/Дууссан/ 👟 Нэгэн залуу ба бүсгүйн түүх 👠 [Short story❣️]

2. Чиний л сонголт

Аз жаргал дүүрэн ажилдаа явсан хүн, бөөн уур гэртээ эргэж ирлээ.

Хамгийн сайн найзуудтайгаа хамт амьдардаг болохоор гэрийн хаалгаар оров уу үгүй юу "Миний амьдрал сүйрлээ" хэмээн уйлан дуугарсаар орлоо.

Тэд нэлээд гайхсан янзтай над руу ширтэн зогсоно.

"Ёо өнөөдөр лав миний амьдралын хамгийн тэнэг өдөр байхаа!" хэмээн дахин нэг орилоход

Намин "Яачихсан юм? ойрд уг нь ажил чинь дажгүй л байсан биз дээ?"

Би "Дажгүй байх нь байсан л даа, гэтэл захирал өнөөдөр амьдралыг минь сүйрүүлэх мэдээ хэлчихлээ" гэхэд

Анхён "Ямар мэдээ?"

Би нөгөө BTS зурагтай жаазаа тэдэнд үзүүлээд "Тэр үүнийг надад өгөөд, баяр хүргэе чи BTS-н менежер боллоо гэж хэлсэн" гэхэд

Нөгөө хоёр мэдрэл чинь "Еээ Азгүй юм бэ, Өнөөдөр угаасаа нохойны час өдөр гэсэн" гээд дургүйг минь хүргээд авлаа.

Би тэр хоёр руу байдаг муухайгаараа хараад "Ийм үед шоолох биш сэтгэл засах ёстойг мэдэх үү? тахиа гахай хоёр угаасаа ийм мэдрэмжгүй байдаг гэсэн" гэхэд

Нөгөө хоёр тас тас хөхөрсөөр л байлаа.

Намин "Сүртэй хүн шүү, одоо тэд дэлхийн од болсон Пак Жимин чамайг дэлхий дээр байдгийг аль хэдийн мартаа биз"

Анхён "Мэдээж шүү дээ, дэлхийн од хүнд чам шиг охиныг санах шаардлага ч гарахгүй"

Би "Тэгдэг бол сайн л байна. Гэхдээ тэр чөтгөр тийм ч амархан хүн мартахаар хүн биш" гэсээр хөмсөг зангидахад

Намин нэлээд чанга инээгээд "Чиний л сонголт шүү дээ, түүнд тийм их дургүй байж яах гэж ийм мэргэжил сонгосон юм. Харин ч таарах хүсэлгүй байсан юм бол тэс өөр ажил хийх хэрэгтэй шдээ"

Би "Би ямар BTS-н менежер болох гэж ийм мэргэжил сонгосон юм уу? EXO-гийнхоо менежер болох гэж сонгосон юм бол за юу!"

Анхён "Тийм л юм бол SM-д биш HYBE-д ямар чөтгөрөө хийж ажилд орсон юм? угаасаа чи өөрөө мэдрэл байгаа биз дээ?" гэж хээвнэг хэллээ.

Сэтгэл санаагаа дээрдүүлэх гэж хичээж байхад энэ хоёрыг дээ. . .

Би "Тэр үед чинь манай Шиүмин цэрэгт явчихсан байсан юм. Түүнийг халагдаж иртэл түр зуур энд ажиллаж байгаад SM-рүү орно гэж бодож байсан. Гэтэл одоо миний санаачилсан хэд хэдэн төслийг HYBE хэрэгжүүлж байгаа. Ийм байхад яаж гарах юм?" хэмээн гонгиносоор нүүрээ дарахад

Намин энэ удаад сэтгэл засах гэж хичээж байгаа бололтой "Хэдэн жил өнгөрсөн билээ дээ, Жимин ч тэр, чи ч тэр том хүмүүс болсон. Одоо тэр дахиж чамайг зовоохгүй байхаа. Тэгээд ч толгой өндийх завгүй байгаа биз. Түүний хувьд чи эртний танил шүү дээ. Магадгүй тэр одоо илүү намба суусан ч юм билүү, чамтай дажгүй харьцах байхаа. Алдартай хүн байна даа, нэр хүндээ бодох байлгүй дээ" хэмээн нуруу илэхэд

Анхён гэж мэдрэмжгүй тахиа чинь байдгаараа инээсээр "Мөн сайхан харьцах байхдаа. Мөрөөдлөө биелүүлээд дебут хийж байгаа хүнд юу гэж хэллээ дээ. Би лав Жиминий оронд байсан бол түүнийг хорхойтой араандаа зуух байсан" гэх нь тэр.

Намин "Юу гээд хэлчихсэн юм?"

Би хөнгөн санаа алдсаар "Амьдралаас минь үүрд алга болж байгаад чинь баяр хүргэе, Азгүй амьтан минь тайзан дээрээ турж үхээрэй. . . гээд л нэг тиймэрхүү" гэсээр чимээгүй болоход

Намин над руу хачин харсаар "Энэ ёстой бүтэхгүй ээ" гэсээр толгой сэгсэрлээ. . .

==========================

Дараагийн хэсэг 20:10^^