သည်။
"သားနဲ့ဆိုသေးမနေဘူးလား...."
"မသေးပါဘူးမေမေရဲ့....သားမှူးတို့အိမ်ဘက်ခဏသွားဦးမယ်"
"သွားလေ...."
သူ့ပစ္စည်းများနှင့်တွေ့လျှင် မွေးကာစကလေးလို ဂရုတစိုက်လုပ်တတ်သူမို့ ကျွန်တော့်အားမော်တောင်မကြည့် ။
ခြံထဲမှနှင်းဆီတစ်ပွင့်ကိုခူးပြီး မှူးတို့ခြံဘက်ကူးလိုက်သည် ။ မှတ်မိနေသည့်ခြံစောင့်ဦးလေးကြီးက တံခါးလာဖွင့်ပေးသည် ။
မှူးတို့ခြံထဲမှာတော့ ကျောက်သပြေအချို့နှင့် စကားဝါပင်တစ်ပင်သာရှိသည် ။အိမ်ထဲတွင် မှူးအန်တီလေးကိုသာတွေ့ရသည် ။
"ဪ....သားလေ...လာလေ...မင်းညီဆီလာတာလား"
ဧည့်ကြိုစကားနှင့်အတူ မေးခွန်းအချို့ပါ ပါလာသည် ။
"ဟုတ်....အန်တီ"
"မင်းအန်တီငယ်ကတော့....ဆိုင်ခဏပြေးသွားတယ်....မင်းညီကအခန်းထဲမှာ အိပ်နေမလားပဲ"
"ရပါတယ်... အန်တီ...နေပါစေ"
"တက်သွား...သား....သူ့အခန်းရှေ့မှာ ကားတွန်းပုံတွေကပ်ထားတယ်"
YOU ARE READING
ညှို့မျက်ဝန်းမှာခကြွေသူ (Completed)
Romanceအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨
