🌻Unicode 🌻
တက္ကသိုလ်ပထမဆုံးရက် ။
ကျွန်တော်ထင်ထားတာထက် အများကြီးပိုရင့်ကျက်နေသူ ၊ကျွန်တော်ချစ်ရတဲ့ကလေးငယ်။
အပြာနုရောင်လွင့်နေသောရှပ်အင်္ကျီလက်ရှည်နှင့်အနက်ဆန်သောပုဆိုးကွက်အား တွဲဖတ်ဝင်ဆင်ထားသည့်ကလေးသည် ကျွန်တော့်ရှေ့တည့်တည့်တွင် ရပ်နေလေသည်။
ကောက်ကွေးသောဆံနွယ်တို့သည် ဆီအကူအညီဖြင့် နေရောင်အောက်တွင် ရွှဲစိုတောက်ပနေသည်။ မျက်ဝန်းနက်တို့သည် ပုလဲလုံးလေးများကဲသို့။
ထူးခြားနေသည်က ပါးလွှလွှနှုတ်ခမ်းလွှာများသာဖြစ်သည်။ ချယ်ရီပွင့်ဖက်လေးတွေလို ပုံကျလှပသောနှုတ်ခမ်းသားများအား တွန့်ကွေးထားသည်။
ကလေး၏အလှအပတစ်ခုချင်းဆီအား ကျွန်တော်သေချာခံစားမိသည်။ ထိုအချိန်တိုင်း ရိုးအီခြင်းမရှိ ရင်ခုန်ရစမြဲ။
ဒီကာလတစ်လျှောက်လုံး ဒီကောင်လေးကျွန်တော့်အပေါ် အတော်သံယောဇဥ်ကြီးကြောင်းနားလည်မိသည်။
ရည်းစားသက်တမ်း ၆ လကျော်အတွင်း ကျွန်တော်မကြိုက်တာဘာတစ်ခုမှ မလုပ်ခဲ့ဖူးပေ။
"ကိုကို.....နေပူနေပြီလေ"
"အမ်.....မှူး.....လာ...လာတက်လေ"
ခြံရှေ့မှာရပ်နေတဲ့မှူးက ကျွန်တော်စကားမစမချင်း တုတ်တုတ်မျှမလှုတ်။
"မေမေသားသွားတော့မယ်....အန်တီလေးသားသွားပြီ"
"ဟုတ်ပါပြီ....မေမေ့တက္ကသိုလ်ကျောင်းသားလေး"
မှူးက အန်တီတို့ကိုလက်ပြရင်း ကားပေါ်တက်လာလေသည်။ အားပါးပါး ဒီတက္ကသိုလ်ကျောင်းသားအလှကြိုက်ချက်။ ရေမွှေးနံ့ကိုတစ်ကားလုံးမွှန်လို့။
"အန်တီ....ကျွန်တော်တို့သွားပါပြီဗျ"
"ဟုတ်ပါပြီ.... ကိုစစ်ရေမင်းညီကိုအခန်းထဲထိလိုက်ပို့ပေးလိုက်နော်"
"ဟုတ်ကဲ့ပါအန်တီ"
မှူးမေမေနှင့်အန်တီအား နှုတ်ဆက်ကာကားမောင်းထွက်လာသည်အထိ မှူးကလက်ရမ်းကာနှုတ်ဆက်နေသေးသည်။
YOU ARE READING
ညှို့မျက်ဝန်းမှာခကြွေသူ (Completed)
Romanceအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨
