Reincarnated as a villain(COMPLETED)

chapter 17

"Prinsesa Cazimiya, hindi mo ba talaga ako isasama sa iyong lakad? Baka hanapin ka sakin ng mahal na hari, natatakot din ako na baka kayo ay mapahamak sa daan"

Lumingon ako kay Rosie na gustong gusto sumama sakin

"Huwag kang mag aalala babalik akong ligtas, may gagawin lang talaga ako"  ani ko

Tinulungan ako nitong alisin ang nakaharang sa butas ng pader, bago ako pumasok don ay nginitian ko muna si Rosie....katulad sa unang pagpasyal ko sa bayan ay panlalaki at komportable ang aking kasuotan, nakapa bilog ang mahaba kong buhok, lalaking lalaki ang datingan ko ngayon, hindi na ako naglagay ng pangharang sa mukha dahil sabi ni Rosie ay hindi naman nila ako mamumukhaan dahil ibang iba ang itsura ko, tama nga si Rosie dahil nang makapasok ako sa bayan ay hindi nila ako namukhaan, ngunit ang mga kababaiban ay hindi matigil sa pagtingin sakin na alam ko naman kung bakit.

Ang Cazim na nasa mundong ito ay talagang may dating, sayang nga lang dahil kailangan nitong mag ala prinsesa Cazimiya....

Habang naglalakad ako ay may humarang saking isang babae na may hawak hawak na mansanas.

"Ginoo tanggapin mo ang mansanas na ito, matamis iyan at talagang mapapabili kayo sa tindahan ko" malapad itong ngumiti at itinuro ang pwesto nito

Kinuha ko ang mansanas at naglabas ako ng ginto sa wallet na nakasabit sa bewang ko, gulat na tinignan ako nito at nagmamadaling kinuha kaagad sa palad ko ang ginto...hindi ko na ito pinansin pa.

"Maaari bang magtanong?"

"Sige lang ginoo" sabi ng matandang babae na nagtitinda naman ng mga laruang pambata

"May kilala ba kayong Dio?" Tanong ko

"Ayy kumanan ka lang, may makikita kang isang maliit na tindahan ng mga gulay nandon siya nagtatrabaho" nagpasalamat ako at naglapag ng ginto sa lamesa nito

Kumanan ako, maraming mamimili....gumilid ako ng may dumaan sa gilid ko mukhang nagmamadali dahil binabangga niya ang mga taong madadaanan niya, may malaki ding kariton ang sumisingit kaya naiipit na ako dito sa gilid, masikip na kasi ang daan dito kaya masikip....nakakita ako ng kahon na gawa sa kahoy kaya naisipan kong umakyat doon at pasadahan ng tingin ang buong paligid upang hanapin ang sinabi ng matanda, sa di kalayuan ay may mga babaeng nakapila sa isang tindahan, i squinted my eyes and i saw Dio, siya ang nagtatanong sa mga babaeng nakapila kung ano ang kanilang mga bibilhin

Tsk halata namang si Dio lang ang ipinunta nila don.

Bumaba ako at nagsimula nang sumingit, napapangiwi nalang ako kapag may sumisiko sakin at tumatapak sa sapin ko sa paa

"Huwag kayong magtulukan"

Naririnig ko na ang boses niya

Nakahinga ako ng maluwag ng mapunta na ako sa pwesto ni Dio, napatingin sakin ang lahat ng mga babaeng nakapila

"Sabi ko sayo Mira gwapo ang mga trabahador ni aling terry"

"Tignan mo ang kaniyang kutis, hindi halatang trabahador"

Hindi nila ako makikilala, kaya hindi ako pwedeng kabahan..nilagyan din ni Rosie ng pampakulay ang buhok ko ngunit maaalis din ang kulay kapag naligo ako o nabasa ang buhok ko, si prinsesa Cazimiya lang ang may kulay puting buhok kaya hindi ako pwedeng tumakas ng palasyo kapag hindi iniba ang kulay ng aking buhok, nung unang labas kasi namin ni Rosie upang pumunta dito ay may tumatakip sa aking buhok at mukha.