My Empress 🖤️✨ ( Sinhala Ff ) Complete

Chapter : 04🖤✨️

My Empress 🖤️✨

Chapter : 04 👑

වැළලී ගිය අතීතයක්.......
අලුත් කළ ගායකයෙක්........

_____________________________________________

" මින්හෝ........... මින්හෝ........
ඔයා හොදින්ද.............
ඔයාට ප්‍රශ්නයක් නෑනේද........"

ලොකු නින්දක හිටපු මම ගැස්සිලා ඇහැරුනේ කවුදෝ කෑගහන සද්දෙට. දහ දොළොස් දෙනෙක්ගෙන් ගුටි කාලා වගේ මගේ මුළු ඇගම හොදටම රිදුම් දුන්නා. හිමීට හිමීට ඇස් අරිනවත් එක්ක බාගෙට ඇරුණ ඇස් අතරින් මම දැක්කෙ ලොකු කළුපාට ලස්සන ඇස් දෙකක් මගේ මූනට එබිලා ඉන්නවා.......

"මින්හෝ........ ඔයාට ප්‍රශ්නයක් නෑනේද......"

ඇහැට එච්චර හුරු නැති අමුතු විදිහේ ඇදුමක් ඇදලා කොණ්ඩයක් ගොතලා හිටිය ඒ කෙල්ල මන් දිහා බලාගෙන මට අමුතු නමකින් කතා කලේ හරියට මාව කලින් දන්නවා වගේ.....
වටපිට බලනවත් එක්කයි මට තේරුනේ මම ඉන්නෙ ගලක් උඩ වැතිරිලා කියලා. මගේ මුලු ඇගම හොදටම තෙත් වෙලයි තිබුණෙ......

හිමීට හිමීට නැගිටලා වටපිට බලනවත් එක්ක මට තේරුනා මම ඉන්නෙ කෑලෑවක ලොකු දියඇල්ලක් ළග කියලා. වටපිට බලන ගමන් ඉබේටම මගේ ඇස් ගියේ අර කෙල්ල දිහාවට.. මට පිටුපාලා හිටපු ඒ කෙල්ල ගොතලා තිබුණ කොණ්ඩේ එකින් එක ලෙහන ගමනුයි හිටියෙ...

කෙල්ල දිහා හොදට බැලුවමයි දැක්කෙ ඒ කෙල්ලත් මන් වගේම හොදටම තෙමිලා කියලා.....

කෙල්ල දිහා බලාගෙන කල්පනා කර කර හිටපු මම එකපාරටම කෙල්ලගෙන් ඇස් අහකට ගත්තේ කැඩුව කොණ්ඩේ අතින් ඉස්සරහට ගමන් කෙල්ල මගේ දිහාවට හැරුන නිසා. ටික වෙලාවක් එහෙ මෙහෙ ඇස් ගෙනියපු මම ආයෙත් කෙල්ල දිහාවට හැරුනේ ඉබේටමයි...

"මොකද ආහ් භූතයෙක් දැක්ක වගේ මන් දිහා ඔහොම බලන් ඉන්නෙ......
ඉක්මන් කරන්න අපිට පරක්කු වෙනවා......"

කෙල්ල එහෙම කිව්වෙ කොණ්ඩේ උඩට බදින ගමන් මගෙ දිහා මූණ අමුතු කරලා බලලා.....

"ඇත්තටම ඔයා කවුද ?......
ඔයා මාව දන්නවද.....
එතකොට මම මේ කොහෙද ඉන්නෙ......
මම කොහොමද මෙතනට ආවේ......."

මන් එකදිගට ප්‍රශ්න පේළියක් අහගෙන ගියේ ඉන්නෙ කොහෙද කියලා කිසි දැනුමක් තිබුණෙ නැති නිසා. ඒ කෙල්ල කතා කරපු වචනයක් වචනයක් ගානේ මට තේරුනේ මන් එයාව හරියට නොදන්නවා උනත් එයා මාව හොදට දන්නවා කියලයි......
මට හොදට මතකයි මම පාර පනින්න ආවා ඒත් දැන් මම ඉන්නෙ අදුරන්නෙ නැති කෙල්ලෙක් ඉස්සරහ මහ විශාල කැලෑවක. මට මේක හිතාගන්න බැරි වුණා......