Reincarnated as a villain(COMPLETED)

chapter 1

-START-

"it's sucks"

Mahina kong sabi sa sarili matapos kong basahin ang librong binili ng kaibigan ko sa second hand bookstore malapit sa pinapasukan naming eskwelahan, pinatago niya muna sakin dahil pagagalitan siya ng kaniyang nanay kapag nalaman nitong pinambili nanaman niya ng libro ang perang sana ay pambili ng kaniyang project para sa science

bumuntong hininga ako at binato ang libro sa dulo ng kama na kinahihigaan ko ngayon, hindi ko pa nakakahalati ang librong binabasa ko....hindi naman ako mahilig magbasa naakit lamang ako sa plot ng kwentong nakasulat sa likod ng libro, tungkol ito sa isang magandang binibining napakabait at hinahangaan ng lahat dahil sa taglay na kagandahan at kabaitan, nang makapasok siya sa bago niyang eskwelahan ay hindi niya inaasahang may tatlong prinsipe ang nagustuhan siya at pinag aagawan siya.

Hanggang pumasok sa kwento ang isang babaeng walang ginawa kundi awayin at saktan ang bidang babae, sobrang sama nito at halos wala nang galang sa lahat ng nakapaligid sa kaniya.

Luma na ang libro halata naman dahil sa cover nito at mga pahina na unti unti nang naglalagas, tumayo ako sa pagkakahiga at dinala ang libro papuntang kusina, nilapag ko muna iyon sa lamesa at binuksan ang ref, naubusan na ako ng stock ng pagkain nakalimutan kong mag grocery kanina dahil pagod ako galing sa paglalaro ng badminton malapit na ang intrams namin kaya nagsisimula na kaming mag practice.

Nagtimpla nalang ako ng kape at sumandal sa sink.

Sisimsim palang ako sa kape ko ng mag vibrate ang cellphone kong nasa loob ng aking bulsa, kinuha ko iyon at sinagot ang tawag ng kaibigan ko.

"hey"

"Cazim!" tawag nito sa pangalan ko

Bigla kong naalala ang babaeng kontrabida sa librong binabasa ko, Cazimiya ang ngalan nito, napailing na lamang ako at tinanong kung ano ang kailangan niya sakin.

"magkita tayo sa park ngayon, ibigay mo na sakin ang libro" he's a booklover, he really treasure his books.

"let me change my clothes"

Pinatay ko na ang tawag at nagpalit na ng damit.

Lumabas na ako sa building ng condominium na tinitirhan ko, hindi na ako pumara ng taxi lalakarin ko nalang papuntang park hindi naman kalayuan dito iyon, ilang minuto lang naman ang lakaran.

inayos ko ang suot na hoodie, alas otso na ng gabi, masigla pa din ang mga tao, nagtatawanan at kumakain ng mga pagkain mula sa mga nagtitinda sa mga gilid gilid, hindi ako pala salitang tao lagi kong kinukulong ang sarili ko sa loob ng kwarto, iisa lang ang kaibigan ko yun ay kundi ang lalaking kikitain ko ngayon upang ibalik ang librong pinatatago nito sa akin.

"tulong!"

Napatigil ako sa paglalakad ng marinig ang sigaw na iyon, nakita ko sa di kalayuan ang isang lalaking may hawak na patalim at nakatutok iyon sa leeg ng hawak hawak nitong batang babae, walang nagtakangkang lumapit takot na baka sila ay madamay.

Nagsimula nang umiyak ang batang babae, ang nanay nito ay nasa gilid at nagmamakaawang pakawalan ang kaniyang anak.

Ang mga taong nasa mundong ito ay dahan dahang napapariwara, nakakaawa.

Pinagpatuloy ko na ang paglalakad, wala akong panahong masaksihan ang isa nanamang taong nilamon ng kasamaan.

"maawa ka sa anak ko"

Habang papalayo ako ng papalayo sa gawing iyon ay hindi ko maintindihan kung bakit mas lalong lumalakas ang hagulhol at pagmamakaawa ng ina nang bata, hindi maalis sa isipan ko ang boses nito, hinigpitan ko ang hawak sa libro at pilit na hindi lumingon ngunit nabigo ako ng marinig ang sigaw ng batang babae.