ဝမ်ရိပေါ်ထွက်သွားသည်နှင့် ရှောင်ကျနိ့တို့လည်း ဟိုက်ခွမ်းကို နှုတိဆက်ကာ ကျောင်းဆေးခန်းသို့ ရောက်လာခဲ့ကြတော့သည်။
"ဘာမှကြီးကြီးမားမားမထိခိုက်သွားလို့တော်သေးတယ်ေခြေခါက်သွားရုံလေးဘဲ နောက်ဆိုပိုဂရုစိုက်နော် "
"ဟုတ်ကဲ့ "
ဆရာဝန်မလေးရဲ့ စကားကိုနှစ်ယောက်စလုံးခေါင်းညိမ့်ကာ စာသင်ခန်းဆီသို့ထွက်သွားကြတော့သည်။ဒီလိုနှင့်အခန်းထဲရောက်တော့နောက်ဆုံးခုံတွင်ထိုင်နေသည့် ရိပေါ်အား ရှောင်ကျန့်သတိထားမိသွားကာ
"ကျန်းချန် ဟိုး နောက်ဆုံးမှာ နေရာလွတ်တယ် အဲ့မှာထိုင်ရအောင် "
ကျန်းချန်ကတော့ ရှေ့မှာနေရာလွတ်ရှိရက်နဲ့ နောက်ဆုံးမှာမှ သွားထိုင်ချင်သည့် သူငယ်ချင်းလေးကိုနားမလည်နိုင်။ဒါပေမယ့် မပြောတော့ပါဘူးလေ ။
ရှောင်ကျန့် ရိပေါ်နားက ခုံမှာထိုင်ကာ
"ဟဲလို ဝမ်ရိပေါ် "
အကြည့်လေးတစ်ချက်သာ ပေးလျက် စာအုပ်ကို ပြန်ငုံ့ကြည့်နေသည်။ဒီလိုပါဘဲ ဝမ်ရိပေါ်ဆိုတာ ချေစရာမရှိ crush ကိုတောင်ချေတဲ့အမျိုး။
ရှောင်ကျန့်လည်းရိပေါ်ဆီမှ စကားမလာ၍ ဘေးကကျိုးချန်ကိုပြောလိုက်သည်။
"ဟေ့ကောင် ကျိုးချန် ဝမ်ရိပေါ်က စကားမပြောတတ်ဘူးထင်တယ် ဒီမနက်ထဲကနေ ငါသူစကားပြောတာ မကြားဖူးသေးဘူး "
"အေးကွာ ရုပ်ကလေး ချောရက်နဲ့ "
ရှောင်ကျန့်တို့နှစ်ယောက်ရိပေါ်မကြားဘူးအထင်နှင့် တီးတိုးတီးတိုးပြောနေကြသည်။ကြားနေရသည့် ရိပေါ်မှာတော့ စိတ်ထဲတွင်ရယ်ချင်နေသော်လည်း အပြင်ဘက်တွင်တော့ ပကတိတည်ငြိမ်လျက် ။
"အဟမ်း အဟမ်း "
သူကြားတယ်ဆိုတာသိစေဖို့ ရိပေါ် ချောင်းဟန့်လိုက်သည်။ထိုအချိန်မှ လှည့်လာကာ သွားကြီးဖြီးပြီး ရယ်ပြလေသည်။'ဘယ်လိုရုပ်လေးလဲကွာ ချစ်စရာလေး '
ရိပေါ်ရဲ့မျက်နှာကတော့ အတွေးလေးတွေနဲ့မလိုက်ဖက်စွာ တည်ငြိမ်မြဲ။ထိုချိန် ဆရာဝင်လာသဖြင့် အားလုံးတိတ်ဆိတ်သွားကြသည်။
YOU ARE READING
ချစ်ခြင်းရဲ့နောက်ကွယ် ( Complete ) M- Preg
Fanfictionအိပ်မက်ထဲထိ တမ်းတမ်းတတ ခေါ်မိချင်သူတစ်ခုတည်းသောနာမ်စားလေးကနှလုံးသားမရှိသူ မောင် တဲ့လား အိပ္မက္ထဲထိ တမ္းတမ္းတတ ေခၚမိခ်င္သူတစ္ခုတည္းေသာနာမ္စားေလးကႏွလုံးသားမရွိသူ ေမာင္ တဲ့လား Yizhan fanfiction M - Preg
