Reincarnated as a villain(COMPLETED)

chapter 35

Third person Pov:

Napamura ang tatlong prinsipe nang malaman na unti unti nang kumalat ang totoong kasarian ni Cazimiya, lahat ng mga residente ng Cadrica ay galit na galit sa hari dahil sa pagsisinungaling, ang iba ay sumugod pa sa palasyo buti na lamang at hinarangan sila ng mga gwardya upang hindi makapasok sa loob, hindi inaasahan ng tatlong prinsipe na naunahan na kaagad sila, ang kailangan nalang nilang gawin ay kunin si Cazimiya at ilayo muna sa mataong lugar lalo na sa palasyo nito dahil baka sa galit ng mga tao ay masaktan lamang ito.

Nakayuko ngayon si Cazimiya habang nilalaro ang kaniyang mga daliri, binigyan siya ng maiinom ni Rosie at hinaplos ang kaniyang likod, rinig na rinig niya mula sa sala ang sigaw at reklamo nang mga tao na nasa labas ng palasyo at pilit na idinidiin ang kaniyang ama na sinungaling at walang kwentang hari, nasasaktan si Cazimiya sa nangyayari, kahit gustong gusto na nitong lumabas at harapin ang mga tao ay hindi niya magawa dahil unang una wala siyang masasabi sa mga ito dahil mismong siya na anak ng hari ay walang alam kung bakit itinatago ng kaniyang ama ang kaniyang kasarian.

Ang tatlong prinsipe ang mukhang may alam sa lahat, at kailangan niyang makita ang mga ito.

"Hindi pa din nakakauwi ang ama, natatakot akong baka kung ano na ang mangyari sa kaniya sa kanluran lalo na at dahan dahan nang kumakalat ang pagsisinungaling nito" ani ni Cazimiya

"Huwag kang mag alala Prinsesa Cazimiya hindinsiya pababayan ni General Andrey" pagpapakalma ni Rosie sa alaga

"Prinsesa Cazimiya!"

Nag angat kaagad ng mukha si Cazimiya ng makarinig ng mga yabag at bumungad sa kaniyang harapan ang isang katulong na humihingal at napahawak pa sa dibdib, napatayo ako at hinawakan ang magkabilaan niyang braso

"Anong problema?" Tanong ni Cazimiya

Lumuha ang katulong sa kaniyang harapan.

Cazimiya Pov:

Anong nangyayari? Sa pinakikita sa akin ng katulong na nasa harapan ko ay parang hindi maganda ang kaniyang sasabihin, pinag papawisan na ako ng malamig at nanginginig na din ang aking mga kamay at tuhod, malapit na akong mahimatay dahil sa iba't ibang emosyon na nararamdaman

"A..Ang mahal na hari" humagulgol ito

"Bakit ang ama? Bakit?! Ipagpatuloy mo ang iyong sinasabi!" Niyugyog ko na ito kaya inilayo ako ni Rosie sa kaniya "sabihin mo sa akin! Anong nangyari kay ama!"

"Ang mahal na hari," napaluhod ito at tinakpan ang mukha gamit ang dalawang palad "iuuwi ang mahal na hari dito sa Cadrica, upang hatulan nang kamatayan sa harapan mismo ng kaniyang mga nasasakupan"

Doon na ako napaupo sa sahig at napatakip sa bibig, parang nabingi ako.....

Hindi maaari, hindi maaari.....bakit biglaan? Nagising na lamang akong ganito, panaginip ba ito? Nananaginip pa ba ako? Ginulo ko ang buhok at tinignan si Rosie, umiiyak na ito dahil sa nalaman.

"Ang tatlong prinsipe ng Escalus, Addelion at Aspiel ay naririto!" Narinig kong sabi ng gwardya mula sa labas

Kaya mabilis akong tumayo at nang makita sila ay kaagad ko silang nilapitan, isa isa kong hinawakan ang kanilang mga kamay

"A...Ang ama, hahatulan nang kamatayan ang ama! Hindi ito maaari, tulungan niyo ako, ayokong mawala ang ama!" Hinawakan ni Albert ang aking braso upang hindi ako mapadausdos sa sahig "tulungan niyo ako....."