Reincarnated as a villain(COMPLETED)

chapter 18

"Nandito ka nanaman, Cazim"

Ibinaba ko ang dala dala kong bag na pinahiram sakin ni Rosie, tsaka nilapitan si Dio na nagbubuhat ng mga sako na may lamang mga gulay upang ilagay sa loob ng tindahan...

"Wala ka bang pasok?" Tanong nito

Napahawak ako sa batok tsaka malapad na ngumiti sa kaniya, ilang araw na akong laging nabisita dito sa tindahan nila Dio maaga akong umuuwi upang maaga ko din siyang makita....tinahian na din ako ng maraming damit pang itaas at pang ibaba ni Rosie dahil hindi naman pwedeng paulit ulit kong suutin ang iisang damit na pinapahiram nito sakin.

"Tapos na ang klase namin" sagot ko at ibinigay ang plastic na naglalaman ng gulay sa matandang bumili

"Diba ay nabibilang ka sa mga pulang estudyante?"

Alanganin akong tumango

"May pinsan kasi akong nag aaral sa pinapasukan mo pulang estudyante din siya"

"A...Anong pangalan?"

"Mary, kilala mo ba?"

"Pamilyar..."

Tumango lang ito, nagtama ang mata namin ni Gerick ang kaibigan ni Dio...tinaasan niya ako ng kilay, tsk wala siyang ibang ginagawa kundi painitin ang ulo ko at asarin ako sa tuwing nandito ako, masiyado din siyang clingy kay Dio minsan ay nakikita ko silang masiyadong magkadikit na para bang walang salitang espasyo na nabibilang sa kanilang bokubolaryo, siguro ay lumaki lang talaga silang sweet sa isa't isa, nag iwas ako ng tingin bago ko pa maihagis sa mukha niya ang hawak na repolyo

Maraming bumabati kala Dio, karamihan ay ang mga pulang estudyante kinakabahan tuloy ako na baka may makakilala sakin....hindi din mawala sa isipan ko ang ibig sabihin ng tatlong prinsipe noong nakaraang araw, sakin sila nakatingin kaya kahit ideny ko pa ay hundred percent na ako ang sinabihan nila, o baka inasar lang nila ako, kahit anong kabaitan mga prinsipeng iyon hindi pa din maiiwasan na maipakita ang kanilang kabang ugali.

"Cazim, m...magandang hapon"

Nginitian ko ang babaeng mukhang may pagtingin sakin dahil na sa akin lagi ang tingin niya kapag nandito siya sa tindahan bumibili

"Katulad din ba ng dati?" Tanong ko

She nodded

Hinayaan niya akong pumili ng mga gulay na lagi niyang binibili dito, nagpasalamat ito bago kunin ang plastic

"Kaarawan pala ng lola ko baka gusto mong pumunta? Isama mo na sila Dio" tumingin ako kay Dio akala ko ay nasa likuran ko lang siya, bumuntong hininga ako at tumingin muli sa harapan

"Sila Dio nalang ang imbitahan mo dahil bawal akong magpagabi" ani ko sa kaniya

"Sige....pero saan nga pala ang iyong tirahan? Baka sakaling ipag balot kita nang handa at ihatid sa iyong tinitirhan?"

Umiling ako sa kaniya

"Hindi ko pwedeng sabihin ngunit salamat, sa susunod na lamang, maligayang kaarawan sa iyong lola"

Ngumuso ito at tumango, maya maya pa ay lumabas mula sa likod si Dio kasama si Gerick...napakunot ang noo ko ng makitang nag aayos si Dio ng kaniyang suot na pang ibaba, ngumisi si Gerick at may ibinulong kay Dio hindi ko alam kung ano ang sinabi nito ngunit ngumiti si Dio tsaka tumango.